ಮಸೀದಿ ಸ್ಥಳದಲ್ಲಿ ಮೊದಲು ದೇವಾ ಲಯವಿತ್ತು ಎಂಬ ಹಿಂದೂ ಅರ್ಜಿದಾರರ ವಾದದ ಆಧಾರದ ಮೇಲೆ ಮಸೀದಿಯಲ್ಲಿ ಸಮೀಕ್ಷೆ ನಡೆಸಬೇಕೆಂದು ವಿಚಾರಣಾ ನ್ಯಾಯಾಲಯ ಸೂಚಿಸಿತ್ತು. ಇದನ್ನು ಸುಪ್ರೀಂಕೋರ್ಟ್ನಲ್ಲಿ ಪ್ರಶ್ನಿಸಲಾಗಿತ್ತು. ವಿಚಾರಣೆ ವೇಳೆ, ಶಾಂತಿ-ಸೌಹಾರ್ದತೆ ಯನ್ನು ಕಾಪಾಡಿಕೊಳ್ಳಲು ಸಲಹೆ ನೀಡಿದ ಸಿಜೆಐ ಸಂಜೀವ್ ಖನ್ನಾ ನೇತೃತ್ವದ ನ್ಯಾಯಪೀಠ, ಹೈಕೋರ್ಟ್ನಲ್ಲಿ ವಿಚಾರಣೆಗೆ ಅವಕಾಶ ಸಿಗುವ ತನಕ ವಿಚಾರಣಾ ನ್ಯಾಯಾಲಯದ ಯಾವುದೇ ಮುಂದಿನ ಕ್ರಮಗಳಿಗೆ ಆದೇಶಿಸುವಂತಿಲ್ಲ ಎಂದೂ ಸ್ಪಷ್ಟಪಡಿಸಿತು. ಶಾಂತಿ-ಸೌಹಾರ್ದತೆಯನ್ನು ಸರ್ಕಾರ ಖಾತರಿಪಡಿಸಿಕೊಳ್ಳಬೇಕು. ಮಸೀದಿ ಸಮಿತಿ ಸಲ್ಲಿಸಿರುವ ಈ ಅರ್ಜಿ ನಮ್ಮ ಮುಂದೆಯೂ ಇರಲಿದೆ. ಏನೂ ಅಹಿತಕರ ನಡೆಯಬಾರದು ಎನ್ನುವುದು ನಮ್ಮ ಆಶಯ. ನಾವು ಸಂಪೂರ್ಣವಾಗಿ ತಟಸ್ಥರಾಗಿರಲಿದ್ದೇವೆ ಎಂದು ಭಾರತದ ಮುಖ್ಯ ನ್ಯಾಯಮೂರ್ತಿ ಸಂಜೀವ್ ಖನ್ನಾ ತಿಳಿಸಿದರು.
