ಸೀಮೆನ್ಸ್​ ಲಿ.-ಬಿಎಂಆರ್​ಸಿಎಲ್​ ಒಪ್ಪಂದ; ಕೆಐಎ ಮಾರ್ಗದಲ್ಲಿ ವಿದ್ಯುದಿಕರಣ

ಬೆಂಗಳೂರು: ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಸಂಪರ್ಕ ಕಲ್ಪಿಸುವ ನಮ್ಮ ಮೆಟ್ರೋ ಹಂತ&2ಬಿ ಯೋಜನೆಗೆ ವಿದ್ಯುದಿಕರಣ ನಡೆಸಲು ಬಿಎಂಆರ್​ಸಿಎಲ್​ ಆಹ್ವಾನಿಸಿದ್ದ ಟೆಂಡರ್​ನ್ನು ಸೀಮೆನ್ಸ್​ ಲಿಮಿಟೆಡ್​, ರೈಲು ವಿಕಾಸ ನಿಗಮ ಲಿಮಿಟೆಡ್​ ಒಕ್ಕೂಟ ಪಡೆದುಕೊಂಡಿವೆ.

ಟೆಂಡರ್​ ಮೌಲ್ಯ ಅಂದಾಜು 766 ಕೋಟಿ ರೂ. ಆಗಿದ್ದು, ಸೀಮೆನ್ಸ್​ ಲಿ. ಭಾಗವು ಅಂದಾಜು 558 ಕೋಟಿ ರೂ.ಗಳಾಗಿವೆ. ಕೆಐಎ-ಕೆ.ಆರ್​.ಪುರ-ಸೆಂಟ್ರಲ್​ ಸಿಲ್ಕ್​ಬೋರ್ಡ್​ವರೆಗಿನ 58 ಕಿ.ಮೀ. ಮಾರ್ಗದಲ್ಲಿ ಸೀಮೆನ್ಸ್​ ಕಂಪನಿ ಕಾಮಗಾರಿ ನಡೆಸಲಿದೆ. ಈ ಮಾರ್ಗ 30 ನಿಲ್ದಾಣಗಳನ್ನು ಒಳಗೊಂಡಿದೆ.

ಈ ಕುರಿತು ಸೀಮೆನ್ಸ್​ ಲಿ. ಮೊಬಿಲಿಟಿ ಬ್ಯುಸಿನೆಸ್​ ಮುಖ್ಯಸ್ಥೆ ಗುಂಜನ್​ ವಖಾರಿಯಾ ಪ್ರತಿಕ್ರಿಯಿಸಿ, ಸುಸ್ಥಿರ ರೈಲು ಸಾರಿಗೆಯ ಮೂಲಕ ದೇಶದ ಅಭಿವೃದ್ಧಿ ಕಡೆಗಿನ ನಿರಂತರ ಪ್ರಯತ್ನಗಳ ಭಾಗವಾಗಿ, ನಮ್ಮ ಮೆಟ್ರೋ ಯೋಜನೆಯ 2ನೇ ಹಂತದ ಮಾರ್ಗದಲ್ಲಿ ವಿದ್ಯುದಿಕರಣ ನಡೆಸಲು ಟೆಂಡರ್​ ಪಡೆದುಕೊಂಡಿರುವುದು ಸಂತಸದ ಸಂಗತಿಯಾಗಿದೆ ಎಂದಿದ್ದಾರೆ.

https://www.vijayavani.net/nagasandra-madava-namma-metro-trial-start-shortly