ಅದೊಂದೇ ಕಾರಣಕ್ಕೆ ಮಲಯಾಳಂ ಚಿತ್ರಗಳಲ್ಲಿ ನಟಿಸಿಲ್ಲ! ಬಾಲಿವುಡ್​ ಬ್ಯೂಟಿ ಶಿಲ್ಪಾ ಶೆಟ್ಟಿ ಮನದಾಳ | Shilpa Shetty

Shilpa Shetty: ನಿರ್ದೇಶಕ ಪ್ರೇಮ್ ನಿರ್ದೇಶಿಸಿರುವ ಕೆಡಿ- ದಿ ಡೆವಿಲ್ ಚಿತ್ರದಲ್ಲಿ ಕಾಣಿಸಿಕೊಂಡಿರುವ ಬಾಲಿವುಡ್​ ತಾರೆ ಶಿಲ್ಪಾ ಶೆಟ್ಟಿ, ಹಲವು ವರ್ಷಗಳ ಬಳಿಕ ಸ್ಯಾಂಡಲ್​ವುಡ್​ಗೆ ರೀ-ಎಂಟ್ರಿ ಕೊಟ್ಟಿದ್ದಾರೆ. ವಿ. ರವಿಚಂದ್ರನ್ ಅವರೊಂದಿಗೆ ಪ್ರೀತ್ಸೋದ್​ ತಪ್ಪಾ? ಚಿತ್ರದಲ್ಲಿ ಅಭಿನಯಿಸಿದ್ದ ಶಿಲ್ಪಾ, ನಂತರದಲ್ಲಿ ಕನ್ನಡ ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳಲಿಲ್ಲ. ಆದರೀಗ, ನಟ ಧ್ರುವ ಸರ್ಜಾ ಹೀರೋ ಆಗಿ ಅಭಿನಯದ ಚಿತ್ರದಲ್ಲಿ ವಿಶೇಷ ಪಾತ್ರದಲ್ಲಿ ಎಂಟ್ರಿ ಕೊಟ್ಟಿರುವುದು ಅವರ ಕನ್ನಡ ಅಭಿಮಾನಿಗಳಲ್ಲಿ ಸಂತಸ ತಂದಿದೆ.

ಇದನ್ನೂ ಓದಿ: ರಘುವಂಶಿ ಹತ್ಯೆ ಕೇಸ್​ನಲ್ಲಿ ಇಬ್ಬರಿಗೆ ಬೇಲ್​! ಸೋನಮ್​-ರಾಜ್​ ಒಳಗೆ, ಸಹಚರರು ಹೊರಗೆ​​ | Honeymoon Murder

​ಕೆಡಿ ಚಿತ್ರದ ರಿಲೀಸ್​ ಬೆನ್ನಲ್ಲೇ ಬ್ಯಾಕ್​ ಟು ಬ್ಯಾಕ್​ ಪ್ರಚಾರ ಕಾರ್ಯದಲ್ಲಿ ಬಿಜಿಯಾಗಿರುವ ನಟಿ, ಇತ್ತೀಚೆಗಷ್ಟೇ ಸಿನಿಮಾದ ಟೀಸರ್​ ಈವೆಂಟ್​ನಲ್ಲಿ ತಾವ್ಯಾಕೆ ಇಲ್ಲಿಯವರೆಗೂ ಮಲಯಾಳಂ ಚಿತ್ರಗಳಲ್ಲಿ ನಟಿಸಿಲ್ಲ ಎಂಬ ಪ್ರಶ್ನೆಗೆ ಉತ್ತರಿಸಿದ್ದಾರೆ. ನಾನು ಬಾಲಿವುಡ್​ ಸೇರಿದಂತೆ ತಮಿಳು, ಕನ್ನಡ, ತೆಲುಗು ಚಿತ್ರರಂಗಗಳಲ್ಲಿ ಕೆಲಸ ಮಾಡಿದ್ದೇನೆ. ಆದರೆ, ಮಾಲಿವುಡ್​ನಲ್ಲಿ ಅಭಿನಯಿಸಿಲ್ಲ. ಇದಕ್ಕೆ ಕಾರಣ ಬೇರೇನೂ ಇಲ್ಲ. ಮಲಯಾಳಂನ ಒಂದಷ್ಟು ಚಿತ್ರಗಳಿಗೆ ನನಗೆ ಆಫರ್​ ಬಂದಿತ್ತು. ಆದ್ರೆ, ನಾನೇ ಒಪ್ಪಿಕೊಳ್ಳಲಿಲ್ಲ. ಕಾರಣ ನನ್ನಲ್ಲಿದ್ದ ಭಯ ಎಂದಿದ್ದಾರೆ.

ನನಗೆ ಮಲಯಾಳಂ ಸಿನಿಮಾಗಳು ತುಂಬಾನೇ ಇಷ್ಟ. ಭಾವನೆಗಳನ್ನು ನಿಭಾಯಿಸುವ ಹಾಗೂ ಅದನ್ನು ಬೆಳ್ಳಿಪರದೆಯ ಮೇಲೆ ತೋರಿಸುವ ಚಿತ್ರರಂಗದ ಕೆಲಸ ನಿಜಕ್ಕೂ ಅದ್ಭುತ. ಈ ಚಿತ್ರರಂಗದಲ್ಲಿ ನನಗೆ ಕೊಡುವ ಪಾತ್ರಕ್ಕೆ ನಾನು ಸಂಪೂರ್ಣವಾಗಿ ನ್ಯಾಯ ಒದಗಿಸುತ್ತೀನಿ ಅನ್ನೋ ನಂಬಿಕೆ ನನ್ನಲ್ಲಿ ಮೂಡಲಿಲ್ಲ. ಹೀಗಾಗಿ ಒಪ್ಪಿಕೊಳ್ಳಲಿಲ್ಲ. ಇದೇ ಕಾರಣಕ್ಕೆ ಹಿಂದುಳಿದೆ. ನೋಡೋಣ, ಮುಂದೊಂದು ದಿನ ಮಲಯಾಳಂ ಚಿತ್ರದಲ್ಲಿ ಅಭಿನಯಿಸುವೆ ಎಂದು ಹೇಳಿದರು,(ಏಜೆನ್ಸೀಸ್).

https://www.vijayavani.net/radhika-yadav-friend-shocking-allegation-on-deepak-yadav