ದೆಹಲಿ: ಸ್ಯಾಮ್ ಸಂಗ್ ಕಂಪನಿಯು ಎರಡು ಅತ್ಯಾಧುನಿಕ ಸ್ಮಾರ್ಟ್ ಫೋನ್ಗಳನ್ನು ಬಿಡುಗಡೆ ಮಾಡಿದ್ದು, ಇವುಗಳನ್ನು ನೋಡಿದ ಟೆಕ್ ಪ್ರಿಯರು ಹುಬ್ಬೇರಿಸಿದ್ದಾರೆ. ಕಂಪನಿಯು Samsung Galaxy Z Flip 5, Galaxy Z Fold 5ನ್ನು ಬಿಡುಗಡೆ ಮಾಡಿದ್ದು, ಭಾರತದಲ್ಲಿ ಇವುಗಳ ಬೆಲೆಯನ್ನು ಶೀಘ್ರದಲ್ಲೇ ಪ್ರಕಟಿಸಲಾಗುವುದು ಎಂದು ಹೇಳಿದೆ.
ಇದನ್ನೂ ಓದಿ: ಪಾಕಿಸ್ತಾನ, ಚೀನಾ, ಭಾರತ ಆಯ್ತು.. ಈಗ ಶ್ರೀಲಂಕಾದಿಂದ ಬಂದು ಯುವಕನನ್ನು ವರಿಸಿದ ಯುವತಿ
ಶಕ್ತಿಯುತ ಕಾರ್ಯಕ್ಷಮತೆಯೊಂದಿಗೆ ಬಂದಿರುವ ಈ ಸ್ಮಾರ್ಟ್ಫೋನ್ಗಳು ಹಲವಾರು ವಿಶೇಷತೆಗಳನ್ನು ಹೊಂದಿವೆ. ಈ ಮಡಿಚಬಹುದಾದ ಫೋನ್ಗಳು ಅಭೂತಪೂರ್ವ ವಿನ್ಯಾಸವನ್ನು ಹೊಂದಿದ್ದು, OneUI 5.1.1 ಎಂಬ ವಿಶೇಷ Samsung ಇಂಟರ್ಫೇಸ್ನೊಂದಿಗೆ ಇತ್ತೀಚಿನ Android 13 ಸಾಫ್ಟ್ವೇರ್ನಲ್ಲಿ ಕಾರ್ಯನಿರ್ವಹಿಸುವ ಕ್ಷಮತೆ ಹೊಂದಿವೆ. ಈ ಫೋನ್ನ ಫ್ರೇಮ್ ಬಲವಾದ ಆರ್ಮರ್ ಅಲ್ಯೂಮಿನಿಯಂನಿಂದ ಮಾಡಲ್ಪಟ್ಟಿದೆ.
ಇದು ಎರಡು ಪರದೆಗಳನ್ನು ಹೊಂದಿರುವ ಈ ಫೋನ್ಗಳ ಫೋನ್ನ ಒಳಗಿನ ಮುಖ್ಯ ಪರದೆಯು 6.7 ಇಂಚುಗಳಷ್ಟು ಗಾತ್ರವನ್ನು ಹೊಂದಿದ್ದು, ಹೈ-ಡೆಫಿನಿಷನ್ನ ಜತೆಗೆ 120Hz ಅಡಾಪ್ಟಿವ್ ರಿಫ್ರೆಶ್ ದರ ಹೊಂದಿವೆ. ಹೊರಭಾಗದಲ್ಲಿ, 3.4 ಇಂಚುಗಳಷ್ಟು ಗಾತ್ರದ ಮತ್ತೊಂದು ಸಣ್ಣ ಪರದೆಯಿದೆ. ಎರಡೂ ಪರದೆಗಳನ್ನು ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ ವಿಕ್ಟಸ್ 2 ಎಂಬ ಗಟ್ಟಿಯಾದ ಗಾಜಿನಿಂದ ರಕ್ಷಿಸಲಾಗಿದೆ.
