ಹೊಸ ಅವತಾರ ತಾಳೋವರೆಗೂ ಗುಡ್​ ಬೈ ಎಂದ ಶಿಲ್ಪಾ: ಫೋಟೋ ಇಲ್ಲದ ಇನ್​ಸ್ಟಾಗ್ರಾಂ... ಅಭಿಮಾನಿಗಳಿಗೆ ಚಿಂತೆ!

ಮುಂಬೈ: ಸಾಮಾಜಿಕ ಜಾಲತಾಣದಲ್ಲಿ ಸದಾ ಬಿಜಿಯಾಗಿರುವ ನಟಿಯರ ಪೈಕಿ ನಟಿ ಶಿಲ್ಪಾ ಶೆಟ್ಟಿ ಕೂಡ ಒಬ್ಬರು. ಪತಿ ರಾಜ್ ಕುಂದ್ರಾ ಪೋರ್ನ್​ ವಿಡಿಯೋ ಕೇಸ್​ನಲ್ಲಿ ಸಿಲುಕಿದ ಮೇಲೆ ಆ ಕೇಸ್​ನಲ್ಲಿ ಶಿಲ್ಪಾ ಹೆಸರು ಕೂಡ ಥಳಕು ಹಾಕಿಕೊಂಡಿದ್ದು, ಅದರ ವಿಚಾರಣೆ ಇನ್ನೂ ಕೋರ್ಟ್​ನಲ್ಲಿ ಇದೆ. ಆಗ ಸ್ವಲ್ಪ ಕಾಲ ಜಾಲತಾಣದಿಂದ ದೂರವಿದ್ದ ಶಿಲ್ಪಾ ಪುನಃ ಕಾಣಿಸಿಕೊಂಡಿದ್ದರು.

ಆದರೆ ಇದೀಗ ಮತ್ತೆ ಜಾಲತಾಣದಿಂದ ದೂರವಾಗ್ತಿದ್ದಾರಂತೆ ನಟಿ. ಸಾಮಾಜಿಕ ಜಾಲತಾಣದಿಂದ ಹೊರಗುಳಿಯುತ್ತೇನೆ ಅಂತಾ ಪೋಸ್ಟ್ ಮಾಡಿ, ಬ್ರೇಕ್ ತಗೆದುಕೊಂಡಿದ್ದಾರೆ ಇವರು. ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಯಾವುದೇ ಫೋಟೋ ಹಾಕಿಕೊಳ್ಳದೇ ಖಾಲಿ ಬಿಟ್ಟಿದ್ದಾರೆ ನಟಿ.

ಈ ಕುರಿತು ಇನ್​ಸ್ಟಾಗ್ರಾಂ ಖಾತೆಯಲ್ಲಿ ಹೇಳಿಕೊಂಡಿದ್ದಾರೆ, ನಾನು ಹೊಸ ಅವತಾರವನ್ನು ಕಂಡುಕೊಳ್ಳುವವರೆಗೂ ಸಾಮಾಜಿಕ ಜಾಲತಾಣದಿಂದ ದೂರ ಇರುತ್ತೇನೆ ಎಂದು ಪೋಸ್ಟ್‌ ಮಾಡಿದ್ದಾರೆ. ಇವೆಲ್ಲಾ ತುಂಬಾ ಬೋರ್​ ಬೋರ್​ ಅನಿಸುತ್ತಿದೆ, ಎಲ್ಲವೂ ಏಕತಾನಗೆ ಎನಿಸುತ್ತಿದೆ. ಆದ್ದರಿಂದ ಜಾಲತಾಣದಿಂದ ದೂರ ಉಳಿಯುತ್ತಿದ್ದೇನೆ. ಹೊಸ ಅವತಾರದಲ್ಲಿ ಬರುತ್ತೇನೆ ಎಂದಿದ್ದಾರೆ. ಅಲ್ಲಿಯವರೆಗೆ ಎಲ್ಲರಿಗೂ ಬೈ ಬೈ ಎಂದಿದ್ದಾರೆ. ಶಿಲ್ಪಾ ಅಭಿಮಾನಿಗಳಿಗೆ ಇದು ನುಂಗಲಾಗದ ತುತ್ತಾಗಿದೆ.

https://www.vijayavani.net/s-nalpad-against-actress-ramya-against-dkshi/

https://www.vijayavani.net/s-ramya-vs-dkshi-ramya-tweet-war/