ಹುರಿಯತ್ ಕಾನ್ಪರೆನ್ಸ್​ಗೆ ಗಿಲಾನಿ ವಿದಾಯ

ನವದೆಹಲಿ/ಜಮ್ಮು: ಮೂರು ದಶಕಗಳ ಕಾಲ ಕಾಶ್ಮೀರದ ಪ್ರತ್ಯೇಕತಾವಾದಿ ಚಳವಳಿಯ ಪ್ರತೀಕದಂತಿದ್ದ ಸೈಯದ್ ಅಲಿ ಷಾ ಗಿಲಾನಿ (90) ಕಾಶ್ಮೀರದ ಉಗ್ರಗಾಮಿ ಸಂಘಟನೆಗಳ ಅತ್ಯಂತ ದೊಡ್ಡ ಕೂಟವಾದ ಹುರಿಯತ್ ಕಾನ್ಪರೆನ್ಸ್​ಗೆ ವಿದಾಯ ಹೇಳಿದ್ದಾರೆ.

1990ರಿಂದ ಕಾಶ್ಮೀರದಲ್ಲಿ ಪ್ರತ್ಯೇಕತಾವಾದಿ ಚಳವಳಿ ಮುನ್ನಡೆಸಿದ್ದ ಗಿಲಾನಿ, ಹುರಿಯತ್​ನ ಆಜೀವ ಅಧ್ಯಕ್ಷರಾಗಿದ್ದರು. ಸಂಘಟನೆಯಲ್ಲಿರುವ ಪ್ರಸಕ್ತ ಸನ್ನಿವೇಶಗಳಿಂದಾಗಿ ತಾವು ಅಖಿಲ ಭಾರತ ಹುರಿಯತ್ ಕಾನ್ಪರೆನ್ಸ್​ಗೆ ರಾಜೀನಾಮೆ ನೀಡುತ್ತಿರುವುದಾಗಿ ಸೋಮವಾರ ಬೆಳಿಗ್ಗೆ ಬಿಡುಗಡೆ ಮಾಡಿದ ಧ್ವನಿಮುದ್ರಿತ ಸಂದೇಶದಲ್ಲಿ ಗಿಲಾನಿ ಹೇಳಿದ್ದಾರೆ.

ಇದನ್ನೂ ಓದಿ; ಮಾಸ್ಕ್​ ಧರಿಸೋದು ಜೀವ ವಿರೋಧಿ ಕೃತ್ಯ; ಹುಟ್ಟಿಕೊಂಡಿದ್ದಾರೆ ‘ಆ್ಯಂಟಿ ಮಾಸ್ಕ್​ರ್ಸ್​’

ವೇದಿಕೆಯಿಂದ ಸಂಪೂರ್ಣವಾಗಿ ದೂರ ಸರಿಯುತ್ತಿರುವುದಾಗಿಯೂ ಈ ಬಗ್ಗೆ ಅದರ ಎಲ್ಲ ಅಂಗ ಸಂಘಟನೆಗಳಿಗೆ ಪತ್ರ ಬರೆದಿರುವುದಾಗಿಯೂ ಅವರು ತಿಳಿಸಿದ್ದಾರೆ. 370ನೇ ವಿಧಿ ರದ್ದುಪಡಿಸಿದ ನಂತರ ಹುರಿಯತ್ ನಿಷ್ಕ್ರಿಯವಾಗಿದೆ ಎಂದು ಪತ್ರದಲ್ಲಿ ಗಿಲಾನಿ ಆರೋಪಿಸಿದ್ದಾರೆ.

https://www.vijayavani.net/police-probes-if-sushant-singhs-rajputhbathrobe-belt-was-first-used-for-hanging/