ಒಂದು ಮಗುವು ಬೀಳದಂತೆ ಹೇಗೆ ಸಂರಕ್ಷಿಸುತ್ತೀರಿ? ಆ ಮಗುವು ಬಿದ್ದು ಗಾಯ ಮಾಡಿಕೊಳ್ಳದಂತೆ ಎಚ್ಚರವಹಿಸುತ್ತೀರಿ, ಅಲ್ಲವೆ? ಅದೇ ರೀತಿಯಾಗಿ ನಮಗೆ ಆಂತರ್ಯದ ಸಂಪತ್ತು ಸಿಕ್ಕಿದಾಗ ಅದನ್ನು ಸಂರಕ್ಷಿಸಬೇಕು. ಇದು ಬಹಳ ಬಹಳ ಮುಖ್ಯ ಮತ್ತು ಪವಾಡಗಳಾಗಲು ಒಂದು ಅವಕಾಶವನ್ನು ಕೊಡಿ. ಹಾಗೆಂದು ಕುಳಿತುಕೊಂಡು, ಈಗ ಪವಾಡವಾಗಲಿ, ಪವಾಡವಾಗಲಿ! ಎನ್ನುವುದಲ್ಲ. ಆ ರೀತಿಯಾಗಿ ಪವಾಡಗಳಾಗುವುದಿಲ್ಲ. ಪವಾಡಗಳಾಗಲೇಬೇಕು ಎಂದು ನೀವು ಒತ್ತಾಯಿಸುವುದು ಎಷ್ಟು ಮೂರ್ಖತನವೊ, ಇತರರು ನಿಮ್ಮನ್ನು ಪವಾಡಗಳಿಂದ ಮೆಚ್ಚಿಸಲು ಪ್ರಯತ್ನಿಸುವುದೂ ಅಷ್ಟೇ ಮೂರ್ಖತನ. ಏನೋ ಒಂದನ್ನು ಗಾಳಿಯಿಂದ ಸೃಷ್ಟಿ ಮಾಡಿ ಪವಾಡವನ್ನು ಉಂಟು ಮಾಡುತ್ತೇನೆ ಎನ್ನುವವರ ಬಳಿಗೆ ಹೋಗಲೇ ಬೇಡಿ. ಪವಾಡಗಳ ಹಿಂದೆ ಓಡಬೇಡಿ. ಅದೇ ಸಮಯದಲ್ಲಿ ಪವಾಡಗಳಾಗದಂತೆ ತಡೆಯಲೂ ಬೇಡಿ. ಕೇಂದ್ರೀಕೃತರಾದವರು, ಸಾಕ್ಷಾತ್ಕಾರವನ್ನು ಪಡೆದ ಜ್ಞಾನಿಗಳು ಪವಾಡಗಳನ್ನು ಸೃಷ್ಟಿಸಲು ಪ್ರಯತ್ನಿಸುವುದಿಲ್ಲ. ಪವಾಡಗಳು ಅವರ ಸುತ್ತಲೂ ತಾನಾಗಿಯೇ ಆಗುತ್ತವೆ. ಅದು ಜೀವನದ ಒಂದು ಭಾಗ.
