ಕಳಚಿದ ಸಂಗೀತದ ಕೊಂಡಿ: 'ಪದ್ಮ'ಗಳ ಬಿರುದಾಂಕಿತ ಡಾ.ಗುಲಾಂ ಮುಸ್ತಫಾ ಖಾನ್ ನಿಧನ

ಬಾಂದ್ರಾ: ಸುಪ್ರಸಿದ್ಧ ಹಿಂದೂಸ್ಥಾನ ಸಂಗೀತ ಕಲಾವಿದ, ಪದ್ಮವಿಭೂಷಣ, ಪದ್ಮಶ್ರೀ, ಪದ್ಮಭೂಷಣ ಸೇರಿದಂತೆ ನೂರಾರು ಮಹಾನ್​ ಪ್ರಶಸ್ತಿಗೆ ಭಾಜನರಾಗಿದ್ದ ಉಸ್ತಾದ್​ ಡಾ.ಗುಲಾಂ ಮುಸ್ತಫಾ ಖಾನ್ ಇಂದು ನಿಧನರಾಗಿದ್ದಾರೆ. ಅವರಿಗೆ 90 ವರ್ಷ ವಯಸ್ಸಾಗಿತ್ತು.

ಈ ಕುರಿತು ಗಾಯಕಿ ಲತಾ ಮಂಗೇಶ್ಕರ್​ ಅವರು ಟ್ವೀಟ್​ ಮಾಡುವ ಮೂಲಕ ಸಂತಾಪ ಸೂಚಿಸಿದ್ದಾರೆ. ಖಾನ್ ಅವರ ಸೊಸೆ ನಮ್ರತಾ ಅವರು ಈ ಕುರಿತಂತೆ ಸಾಮಾಜಿಕ ಜಾಲತಾಣದಲ್ಲಿ ಮಾಹಿತಿ ನೀಡಿದ್ದಾರೆ.

2019ರಲ್ಲಿ ಬ್ರೈನ್ ಸ್ಟ್ರೋಕ್​ಗೆ ಒಳಗಾಗಿದ್ದ ಖಾನ್, ದೇಹದ ಎಡಭಾಗವು ಪಾರ್ಶ್ವವಾಯುವಿಗೆ ತುತ್ತಾಗಿತ್ತು. ಅಂದಿನಿಂದಲೂ 24 ಗಂಟೆ ನರ್ಸ್ ಒಬ್ಬರು ಮನೆಯಲ್ಲಿಯೇ ಅವರನ್ನು ನೋಡಿಕೊಳ್ಳುತ್ತಿದ್ದರು. ಇಂದು ಮಧ್ಯಾಹ್ನ ಮಸಾಜ್ ಮಾಡುವಾಗ ವಾಂತಿಯಾಯಿತು, ವೈದ್ಯರು ಬಂದು ಅವರ ಆರೋಗ್ಯ ಪರೀಕ್ಷೆಗೆ ಒಳಪಡಿಸುವಷ್ಟರಲ್ಲಿ ಅವರು ಮೃತಪಟ್ಟಿದ್ದಾರೆ.

ತಂದೆಯಿಂದ ಶಾಸ್ತ್ರೀಯ ಸಂಗೀತ ತರಬೇತಿ ಪಡೆದ ಖಾನ್, ನಂತರ ತಮ್ಮ ಸೋದರ ಸಂಬಂಧಿ, ನಿಸಾರ್ ಹುಸೇನ್ ಖಾನ್ ಅವರ ನೇತೃತ್ವದಲ್ಲಿ ಸಂಗೀತ ಕಲಿತಿದ್ದರು. 1991ರಲ್ಲಿ ಪದ್ಮಶ್ರೀ ಪ್ರಶಸ್ತಿ, ನಂತರ 2006ರಲ್ಲಿ ಪದ್ಮಭೂಷಣ, 2018ರಲ್ಲಿ ಪದ್ಮ ವಿಭೂಷಣ ಪ್ರಶಸ್ತಿ ನೀಡಿ ಗೌರವಿಸಲಾಗಿತ್ತು. 2003ರಲ್ಲಿ ಅವರಿಗೆ ಸಂಗೀತ ನಾಟಕ ಅಕಾಡೆಮಿ ಪ್ರಶಸ್ತಿ, ಪ್ರಾಕ್ಟಿಕಲ್ ಕಲಾವಿದರಿಗೆ ನೀಡಲಾಗುವ ಅತ್ಯುನ್ನತ ಭಾರತೀಯ ಗೌರವ ಸಂದಿವೆ.

https://www.vijayavani.net/s-air-taxi-inaguation-in-hariyana/

https://www.vijayavani.net/s-jo-biden-20-indians/

https://www.vijayavani.net/s-dharawad-accident-ashok-kheni-is-responsible/

https://www.vijayavani.net/s-hruthik-roshan-kangana-arnab-chat/

.