VIDEO: ನಾನು 'ಹಾಟ್​ ಗರ್ಲ್​' ಎನ್ನುತ್ತಲೇ ಬೆಟ್ಟಕ್ಕೆ ಬೆಂಕಿ ಇಟ್ಟು ಫೋಟೋಶೂಟ್​ ಮಾಡಿಸಿಕೊಂಡ ಸುಂದರಿ!

ಇಸ್ಲಾಮಾಬಾದ್: ಫೋಟೋ ಶೂಟ್​ ಮಾಡಿಸಿಕೊಳ್ಳುವುದು ಹಲವರಿಗೆ ಭಾರಿ ಇಷ್ಟ. ಈಗಂತೂ ತಮ್ಮಲ್ಲಿರುವ ನಟನಾ ಕೌಶಲವನ್ನು ಜಾಲತಾಣದಲ್ಲಿ ತೋರಿಸುವುದಕ್ಕಾಗಿ ಜಿದ್ದಿಗೆ ಬಿದ್ದವರಂತೆ ಫೋಟೋ ಶೂಟ್​ ಮಾಡಿಸಿಕೊಳ್ಳುತ್ತಿದ್ದಾರೆ. ಈ ಫೋಟೋಗಾಗಿ ಹುಚ್ಚು ಸಾಹಸಕ್ಕೂ ಕೈಹಾಕುವವರಿಗೆ ಕಮ್ಮಿಯೇನೂ ಇಲ್ಲ.

ಇಂಥದ್ದೇ ಒಂದು ಸಾಹಸಕ್ಕೆ ಕೈಹಾಕಿರುವ ಪಾಕಿಸ್ತಾನದ ಟಿಕ್​ಟಾಕ್​ ಸ್ಟಾರ್​ ಆಕೆ ಅಂದುಕೊಂಡಂತೆ ರಾತ್ರೋರಾತ್ರಿ ಜನಪ್ರಿಯಳಾದರೂ ಜನರು ಹಿಡಿಶಾಪ ಹಾಕುತ್ತಿದ್ದಾರೆ. ಇದಕ್ಕೆ ಕಾರಣ ಫೋಟೋಶೂಟ್​ ಮಾಡಿಸಿಕೊಳ್ಳಲು ಈಕೆ ಬೆಟ್ಟಕ್ಕೇ ಬೆಂಕಿ ಇಟ್ಟಿದ್ದಾಳೆ!

ಹುಮೇರಾ ಅಸಗರ್​ ಎಂಬಾಕೆ ಇಂಥದ್ದೊಂದು ದುಷ್ಕೃತ್ಯ ಎಸಗಿದ್ದಾಳೆ. ಜಾಲತಾಣದಲ್ಲಿ ಲಕ್ಷಾಂತರ ಮಂದಿ ಫಾಲೋವರ್ಸ್​ ಹೊಂದಿರುವ ಈ ಟಿಕ್​ಟಾಕ್​ ಸ್ಟಾರ್​ಗೆ ಏನೋ ಹೊಸತು ಮಾಡಬೇಕು ಎನ್ನಿಸಿದೆ. ಈ ಮೂಲಕ ಭಾರಿ ಜನಪ್ರಿಯತೆ ಗಳಿಸಬೇಕು ಎಂದು ಎನ್ನಿಸಿದೆ.

ಇದೇ ಕಾರಣಕ್ಕೆ ಟಿಕ್​ಟಾಕ್​ನಲ್ಲಿ ವಿಡಿಯೋ ಮಾಡಿದ್ದಾಳೆ. ಬ್ಯಾಕ್​ಗ್ರೌಂಡ್​ ಚೆನ್ನಾಗಿ ಇರಲೆಂದು ಬೆಟ್ಟಕ್ಕೆ ಬೆಂಕಿ ಹಚ್ಚಿದ್ದಾಳೆ. ತಾನೊಬ್ಬ ಹಾಟ್​ ಸ್ಟಾರ್​, ನಾನು ಇರುವ ಕಡೆಗಳಲ್ಲೆಲ್ಲಾ ಕಿಚ್ಚು ತುಂಬಿರುತ್ತದೆ, ನಾನು ಎಲ್ಲಿರುತ್ತೇನೋ ಅಲ್ಲಿ ಬೆಂಕಿ ಸ್ಫೋಟಗೊಳ್ಳುತ್ತದೆ ಎಂದು ಶೀರ್ಷಿಕೆ ಕೊಟ್ಟು ಈ ವಿಡಿಯೋ ಹರಿಬಿಟ್ಟಿದ್ದಾಳೆ.

ಸಿಲ್ವರ್​ ಬಾಲ್ ಗೌನ್‌ ದಿರಿಸಿನಲ್ಲಿ ಬೆಂಕಿಯಿಂದ ಉರಿಯುತ್ತಿರುವ ಬೆಟ್ಟದ ಮುಂದೆ ನಡೆದುಕೊಂಡು ಬರುತ್ತಿರುವ ವಿಡಿಯೋ ಕ್ಲಿಪ್ ಶೇರ್​ ಮಾಡಿಕೊಂಡಿದ್ದಾಳೆ. ಬೆಟ್ಟಕ್ಕೆ ಬೆಂಕಿ ಇಟ್ಟು ಪರಿಸರಕ್ಕೆ ಹಾನಿ ಮಾಡಿರುವುದಕ್ಕೆ ಹಲವಾರು ಮಂದಿ ಈಕೆಯ ವಿರುದ್ಧ ಕೆಂಡಾಮಂಡಲವಾಗಿದ್ದಾರೆ. ಆದರೆ ವಿಡಿಯೋ ಮಾತ್ರ ಜಾಲತಾಣದಲ್ಲಿ ಸಕತ್​ ವೈರಲ್​ ಆಗಿದೆ.

ಇಲ್ಲಿದೆ ನೋಡಿ ವಿಡಿಯೋ:

https://www.vijayavani.net/s-marraige-gift-blast-hospitalised/

https://www.vijayavani.net/s-sukesh-chandrashekhar-hunger-stike-in-jail/