‘ನನ್ನ ಮಗಳು ಪ್ರತಿದಿನ 1.8 ಲಕ್ಷ ರೂ. ಸಂಪಾದಿಸ್ತಾಳೆ’! ಕ್ರಿಕೆಟ್​ ದಿಗ್ಗಜನಿಗೂ ತಪ್ಪಲಿಲ್ಲ ಡೀಪ್​ ಫೇಕ್​

ಮುಂಬೈ: ಭಾರತೀಯ ಕ್ರಿಕೆಟ್​ ತಂಡದ ಮಾಜಿ ಆಟಗಾರ, ದಿಗ್ಗಜ ಮಾಸ್ಟರ್​ ಬ್ಲಾಸ್ಟರ್​​ ಸಚಿನ್​ ತೆಂಡೂಲ್ಕರ್​ ಅವರಿಗೂ ಇದೀಗ ಡೀಪ್​ ಫೇಕ್​ ಸಂಕಷ್ಟ ಎದುರಾಗಿದ್ದು, ತಾವೇ ಒಂದು ಆ್ಯಪ್​ ಕುರಿತಂತೆ ಪ್ರಚಾರ ಮಾಡಿರುವ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಭಾರೀ ವೈರಲ್ ಆಗಿದೆ. ಈ ಡೀಪ್ ಫೇಕ್​ ದೃಶ್ಯಕ್ಕೆ ಪ್ರತಿಕ್ರಿಯಿಸಿರುವ ಸಚಿನ್, ಇದು ಎಷ್ಟು ಪರಿಣಾಮ ಬೀರುತ್ತಿದೆ ಎಂಬುದನ್ನು ತಿಳಿಸಿದ್ದಾರೆ.

ಇದನ್ನೂ ಓದಿ: ಅಯೋಧ್ಯೆಯಲ್ಲಿ ಹೋಟೆಲ್​​​ನ ಪ್ರತಿ ಕೊಠಡಿಯ ಬೆಲೆ 85 ಸಾವಿರ ರೂ.ಕ್ಕೂ ಹೆಚ್ಚು…

ತಮ್ಮ ಮುಖವನ್ನು ಹೋಲುವಂತ ಡೀಪ್​ ಫೇಕ್​ ವಿಡಿಯೋ ನೋಡಿದ ಸಚಿನ್​, ಕೂಡಲೇ ಅದನ್ನು ರಿಪೋರ್ಟ್​ ಮಾಡಿದ್ದು, ಈ ಬಗ್ಗೆ ತಮ್ಮ ಅಭಿಮಾನಿಗಳಿಗೆ ಎಚ್ಚರಿಕೆಯ ಸಂದೇಶ ನೀಡಿದ್ದಾರೆ. ಮಾರ್ಫ್ ಮಾಡಲಾದ ವೀಡಿಯೊದಲ್ಲಿ ತೆಂಡೂಲ್ಕರ್ ಅವರು ತಮ್ಮ ಮಗಳು ಸಾರಾ ಕೂಡ ಇತ್ತೀಚಿನ ದಿನಗಳಲ್ಲಿ ಈ ಆ್ಯಪ್​ ಬಳಸುತ್ತಿದ್ದಾರೆ ಮತ್ತು ಸಾಕಷ್ಟು ಹಣವನ್ನು ಗಳಿಸುತ್ತಿದ್ದಾರೆ ಎಂದು ಪ್ರಚಾರ ಮಾಡುತ್ತಿರುವುದು ಕಂಡುಬಂದಿದೆ.

ವೀಡಿಯೋದಲ್ಲಿ ತೆಂಡೂಲ್ಕರ್ ಅವರ ಧ್ವನಿ ಮತ್ತು ಮುಖವನ್ನು ಮಾರ್ಫ್ ಮಾಡಿರುವುದು ಸ್ಪಷ್ಟವಾಗಿ ತಿಳಿಯುತ್ತದೆ. ಈ ವೀಡಿಯೊವನ್ನು ಎಲ್ಲರ ಗಮನಕ್ಕೆ ತಂದ ಸಚಿನ್​, ಇಂತಹ ವಿಡಿಯೋಗಳು ಆನ್‌ಲೈನ್‌ನಲ್ಲಿ ನಿಮ್ಮ ಗಮನಕ್ಕೆ ಬಂದರೆ ಕೂಡಲೇ ವರದಿ ಮಾಡುವಂತೆ ಹೇಳಿದ್ದಾರೆ.

ಇದನ್ನೂ ಓದಿ: ವಿಮಾನದಲ್ಲಿ ಪೈಲಟ್‌ಗೆ ಕಪಾಳಮೋಕ್ಷ ಮಾಡಿದ ಪ್ರಯಾಣಿಕ; ‘ನೊ-ಫ್ಲೈ ಲಿಸ್ಟ್’ಗೆ ಸೇರಿಸಲು ಸಿದ್ಧತೆ

"ಈ ವೀಡಿಯೊಗಳು ನಕಲಿ. ತಂತ್ರಜ್ಞಾನದ ಅತಿರೇಕದ ದುರುಪಯೋಗವನ್ನು ನೋಡುವುದು ತುಂಬ ಗೊಂದಲದ ಸಂಗತಿಯಾಗಿದೆ. ಈ ರೀತಿಯ ವೀಡಿಯೊಗಳು, ಜಾಹೀರಾತುಗಳು ಮತ್ತು ಅಪ್ಲಿಕೇಶನ್‌ಗಳನ್ನು ಹೆಚ್ಚಿನ ಸಂಖ್ಯೆಯಲ್ಲಿ ವರದಿ ಮಾಡಿ" ಎಂದು ಸಚಿನ್​ ಪ್ರತಿಯೊಬ್ಬರಿಗೂ ಮನವಿ ಮಾಡಿದ್ದಾರೆ.

ಈ ಹಿಂದೆಯೂ ಇದೇ ರೀತಿಯ ಡೀಪ್ ಫೇಕ್​ ತಮ್ಮ ಮಗಳು ಸಾರಾ ಅವರಿಗೆ ಎದುರಾಗಿತ್ತು. ಸಾರಾ ತೆಂಡೂಲ್ಕರ್​ ಮತ್ತು ಕ್ರಿಕೆಟಿಗ ಶುಭಮನ್​ ಗಿಲ್​ ಜತೆಗಿರುವ ನಕಲಿ ಫೋಟೋವೊಂದು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುವ ಮೂಲಕ ಭಾರೀ ಚರ್ಚೆಯನ್ನು ಹುಟ್ಟುಹಾಕಿತ್ತು. ಆದ್ರೆ, ಅದು ಡೀಪ್​ ಫೇಕ್​ ಕೈವಾಡ ಎಂಬುದು ಸ್ಪಷ್ಟವಾಯಿತು. ಬಾಲಿವುಡ್​ ನಟರಾದ ರಶ್ಮಿಕಾ ಮಂದಣ್ಣ, ಕತ್ರಿನಾ ಕೈಫ್, ಆಲಿಯಾ ಭಟ್, ಕಾಜೋಲ್ ಮುಂತಾದವರು ಕೂಡ ಈ ಡೀಪ್​ ಫೇಕ್​ಗೆ ತುತ್ತಾಗಿದ್ದಾರೆ,(ಏಜೆನ್ಸೀಸ್).

https://www.vijayavani.net/mayawati-says-no-retire-from-politics