ವೈರಲ್​ ಆಯ್ತು ನಟ ಶಿವಕಾರ್ತಿಕೆಯನ್​ 'ಸಿಕ್ಸ್ ಪ್ಯಾಕ್​' ಫೋಟೋ; ಇದು ಫೇಕ್​ ಎಂದ ಚಿತ್ರತಂಡ!

ತಮಿಳುನಾಡು: ಕಾಲಿವುಡ್​ನ ಸ್ಟಾರ್ ನಟ ಶಿವಕಾರ್ತಿಕೆಯನ್​ ಅವರ ಸಿಕ್ಸ್ ಪ್ಯಾಕ್ ಲುಕ್ ಫೋಟೊವೊಂದು ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್​ ಆಗಿದೆ. ಈ ಫೋಟೋ ನೋಡಿದ ನಟನ ಅಭಿಮಾನಿಗಳು ಶಾಕ್ ಆಗಿದ್ದು, ಇದು ಮುಂದಿನ ಚಿತ್ರದ ಸ್ಟಿಲ್​ ಇರಬಹುದೇ? ಯಾವ ಚಿತ್ರವಿದು ಎಂಬ ಹತ್ತು ಹಲವು ಪ್ರಶ್ನೆಗಳನ್ನು ಮುಂದಿಟ್ಟಿದ್ದರು. ಇದು ಅಸಲಿಯೋ? ಅಥವಾ ನಕಲಿಯೋ​? ಎಂಬ ಅನೇಕರ ಪ್ರಶ್ನೆಗೆ ಇದೀಗ ಚಿತ್ರತಂಡ ಉತ್ತರ ನೀಡಿದೆ.

ಇದನ್ನೂ ಓದಿ: ಜ್ಞಾನ ವಿಕಾಸದಿಂದ ಸ್ತ್ರೀಯರಿಗೆ ಅನುಕೂಲ

ಇತ್ತೀಚಿಗೆ ಲಭ್ಯವಾದ ಮಾಹಿತಿ ಅನುಸಾರ, ತಮಿಳಿನ ಸ್ಟಾರ್ ಹೀರೋ ಶಿವಕಾರ್ತಿಕೇಯನ್, ರಾಜ್‌ಕುಮಾರ್ ಪೆರಿಯಾಸ್ವಾಮಿ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ 'ಎಸ್​ಕೆ 21' ಚಿತ್ರದ ಚಿತ್ರೀಕರಣದಲ್ಲಿ ನಿರತಾಗಿದ್ದಾರೆ. ಆದ್ರೆ, ಈ ಮಧ್ಯೆ ಸಾಮಾಜಿಕ ಜಾಲತಾಣದಲ್ಲಿ ಅವರು ಜಿಮ್​ಗೆ ತೆರಳಿ ಸಿಕ್ಸ್ ಪ್ಯಾಕ್​​ ಮಾಡಿಕೊಂಡಿದ್ದಾರೆ ಎಂಬ ವದಂತಿಗಳು ಹರಿದಾಡಿದ್ದು, ಅದಕ್ಕೆ ತಕ್ಕಂತೆ ಒಂದು ಫೋಟೋ ಕೂಡ ವೈರಲ್ ಆಗಿದೆ. ನಟನ​ ಲುಕ್​ ನೋಡಿ ಆಶ್ಚರ್ಯಚಕಿತರಾದ ಫ್ಯಾನ್ಸ್​, ಇದು ನಿಜವಾ? ಯಾವ ಚಿತ್ರ, ಅದ್ಭುತ ಮೈಕಟ್ಟು ಎಂದೆಲ್ಲಾ ಕಮೆಂಟ್​ ಮಾಡುವ ಮೂಲಕ ಚರ್ಚೆ ಮಾಡಿದ್ದಾರೆ.

ವೈರಲ್ ಆದ ಫೋಟೋ ಕುರಿತು ಇದ್ದ ಗೊಂದಲಗಳಿಗೆ ಇದೀಗ ಚಿತ್ರತಂಡ ತೆರೆ ಎಳೆದಿದೆ. ಚಿತ್ರ ತಯಾರಕರು ಸ್ನ್ಯಾಪ್ ನಕಲಿ ಎಂದು ಖಚಿತಪಡಿಸಿದ್ದು, ಅಭಿಮಾನಿಗಳಲ್ಲಿ ಯಾರೋ ಒಬ್ಬರು ಫೋಟೋಶಾಪ್ ಮಾಡಿ ಸೋಷಿಯಲ್​ ಮೀಡಿಯಾದಲ್ಲಿ ಹರಿಬಿಟ್ಟಿದ್ದಾರೆ ಎಂದು ತಿಳಿಸಿದ್ದಾರೆ. ಸದ್ಯ ಶಿವ ಕಾರ್ತಿಕೆಯನ್​ 'ಎಸ್​ಕೆ 21' ಚಿತ್ರದ ಚಿತ್ರೀಕರಣದಲ್ಲಿ ಭಾಗಿಯಾಗಿದ್ದು, ಈ ಚಿತ್ರದ ಫಸ್ಟ್​ ಲುಕ್​ ಆಗಸ್ಟ್​ 15 ರಂದು ರಿಲೀಸ್​ ಆಗಲಿದೆ ಎಂದು ಹೇಳಲಾಗಿದೆ,(ಏಜೆನ್ಸೀಸ್).

https://www.vijayavani.net/ashwath-narayan-allegation-against-dk-shivakumar