"ನಾನು ಹಲವು ಬಾರಿ ಹೇಳಿದಂತೆ, ನಾವು ಸೇರಿಸುವ ಪ್ರತಿ ಹಸಿರು ಎಲೆಯೂ ಹವಾಮಾನ ಬದಲಾವಣೆಯನ್ನು ತಡೆಯುವ ದಿಕ್ಕಿನಲ್ಲಿ ಒಂದು ಚಿಕ್ಕ ಹೆಜ್ಜೆ. ಹಸಿರು ಎಲೆ ಎಂದರೆ ಹೆಚ್ಚಿನ ಮಣ್ಣು ನೆರಳಿನಡಿಗೆ ಬರಬೇಕು. ಒಮ್ಮೆ ಮಣ್ಣು ನೆರಳಿನಲ್ಲಿದ್ದು ಹಸಿರು ಎಲೆ ಇದ್ದಾಗ, ಸೂಕ್ಷ್ಮಜೀವಿಗಳು ಬೆಳೆಯುತ್ತವೆ. ತೈಲದಿಂದ ಮಣ್ಣಿನ ಕಡೆಗಿನ ಈ ಬದಲಾವಣೆ ಬಹಳ ಮಹತ್ವದ್ದು. ಇದು ಹೊಸ ದಾರಿ ತೋರುವಂತಹದ್ದು. ಈ ಗ್ರಹದ ಮೇಲಿನ ಶೇಕಡಾ 95ರಷ್ಟು ಜೀವ ಮಣ್ಣಿನ ಮೇಲೆ ಅವಲಂಬಿತವಾಗಿದೆ ಎಂಬುದನ್ನು ಪ್ರತಿಯೊಬ್ಬರೂ ಅರ್ಥಮಾಡಿಕೊಳ್ಳುವುದು ಬಹಳ ಮುಖ್ಯ." ಭಾರತದಲ್ಲಿ ಸಣ್ಣ ಮತ್ತು ಅತಿ ಸಣ್ಣ ರೈತರು ಒಟ್ಟು ಕೃಷಿ ಕ್ಷೇತ್ರದ ಶೇಕಡಾ 86 ರಷ್ಟಿದ್ದು, ಒಟ್ಟು ಕೃಷಿ ಉತ್ಪಾದನೆಯ ಸುಮಾರು ಶೇಕಡಾ 50 ರಷ್ಟನ್ನು ನೀಡುತ್ತಿದ್ದಾರೆ. ರೈತರಿಗೆ, ವಿಶೇಷವಾಗಿ ಸಣ್ಣ ರೈತರಿಗೆ 'ಹವಾಮಾನ ಹಣಕಾಸು ಸೌಲಭ್ಯ' ಸುಲಭವಾಗಿ ದೊರೆಯಬೇಕೆಂಬುದರ ಪರವಾಗಿ ಮಾತನಾಡಿದ ಸದ್ಗುರುಗಳು, "ಪ್ರಸ್ತುತ, ಕೋಟ್ಯಂತರ ರೈತರಿಗೆ ಒಟ್ಟು ಹವಾಮಾನ ಹಣಕಾಸಿನ ಕೇವಲ ಶೇಕಡಾ 0.8 ರಷ್ಟು ಮಾತ್ರ ಲಭ್ಯವಿದೆ. ಸುಸ್ಥಿರ ಕೃಷಿ ಪದ್ಧತಿಗಳತ್ತ ಮುಖ ಮಾಡಲು ಈ ರೈತರಿಗೆ ಹಣಕಾಸಿನ ನೆರವು ದೊರೆಯದಿದ್ದರೆ, ಆಹಾರ ಭದ್ರತೆಯಲ್ಲಿ ಜಾಗತಿಕ ಸವಾಲುಗಳು ಎದುರಾಗಲಿವೆ" ಎಂದು ಹೇಳಿದರು.
