ಗ್ಯಾಂಗ್​ಸ್ಟರ್​ ವಿಕಾಸ್​ ದುಬೆಗೆ 'ಆಪ್ತ'ನಾಗಿದ್ದ ಐಪಿಎಸ್​ ಅಧಿಕಾರಿ ಸಸ್ಪೆಂಡ್​

ಕಾನ್ಪುರ: ಇಡೀ ದೇಶವನ್ನೇ ತಲ್ಲಣಗೊಳಿಸಿದ್ದ ಗ್ಯಾಂಗ್​ಸ್ಟರ್​ ಎನ್​ಕೌಂಟರ್​ ಪ್ರಕರಣದ ತನಿಖೆ ಇನ್ನೂ ನಡೆಯುತ್ತಲೇ ಇದೆ. ಇದಾಗಲೇ ಈತನಿಗೆ ಸಹಾಯ ಮಾಡಿರುವ ಕೆಲ ಪೊಲೀಸ್​ ಅಧಿಕಾರಿಗಳ ವಿರುದ್ಧ ಆರೋಪ ಕೇಳಿಬಂದಿರುವ ಬೆನ್ನಲ್ಲೇ ಇದೀಗ ಹಿರಿಯ ಐಪಿಎಸ್ ಅಧಿಕಾರಿಯೊಬ್ಬರನ್ನು ಅಮಾನತು ಮಾಡಲಾಗಿದೆ.

ದುಬೆಗೆ ಮೊದಲಿನಿಂದಲೂ ನೆರವಾಗುತ್ತಾ ಬಂದಿರುವ ಆರೋಪದ ಮೇಲೆ ಕಾನ್ಪುರದ ಮಾಜಿ ಸೀನಿಯರ್​ ಸೂಪರಿಂಟೆಂಡೆಂಟ್​ ಆಫ್​ ಪೊಲೀಸ್​ ಹಾಗೂ ಐಪಿಎಸ್​ ಅಧಿಕಾರಿ ಅನಂತ್​ ಡಿಯೋ ಇದೀಗ ಅಮಾನತುಗೊಂಡಿದ್ದಾರೆ.

ಕಳೆದ ಜುಲೈ 3 ರಂದು ಕಾನ್ಪುರದ ಚೌಬೆಪುರ್ ಪ್ರದೇಶದ ಬಿಕ್ರು ಗ್ರಾಮದಲ್ಲಿ ದುಬೆಯನ್ನು ಬಂಧಿಸಲು ಹೋಗಿದ್ದ ಸಂದರ್ಭದಲ್ಲಿ ಎಂಟು ಮಂದಿ ಪೊಲೀಸರನ್ನು ಆತ ಕೊಂದುಹಾಕಿದ್ದ. ನಂತರ ಜುಲೈ 10ರಂದು ಎನ್​ಕೌಂಟರ್​ನಲ್ಲಿ ದುಬೆ ಹತನಾಗಿದ್ದ.

ಇದನ್ನೂ ಓದಿ: ಸೈಕಲ್​ ಕವಿ ಎಂದೇ ಪ್ರಸಿದ್ಧರಾದ ಆಶುಕವಿ ಐರಸಂಗ ಇನ್ನಿಲ್ಲ

ಎಂಟು ಮಂದಿ ಪೊಲೀಸರು ಬಂಧನಕ್ಕೆ ಹೋಗುತ್ತಿರುವ ವಿಷಯ ದುಬೆಗೆ ಹೇಗೆ ತಿಳಿದಿತ್ತು ಎಂಬ ಬಗ್ಗೆ ಮಾಹಿತಿ ಕಲೆ ಹಾಕಿದ ಸಂದರ್ಭದಲ್ಲಿ ಪೊಲೀಸ್​ ಇಲಾಖೆಯಲ್ಲಿ ಇದ್ದವರೇ ಆತನಿಗೆ ಸಹಾಯ ಮಾಡುತ್ತಿರುವ ಬಗ್ಗೆ ಸಂದೇಹ ಬಂದಿತ್ತು. ಈ ಬಗ್ಗೆ ಇನ್ನಷ್ಟು ವಿಚಾರಣೆ ನಡೆಸಿದಾಗ ಇದು ಸತ್ಯ ಎನ್ನುವುದು ಸಾಬೀತಾಗಿತ್ತು.

ಈ ಕುರಿತು ಖಚಿತ ಮಾಹಿತಿ ಪಡೆದಿದ್ದ ಎಸ್‌ಐಟಿ ತಂಡ ದುಬೆಗೆ ಸಹಕರಿಸುತ್ತಿರುವ ಪೊಲೀಸ್​ ಅಧಿಕಾರಿಗಳ ವಿರುದ್ಧ ನವೆಂಬರ್ 5 ರಂದು ಉತ್ತರಪ್ರದೇಶ ಸರ್ಕಾರಕ್ಕೆ ವರದಿ ಸಲ್ಲಿಸಿತ್ತು.

ವರದಿಯಲ್ಲಿ ಐಪಿಎಸ್ ಅಧಿಕಾರಿಯೊಬ್ಬರ ಹೆಸರನ್ನು ದಾಖಲಿಸಿದ್ದ ಎಸ್‌ಐಟಿ ಗ್ಯಾಂಗ್'ಸ್ಟರ್'ಗೆ ನೆರವು ನೀಡಿರುವುದಾಗಿ ತಿಳಿಸಿತ್ತು. ಇದರಂತೆ ಪ್ರಕರಣವನ್ನು ಗಂಭೀರವಾಗಿ ಪರಿಗಣಿಸಿರುವ ಉತ್ತರಪ್ರದೇಶ ಸರ್ಕಾರವು ಅಧಿಕಾರಿಯನ್ನು ಅಮಾನತುಗೊಳಿಸಿದೆ.

https://www.vijayavani.net/s-ipl-cricket-kalburgi-mlas-wife/

https://www.vijayavani.net/s-hairbath-in-sky/