6 ಲಕ್ಷ ರೂ.ವೇತನದ ಉದ್ಯೋಗ, ಸಿನಿಮಾದಲ್ಲಿ ಆಫರ್… ಭಾರತದಲ್ಲಿ ಮಿಂಚುತ್ತಿರುವ ಪಾಕ್ ಮಹಿಳೆ ಸೀಮಾ ಹೈದರ್​​​​​

ಉತ್ತರ ಪ್ರದೇಶ: ಪಾಕಿಸ್ತಾನದ ಗಡಿ ದಾಟಿ ನೇಪಾಳ ಮೂಲಕ ಭಾರತ ಪ್ರವೇಶಿಸಿರುವ ಸೀಮಾ ಹೈದರ್​​​​​ಗೆ ಸಿನಿಮಾ ಆಫರ್ ಬಂದಿರುವುದು ನಿಮಗೆ ಗೊತ್ತಿರುವ ವಿಚಾರ. ಇದರೊಂದಿಗೆ ಸೀಮಾಗೆ ವರ್ಷಕ್ಕೆ 6 ಲಕ್ಷ ಉದ್ಯೋಗದ ಆಫರ್ ಕೂಡ ಸಿಕ್ಕಿದೆ. ಕೆಲವು ದಿನಗಳ ಹಿಂದೆ ಸಚಿನ್ ಕುಟುಂಬವು ಆರ್ಥಿಕ ಬಿಕ್ಕಟ್ಟನ್ನು ಎದುರಿಸುತ್ತಿದೆ ಎಂದು ವರದಿಯಾಗಿತ್ತು. ಇದಾದ ನಂತರ ಸೀಮಾಗೆ ಉದ್ಯೋಗದ ಆಫರ್ ಬಂದಿರುವುದು ಜನರಲ್ಲಿ ಅಚ್ಚರಿ ಮೂಡಿಸಿದೆ.

ಇದನ್ನೂ ಓದಿ:ಸೀಮಾ ಹೈದರ್​​ಗೆ ಬಾಲಿವುಡ್ ನಿರ್ಮಾಪಕರಿಂದ ಬಂತು ಬಂಪರ್ ಆಫರ್!

ಚಿತ್ರದ ಆಫರ್ ಹೇಗೆ ಬಂತು?
ಸೀಮಾ ಹೈದರ್ ತನ್ನ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಭಾರತದ ಬ್ಯಾಡ್ಜ್ನೊಂದಿಗೆ ವಿಡಿಯೋವನ್ನು ಹಂಚಿಕೊಂಡಿದ್ದಾರೆ. ಈ ವಿಡಿಯೋವನ್ನು ಸಾಕಷ್ಟು ಮಂದಿ ವೀಕ್ಷಿಸಿದ್ದಾರೆ. ವಿಡಿಯೋದ ಹಿನ್ನೆಲೆಯಲ್ಲಿ ಭಾರತದ ಭಕ್ತಿಗೀತೆಗಳನ್ನು ಪ್ಲೇ ಮಾಡಲಾಗಿದೆ. ಸೀಮಾ ಹೈದರ್ ಅವರ ಭಾರತೀಯ ಪೌರತ್ವವನ್ನು ಇನ್ನೂ ನಿರ್ಧರಿಸಲಾಗಿಲ್ಲ. ಸೀಮಾ ಹೈದರ್ ಸುದ್ದಿಯಲ್ಲಿರುವ ಕಾರಣ, ಸಚಿನ್ ಕುಟುಂಬವು ಕೆಲಸಕ್ಕೆ ಹೋಗಲು ಸಾಧ್ಯವಾಗುತ್ತಿಲ್ಲ. ಇದರಿಂದಾಗಿ ಮೀರತ್ ಮೂಲದ ನಿರ್ಮಾಪಕ ಅಮಿತ್ ಜಾನಿ ಸೀಮಾ-ಸಚಿನ್ ಅವರ ಆರ್ಥಿಕ ಸಮಸ್ಯೆಗಳನ್ನು ಗಮನದಲ್ಲಿಟ್ಟುಕೊಂಡು ಸಹಾಯ ಮಾಡಲು ಮುಂದಾಗಿದ್ದಾರೆ. ಅಮಿತ್ ಜಾನಿ ಸೀಮಾ ಹೈದರ್ ಅವರನ್ನು ತಮ್ಮ ಚಿತ್ರದಲ್ಲಿ ನಟಿಸಲು ಆಹ್ವಾನಿಸಿದ್ದಾರೆ.

ಇದನ್ನೂ ಓದಿ: ಅಂಜುಗೆ ಬಂಪರ್​ ಗಿಫ್ಟ್​ ಕೊಟ್ಟ ಪಾಕ್​ ಉದ್ಯಮಿ: ಉಡುಗೊರೆ ಹಿಂದಿರುವ ಅಸಲಿ ಕಾರಣವೇ ಬೇರೆ!

ಅನಾಮಧೇಯ ಪತ್ರದಲ್ಲಿ ಉದ್ಯೋಗ ಪ್ರಸ್ತಾಪ
ಸಚಿನ್ ಮನೆಗೆ ಜಾಬ್ ಆಫರ್ ಲೆಟರ್ ಬಂದಿದ್ದು, ಅದರಲ್ಲಿ ಗುಜರಾತ್‌ನ ಕೈಗಾರಿಕೋದ್ಯಮಿಯೊಬ್ಬರು ಕೆಲಸ ಕೊಟ್ಟಿದ್ದಾರೆ. ಈ ಆಫರ್‌ ಲೆಟರ್​​​​ನಲ್ಲಿ ಸೀಮಾ ಮತ್ತು ಸಚಿನ್‌ಗೆ ಪ್ರತಿ ತಿಂಗಳು 50-50 ಸಾವಿರ ಸಂಬಳದ ಉದ್ಯೋಗವನ್ನು ನೀಡಲಾಗಿದೆ. ಸೀಮಾ-ಸಚಿನ್ ಮನೆಗೆ ಬಂದ ಈ ಪತ್ರದಲ್ಲಿ ಇಬ್ಬರಲ್ಲಿ ಒಬ್ಬರು ಯಾವುದೇ ದಿನ ಬಂದು ಕೆಲಸಕ್ಕೆ ಸೇರಿಕೊಳ್ಳಬಹುದು ಎಂದು ಬರೆಯಲಾಗಿತ್ತು. ಇದರೊಂದಿಗೆ ಕೈಗಾರಿಕೋದ್ಯಮಿ ಇತರ ಸಹಾಯವನ್ನೂ ಮಾಡುವುದಾಗಿ ತಿಳಿಸಿದ್ದಾರೆ. ಸೀಮಾ ಹೈದರ್ ಮತ್ತು ಸಚಿನ್ ಈ ಆಫರ್ ಪಡೆದ ನಂತರ, ಇಬ್ಬರ ಅದೃಷ್ಟವೂ ಚೆನ್ನಾಗಿದೆ ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆ ನಡೆಯುತ್ತಿದೆ.

https://www.vijayavani.net/health-tips-coriander-leaves-enhances-the-beauty-of-the-face-use-it-in-this-way