ಇದು ಕರೊನಾ ಹಾಟ್​ಸ್ಪಾಟ್... ಶಕ್ತಿ ಪ್ರದರ್ಶನ ಸೋಗಿನಲ್ಲಿ ಸೋಂಕು ಹರಡುತ್ತಿದೆ ಹುಷಾರ್​!

ತುಮಕೂರು: ಕರೊನಾ ಅಟ್ಟಹಾಸ ಮೆರೆಯುತ್ತಿರುವ ಸಂದರ್ಭದಲ್ಲೇ ಶಿರಾ ಕ್ಷೇತ್ರಕ್ಕೆ ಉಪ ಚುನಾವಣೆ ನಡೆಯುತ್ತಿದ್ದು, ಜನನಾಯಕರ ಶಕ್ತಿ ಪ್ರದರ್ಶನ ಕೋವಿಡ್​ ಹಾಟ್​ಸ್ಪಾಟ್​ ಆಗಿದೆ.

ಕರೊನಾ ಹಿನ್ನೆಲೆಯಲ್ಲಿ ಮನೆ ಮನೆ ಪ್ರಚಾರ, ಬಹಿರಂಗ ಪ್ರಚಾರಕ್ಕೆ ಹಲವು ನಿರ್ಬಂಧ ವಿಧಿಸಲಾಗಿದೆ. ಮನೆ-ಮನೆ ಪ್ರಚಾರ ನಡೆಸಲು ಕೇವಲ ಐದು ಮಂದಿಗೆ, ಸಾರ್ವಜನಿಕ ಸಭೆಗಳಲ್ಲಿ ಕೇವಲ 200 ಮಂದಿ ಭಾಗವಹಿಸಲಷ್ಟೇ ಅವಕಾಶ ಇದೆ. ಚುನಾವಣಾ ಪ್ರಚಾರದ ಸಂದರ್ಭದಲ್ಲಿ ಅಭ್ಯರ್ಥಿಗಳು ಹಾಗೂ ಅವರ ಬೆಂಬಲಿಗರು ಕನಿಷ್ಠ ವಾಹನ ಬಳಸಬೇಕಿದೆ. ನಾಮಪತ್ರ ಸಲ್ಲಿಕೆ ಸೇರಿ ಇನ್ನಿತರ ಚುನಾವಣಾ ಪ್ರಕ್ರಿಯೆಗಳಿಗೆ ಆನ್​ಲೈನ್​ನಲ್ಲೇ ವ್ಯವಹರಿಸಲು ಸೂಚಿಸಲಾಗಿದೆ. ಆದರೂ ರಾಜಕೀಯ ಪಕ್ಷಗಳು ಬೇಜವಾಬ್ದಾರಿಯಿಂದ ವರ್ತಿಸುತ್ತಿದ್ದು, ಲಕ್ಷಾಂತರ ಜನರ ಬದುಕಿನ ಜತೆ ಚೆಲ್ಲಾಟವಾಡುತ್ತಿವೆ.

ಗುರುವಾರ ನಾಮಪತ್ರ ಸಲ್ಲಿಕೆ ವೇಳೆ ಜಿದ್ದಾಜಿದ್ದಿಗೆ ಬಿದ್ದಂತೆ ಶಕ್ತಿಪ್ರದರ್ಶನ ನಡೆಸಿದ ಕಾಂಗ್ರೆಸ್​ ಮುಖಂಡರ ಸುತ್ತಲೂ ಜನಸ್ತೋಮ ಸೇರಿತ್ತು. ಎಲ್ಲಿಯೂ ಪರಸ್ಪರ ಅಂತರ ಕಾಪಾಡಿಕೊಳ್ಳದೆ, ಮಾಸ್ಕ್​ ಧರಿಸದೆ ನೂಕುನುಗ್ಗಲಾಗಿ ಗುಂಪುಗೂಡಿದ್ದ ದೃಶ್ಯ ಶಿರಾ ಕ್ಷೇತ್ರ ಮಾತ್ರ ರಾಜ್ಯದ ಜನತೆಯನ್ನೂ ಬೆಚ್ಚಿಬೀಳಿಸಿದೆ. ಜೆಡಿಎಸ್​ ಅಭ್ಯರ್ಥಿ ಪರ ನಾಮಪತ್ರ ಸಲ್ಲಿಸಲು ಪಕ್ಷದ ಮುಖಂಡರು ಮೆರವಣಿಗೆಯಲ್ಲಿ ಬಂದ ವೇಳೆಯೂ ಇದೇ ಪರಿಸ್ಥಿತಿ ಇತ್ತು.

ತುಮಕೂರು ಜಿಲ್ಲೆಯಲ್ಲಿ ಮೊದಲ ಕರೊನಾ ಪ್ರಕರಣ ದಾಖಲಾಗಿದ್ದು ಶಿರಾದಲ್ಲೇ. ಶಾಸಕ ಬಿ.ಸತ್ಯನಾರಾಯಣ ನಿಧನದಿಂದ ತೆರವಾಗಿರುವ ಕ್ಷೇತ್ರಕ್ಕೆ ಚುನಾವಣೆ

ಒಟ್ಟಾರೆ ಶೇಂಗಾನಾಡು ಶಿರಾ "ಕರೊನಾ ಹಾಟ್​ ಸ್ಪಾಟ್​'' ಆಗಿದೆ. ತುರ್ತಾಗಿ ರಾಜಕೀಯ ಪಕ್ಷಗಳು, ಕ್ಷೇತ್ರದ ಜನತೆ ಎಚ್ಚೆತ್ತುಕೊಳ್ಳದಿದ್ದರೆ ಅಪಾರ ಪ್ರಮಾಣದ ಸಾವು-ನೋವನ್ನು ಎದುರಿಸಬೇಕಾದೀತು.

https://www.vijayavani.net/shira-by-election-congress-candidate-jayachandra/

https://www.vijayavani.net/rr-nagara-by-election-congress-candidate-kusuma-fir-dk-shivakumar/