ಷಟ್ಕರ್ಮದಿಂದ ಕೊಬ್ಬು- ಶ್ಲೇಷ್ಮ-ತ್ರಿದೋಷ ಸಮತೋಲನ ಸಾಧ್ಯ

ಹಠಯೋಗ ಪ್ರದೀಪಿಕಾ (2.21)ದಲ್ಲಿ ಸ್ವಾತ್ಮಾರಾಮಸೂರಿ ಎಂಬ ಹಠಯೋಗಿ ಷಟ್ಕರ್ಮದ ಅವಶ್ಯಕತೆಯನ್ನು ಈ ರೀತಿ ತಿಳಿಸಿದ್ದಾರೆ.

ಮೇದಶ್ಲೇಷ್ಮಾಧಿಕಃ ಪೂರ್ವಂ ಷಟ್ಕರ್ವಣಿ ಸಮಾಚರೇತ್| ಅನ್ಯಸ್ತು ನಾಚರೇತ್ತಾನಿ ದೋಷಾಣಾಂ ಸಮಭಾವತಃ ||

ಕೊಬ್ಬು ಅಥವಾ ಶ್ಲೇಷ್ಮವು ಅಧಿಕವಾಗಿದ್ದಾಗ (ಪ್ರಾಣಾ ಯಾಮದ) ಮೊದಲು ಷಟ್ಕರ್ಮ ಗಳನ್ನು ಅಥವಾ ಶುದ್ಧೀಕರಣದ ಆರು ವಿಧಾನಗಳನ್ನು ಅಭ್ಯಾಸ ಮಾಡಬೇಕು. ಈ ದೋಷಗಳು (ವಾತ, ಪಿತ್ತ, ಕಫ) ನಿಯಂತ್ರಣದಲ್ಲಿ ರುವವರು ಇದನ್ನು ಮಾಡಬೇಕಾಗಿಲ್ಲ. ಆಯುರ್ವೆದ ಮತ್ತು ಹಠಯೋಗಗಳೆರಡರ ಪ್ರಕಾರ ಈ ಮೂರು ದೋಷಗಳ ಅಸಮತೋಲನ ವ್ಯಾಧಿಗಳಿಗೆ ಕಾರಣವಾಗುತ್ತದೆ.

ವಿಷಯುಕ್ತ ವಸ್ತುಗಳನ್ನು ನಿವಾರಿಸಿ ಶರೀರವನ್ನು ಶುದ್ಧೀಕರಿಸಲು ಮತ್ತು ಆಧ್ಯಾತ್ಮಿಕ ಪಥದಲ್ಲಿ ಕ್ಷೇಮಕರವಾದ ಯಶಸ್ವೀ ಮುನ್ನಡೆಯನ್ನು ಸಾಧಿಸಲು ಈ ಷಟ್ಕರ್ಮವನ್ನು ಪ್ರಾಣಾಯಾಮ ಮತ್ತಿತರ ಯೋಗಾಭ್ಯಾಸದ ಮುನ್ನ ಮಾಡುತ್ತಾರೆ.

ಎಚ್ಚರಿಕೆ: ಪರಿಣಾಮಕಾರಿ ಹಾಗೂ ಪ್ರಬಲವಾದ ಈ ಅಭ್ಯಾಸವನ್ನು ಪುಸ್ತಕ ಓದಿಯಾಗಲೀ ಅಥವಾ ಅನುಭವ ಇಲ್ಲದಿರುವವರಿಂದಾಗಲಿ ಕಲಿತುಕೊಳ್ಳುವುದು ಎಂದಿಗೂ ಸಲ್ಲದು. ಶಾಸ್ತ್ರದ ಪ್ರಕಾರ ಗುರುಮುಖೇನ ಕಲಿತವರು ಮಾತ್ರ ಇತರರಿಗೆ ಕಲಿಸಬಹುದು. ಅವರವರ ಅಗತ್ಯಗಳಿಗೆ ಅನುಗುಣವಾಗಿ ಇದನ್ನು ಹೇಗೆ ಮತ್ತು ಯಾವಾಗ ಮಾಡಬೇಕು ಎಂಬುದನ್ನು ವೈಯಕ್ತಿಕವಾಗಿ ತಿಳುವಳಿಕೆ ನೀಡುವುದು ಅಗತ್ಯ.

ಷಟ್ಕರ್ಮಗಳು

• 1. ಧೌತಿ: ಎಂದರೆ ಶುದ್ಧೀಕರಣ. ಈ ಸರಣಿಯನ್ನು ಮೂರು ಮುಖ್ಯ ವಿಭಾಗಗಳಾಗಿ ವಿಂಗಡಿಸಲಾಗಿದೆ. ಅಂತರ್ ಧೌತಿ ಅಥವಾ ಅಂತರಿಕ ಶುದ್ಧೀಕರಣ, ಶೀರ್ಷಧೌತಿ ಅಥವಾ ತಲೆಯ ಶುದ್ಧೀಕರಣ (ಸಾಂಪ್ರದಾಯಿಕವಾಗಿ ಇದನ್ನು ದಂತ ಧೌತಿ ಎಂದು ಕರೆಯುತ್ತಾರೆ. ಮತ್ತು ಹೃದ್​ಧೌತಿ ಎಂದರೆ ಎದೆಯ ಭಾಗದ ಶುದ್ಧೀಕರಣ. ಆಂತರಿಕ ಶುದ್ಧೀಕರಣ ವಿಧಾನಗಳು ಬಾಯಿಯಿಂದ ಆರಂಭಗೊಂಡು ಗುದದ್ವಾರದವರೆಗೆ ಇಡೀ ಜೀರ್ಣಾಂಗ ಮಾರ್ಗವನ್ನು ಸ್ವಚ್ಚಗೊಳಿಸುತ್ತವೆ. ಇವುಗಳನ್ನು ನಾಲ್ಕು ರೀತಿಯ ಅಭ್ಯಾಸಗಳಾಗಿ ವಿಂಗಡಿಸಲಾಗಿದೆ.
• ಶಂಖಪ್ರಕ್ಷಾಳನ (ವಾರಿಸಾರ ಧೌತಿ) ಮತ್ತು ಲಘು ಶಂಖಪ್ರಕ್ಷಾಳನ, ಕರುಳುಗಳ ಶುದ್ಧೀಕರಣ. ್ಞಗ್ನಿಸಾರ ಕ್ರಿಯೆ- ವಹ್ನೀಸಾರ ಧೌತಿ. ಜೀರ್ಣಾಗ್ನಿಯನ್ನು ಚುರುಕುಗೊಳಿಸುವುದು. ್ಞುಂಜಲ ಕ್ರಿಯೆ (ವಮನ ಧೌತಿ), ಹೊಟ್ಟೆಯನ್ನು ನೀರಿನಿಂದ ಸ್ವಚ್ಚಗೊಳಿಸುವ ಕ್ರಿಯೆ. ್ಞತ್ಸರ ಧೌತಿ, ಆಳಿಯಿಂದ ಕರುಳುಗಳನ್ನು ಶುದ್ಧೀಕರಿಸುವ ತಂತ್ರ.
• 2. ನೇತಿ: ಇದು ನಾಸಿಕದ್ವಾರಗಳನ್ನು ಸ್ವಚ್ಛಗೊಳಿಸುವ ಸರಳ ಪ್ರಕ್ರಿಯೆ. ಇದರಲ್ಲಿ ಜಲನೇತಿ ಮತ್ತು ಸೂತ್ರನೇತಿ ಎಂದು ಎರಡು ವಿಧ.
• 3. ನೌಲಿ: ಉದರದ ಅವಯವಗಳನ್ನು ಮರ್ದಿಸುವ ಮತ್ತು ಬಲಿಷ್ಠಗೊಳಿಸುವ ವಿಧಾನ.
• 4. ಬಸ್ತಿ: ದೊಡ್ಡ ಕರುಳನ್ನು ತೊಳೆಯುವ ಮತ್ತು ಪಟುಗೊಳಿಸುವ ವಿಧಾನ
• 5. ಕಪಾಲಭಾತಿ: ಮಿದುಳಿನ ಮುಂಭಾಗವನ್ನು ಶುದ್ಧೀಕರಿಸುವ ಉಸಿರಾಟದ ವಿಧಾನ.
• 6. ತ್ರಾಟಕ: ಕಣ್ಣನ್ನು ಶುದ್ಧೀಕರಿಸುವ ಏಕಾಗ್ರತೆಯ ಶಕ್ತಿಯನ್ನು ಬೆಳೆಸುವ ಸಲುವಾಗಿ ಯಾವುದಾದರೊಂದು ಬಿಂದುವನ್ನು ಪ್ರತೀಶವನ್ನು ಎವೆಯಿಕ್ಕದೆ ನೋಡುವ ಒಂದು ಅಭ್ಯಾಸ. ಷಟ್ಕರ್ಮಗಳು ಆರೇ ಇದ್ದರೂ, ಪ್ರತಿಯೊಂದು ಕ್ರಿಯೆಯೂ ಹಲವಾರು ಬಗೆಯ ಅಭ್ಯಾಸವನ್ನು ಒಳಗೊಂಡಿದೆ.

https://www.vijayavani.net/best-foods-for-blood-purification

https://www.vijayavani.net/threads-wont-let-you-delete-your-account-unless-you-also-delete-instagram