'ಸಪ್ತ ಸಾಗರದಾಚೆ ಎಲ್ಲೋ' ಸೈಡ್​ ಬಿ ರಿಲೀಸ್​ ಡೇಟ್​ನಲ್ಲಿ ಬದಲಾವಣೆ!

ಬೆಂಗಳೂರು: ಸ್ಯಾಂಡಲ್​ವುಡ್​ನ ಸಿಂಪಲ್ ಸ್ಟಾರ್​, ನಟ ರಕ್ಷಿತ್​ ಶೆಟ್ಟಿ ಮತ್ತು ನಟಿ ರುಕ್ಮಿಣಿ ವಸಂತ್​ ಮುಖ್ಯಭೂಮಿಕೆಯಲ್ಲಿ ಅಭಿನಯಿಸಿದ 'ಸಪ್ತ ಸಾಗರದಾಚೆ ಎಲ್ಲೋ' ಸೈಡ್​ ಬಿ ಚಿತ್ರದ ರಿಲೀಸ್​ ದಿನಾಂಕದಲ್ಲಿ ಇದೀಗ ಬದಲಾವಣೆ ಉಂಟಾಗಿದೆ. ಈ ಬಗ್ಗೆ ಸ್ವತಃ ರಕ್ಷಿತ್​ ಅವರೇ ಅಧಿಕೃತವಾಗಿ ದೃಢಪಡಿಸಿದ್ದಾರೆ.

ಇದನ್ನೂ ಓದಿ: ಕಾವೇರಿಗಾಗಿ ಕರ್ನಾಟಕ ಬಂದ್: ಪ್ರೇಕ್ಷಕರಿಲ್ಲದೆ ಬಣಗುಡುತ್ತಿರುವ ಚಿತ್ರಮಂದಿರಗಳು, ಚಿತ್ರೋದ್ಯಮವೇ ಸ್ತಬ್ಧ

ಸೆ. 01 ರಂದು 'ಸಪ್ತ ಸಾಗರದಾಚೆ ಎಲ್ಲೋ' ಸೈಡ್​ ಎ ಚಿತ್ರ ಬಹುತೇಕ ಚಿತ್ರಮಂದಿರಗಳಲ್ಲಿ ಬಿಡುಗಡೆಗೊಳ್ಳುವ ಮೂಲಕ ಕನ್ನಡ ಸಿನಿಪ್ರೇಕ್ಷಕರ ಮನ ಸೆಳೆಯುವಲ್ಲಿ ಯಶಸ್ವಿಯಾಯಿತು. ಸಿನಿಮಾದ ಸೈಡ್​ ಎ ಭಾಗವನ್ನು ನೋಡಿದ್ದ ಪ್ರೇಕ್ಷಕರು ಮಿಶ್ರ ಪ್ರತಿಕ್ರಿಯೆಗಳನ್ನು ಕೊಟ್ಟಿದ್ದರು, ಈಗ ಸೈಡ್​ ಬಿ ವೀಕ್ಷಿಸಲು ಸಿನಿಮಾದ ಬಿಡುಗಡೆಯತ್ತ ಕಾಯತೊಡಗಿದ್ದಾರೆ.

ಇದಕ್ಕೆ ಅನುಗುಣವಂತೆ ರಕ್ಷಿತ್​ ಶೆಟ್ಟಿ ತಮ್ಮ ಸೋಷಿಯಲ್​ ಮೀಡಿಯಾ ಖಾತೆಗಳಲ್ಲಿ ಈ ಹಿಂದೆ 'ಸಪ್ತ ಸಾಗರದಾಚೆ ಎಲ್ಲೋ' ಸೈಡ್​ ಬಿ ರಿಲೀಸ್​​ ದಿನಾಂಕ ಅಕ್ಟೋಬರ್​ 20 ರಂದು ಎಂದು ತಿಳಿಸಿದ್ದರು. ಆದ್ರೆ, ಆ ದಿನದಂದು ಚಿತ್ರ ಬಿಡುಗಡೆಯಾಗುವುದಿಲ್ಲ. ಬದಲಿಗೆ ಅ. 27 ರಂದು ಬಹುತೇಕ ಚಿತ್ರಮಂದಿರಗಳಲ್ಲಿ ಹಾಜರಾಗಲಿದೆ ಎಂಬ ಪೋಸ್ಟರ್ ಹಾಕುವ​ ಮುಖೇನ ಅಧಿಕೃತವಾಗಿ ತಿಳಿಸಿದ್ದಾರೆ.

https://www.vijayavani.net/kannada-activist-close-his-eyes-with-black-cloth-to-protest-at-freedom-park