ಪಾಕಿಸ್ತಾನದ ಕರಾಚಿಯಲ್ಲಿ ಭಾರಿ ಸ್ಫೋಟ; ಕನಿಷ್ಠ 12 ಸಾವು, 11 ಮಂದಿಗೆ ಗಾಯ

ಕರಾಚಿ: ಪಾಕಿಸ್ತಾನದ ಕರಾಚಿಯಲ್ಲಿ ಭಾರಿ ಸ್ಫೋಟವಾಗಿದ್ದು ಕನಿಷ್ಠ 12 ಮಂದಿ ಸಾವಿಗೀಡಾಗಿದ್ದಲ್ಲದೆ, 11 ಜನರು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಇಲ್ಲಿನ ಮೋರಿಯೊಂದರ ಅಡಿಯಲ್ಲಿ ಸ್ಫೋಟ ಸಂಭವಿಸಿದ್ದು, ಅದರ ಮೇಲೆ ಇದ್ದ ಬ್ಯಾಂಕ್​ ಕಟ್ಟಡವೊಂದಕ್ಕೆ ಭಾರಿ ಹಾನಿ ಉಂಟಾಗಿದೆ.

ಕರಾಚಿಯ ಶೇರ್​ಷಹಾ ಪ್ರದೇಶದ ಕಟ್ಟಡದ ಅಡಿಭಾಗದಲ್ಲಿದ್ದ ಮೋರಿಯೊಳಗೆ ತುಂಬಿಕೊಂಡಿದ್ದ ಅನಿಲದಿಂದ ಈ ಸ್ಫೋಟ ಸಂಭವಿಸಿದೆ ಎಂದು ಬಾಂಬ್ ನಿಷ್ಕ್ರಿಯ ದಳದವರು ಅಂದಾಜಿಸಿದ್ದಾರೆ. ಅಷ್ಟಕ್ಕೂ ಸ್ಫೋಟಕ್ಕೆ ಕಾರಣ ಏನು ಎಂಬುದು ಇನ್ನೂ ಖಚಿತವಾಗಿ ಬಹಿರಂಗಗೊಂಡಿಲ್ಲ.

ಇದನ್ನೂ ಓದಿ: ಸಿಖ್ಖರ ಪವಿತ್ರ ಕ್ಷೇತ್ರಕ್ಕೆ ನುಗ್ಗಿ ಅಪಚಾರಕ್ಕೆ ಯತ್ನಿಸಿದವ ಹೆಣವಾಗಿ ಹೋದ!

ತೆರವು ಕಾರ್ಯಾಚರಣೆ ನಡೆಯುತ್ತಿದ್ದು, ಸಾವು-ನೋವಿನ ಸಂಖ್ಯೆ ಇನ್ನೂ ಹೆಚ್ಚಾಗುವ ಸಾಧ್ಯತೆಗಳು ಇವೆ ಎಂದೂ ಹೇಳಲಾಗುತ್ತಿದೆ. ಸಾವು ನೋವಿಗೆ ಒಳಗಾದವರಲ್ಲಿ ಬಹುತೇಕರು ಸ್ಫೋಟದಿಂದ ಹಾನಿಗೀಡಾಗಿರುವ ಕಟ್ಟಡದಲ್ಲಿ ಖಾಸಗಿ ಬ್ಯಾಂಕ್ ಕಚೇರಿಯ ಸಿಬ್ಬಂದಿ ಹಾಗೂ ಗ್ರಾಹಕರು ಎನ್ನಲಾಗಿದೆ. -ಏಜೆನ್ಸೀಸ್

https://www.vijayavani.net/omicron-found-in-89-countries-of-world/

https://www.vijayavani.net/allu-arjun-fans-killed-ram-and-garlanded-cutout-with-that-head/

https://www.vijayavani.net/two-year-old-boy-fell-from-5th-floor-and-died-at-spot/