ಸುಪ್ರಸಿದ್ಧ ನಟಿ ಮರ್ಲಿನ್‌ ಮನ್ರೋಳನ್ನು ನೆನಪಿಸಿದ ಗೂಬೆ- ವಿಡಿಯೋ ವೈರಲ್​

ವಾಷಿಂಗ್ಟನ್​: ಮರ್ಲಿನ್‌ ಮನ್ರೋ... ಯಾರಿಗೆ ತಾನೇ ಈ ಹೆಸರು ಗೊತ್ತಿಲ್ಲ? ಅಮೆರಿಕದ ನಟಿ, ಗಾಯಕಿ ಮತ್ತು ರೂಪದರ್ಶಿಯಾಗಿದ್ದ .ಈಕೆ 50ರ ದಶಕದಿಂದಲೂ ಜಗತ್ಪ್ರಸಿದ್ಧಿ ಹೊಂದಿದಾಕೆ. ಅದರಲ್ಲಿ 1954ರಲ್ಲಿ ಈಕೆ ಕೊಟ್ಟ ಒಂದು ಪೋಸ್​ನಿಂದ ರಾತ್ರೋರಾತ್ರಿ ಮನೆಮಾತಾದವಳು.

ಸಬ್‌ವೇ ಗ್ರೇಟ್ ಒಂದರ ಮೇಲೆ ನಿಂತುಕೊಂಡು ಈಕೆ ಕೊಟ್ಟಿರುವ ಪೋಸ್​ ಇಂದಿಗೂ ಎಲ್ಲೆಡೆ ಕಾಣಬಹುದಾಗಿದೆ. ಹಲವಾರು ಮಂದಿಯ ಮನೆಗಳ ಗೋಡೆಗಳ ಮೇಲೆಯೂ ಈಕೆಯ ಇದೇ ಭಂಗಿಯ ಫೋಟೋ ಇದ್ದರೆ, ಹಲವಾರು ಕಡೆಗಳಲ್ಲಿ ಇದೇ ಭಂಗಿಯ ಮೂರ್ತಿಗಳನ್ನೂ ಕೆತ್ತಲಾಗಿದೆ.

ಕೇವಲ 36 ವರ್ಷ ಬದುಕಿದ್ದ ಈ ಮಾದಕನಟಿ ಅಷ್ಟು ಚಿಕ್ಕವಯಸ್ಸಿನಲ್ಲಿಯೇ ಇಷ್ಟೊಂದು ವಿಖ್ಯಾತಿ ಗಳಿಸಿದ್ದಳು. ಇವಳ ಇದೇ ರೀತಿಯ ಪೋಸ್​ನಂತ ತಮ್ಮ ಫೋಟೋ ಕ್ಲಿಕ್ಕಿಸಿಕೊಳ್ಳಬೇಕು ಎಂದು ಹಪಹಪಿಸುವವರು ಸಹಸ್ರಾರು ಮಂದಿ. ಆದರೆ ಆ ಪೋಸ್​ ಮಾತ್ರ ಇದುವರೆಗೂ ಯಾರಿಂದಲೂ ಮಾಡಲು ಸಾಧ್ಯವಾಗಿಲ್ಲ ಎಂದು ಹೇಳಲಾಗುತ್ತಿದೆ.

ಆದರೆ ಗೂಬೆಯೊಂದು ಇದೀಗ ಫೋಟೋಗೆ ಪೋಸ್​ ನೀಡಿದ್ದು, ಅದು ಮರ್ಲಿನ್​ ಮನ್ರೋಳನ್ನೇ ನೆನಪಿಸುವಂತಿದೆ ಎಂದು ಸಾಮಾಜಿಕ ಜಾಲತಾಣದಲ್ಲಿ ಭಾರಿ ಸುದ್ದಿಯಾಗಿದೆ. ಹಾಗೆ ನೋಡಿದರೆ ಮರ್ಲಿನ್​ ನಿಂತ ಭಂಗಿಗೂ ಈ ಗೂಬೆ ಕುಳಿತ ಭಂಗಿಗೂ ಅಂಥದ್ದೇನು ಹೋಲಿಕೆಯಿಲ್ಲ. ಆದರೆ ಕೆಲ ಸೆಕೆಂಡುಗಳ ಕಾಲ ಮರ್ಲಿನ್​ ಪೋಸ್​ ಕೊಟ್ಟ ಜಾಗದ ಸಮೀಪ ಕೂತಲ್ಲೇ ಕುಳಿತು ಫೋಟೋ ಕ್ಲಿಕ್ಕಿಸಿಕೊಂಡಿರುವುದು ಅನೇಕ ಮಂದಿಯ ಕಣ್ಣಿಗೆ ಮರ್ಲಿನ್​ನನ್ನು ನೆನಪಿಸುತ್ತಿದೆಯಂತೆ.

ಖುದ್ದು ಮನುಷ್ಯರಲ್ಲೇ ಸಾಕಷ್ಟು ಮಂದಿ ಇದೇ ಪೋಸ್ ‌ಅನ್ನು ಅನುಕರಿಸಲು ವಿಫಲರಾಗಿರುವಾಗ ಗೂಬೆಯೊಂದು ಹೀಗೆ ಪರ್ಫೆಕ್ಟ್‌ ಆಗಿ ಪೋಸ್‌ ಕೊಟ್ಟಿದೆ ಎಂದು ಎಲ್ಲರೂ ಅಚ್ಚರಿ ವ್ಯಕ್ತಪಡಿಸಿದ್ದಾರೆ. 37 ಸೆಕೆಂಡ್‌ಗಳ ಈ ವಿಡಿಯೋದಲ್ಲಿ ಗೂಬೆಯು ತನ್ನ ರೆಕ್ಕೆಗಳನ್ನು ಸೊಗಸಾಗಿ ಹರಡಿರುವುದನ್ನು ಇಲ್ಲಿ ನೋಡಬಹುದಾಗಿದೆ.

https://www.vijayavani.net/s-sister-finds-unique-way-to-overcome-late-fathers-shortage/

https://www.vijayavani.net/s-gulam-nabhi-azad-speech-in-rajyasabhaa/

https://www.vijayavani.net/s-love-inside-jail-compalint-by-woman/

https://www.vijayavani.net/s-man-escaped-with-atm-cash/