ಎಸ್​ಬಿಐನಲ್ಲಿ ಖಾಲಿ ಇವೆ 14 ಹುದ್ದೆಗಳು: ಅರ್ಜಿ ಆಹ್ವಾನ- 80 ಸಾವಿರ ರೂ.ವರೆಗೆ ಸಂಬಳ

ಸರ್ಕಾರಿ ಸ್ವಾಮ್ಯದಲ್ಲಿರುವ ಭಾರತದ ಬಹುರಾಷ್ಟ್ರೀಯ ಬ್ಯಾಂಕ್​ಗಳಲ್ಲಿ ಒಂದಾಗಿರುವ ಸ್ಟೇಟ್​ ಬ್ಯಾಂಕ್​ ಆಫ್ ಇಂಡಿಯಾದ ವಿವಿಧ ವಲಯಗಳಲ್ಲಿ ನೇರ ನೇಮಕಾತಿ ಮೂಲಕ ರಿಸ್ಕ್​ ಸ್ಪೆಷಲಿಸ್ಟ್​ ಹುದ್ದೆಗಳನ್ನು ಭರ್ತಿ ಮಾಡಲು ಅರ್ಹ ಅಭ್ಯರ್ಥಿಗಳಿಂದ ಅರ್ಜಿ ಆಹ್ವಾನಿಸಲಾಗಿದೆ. ಆನ್​ಲೈನ್​ ಮೂಲಕ ಮಾತ್ರ ಅರ್ಜಿ ಸಲ್ಲಿಸಲು ಅವಕಾಶ ಕಲ್ಪಿಸಲಾಗಿದೆ. ಮುಂಬೈ ಕಚೇರಿಯಲ್ಲಿ ನೇಮಕ ಮಾಡಿಕೊಳ್ಳಲಾಗುತ್ತಿದ್ದು, ಎಲ್ಲ ಹುದ್ದೆಗಳಿಗೂ ಮೀಸಲಾತಿ ಅನ್ವಯವಾಗಲಿದೆ.

ಹುದ್ದೆಗಳ ವಿವರ

ರಿಸ್ಕ್​ ಸ್ಪೆಷಲಿಸ್ಟ್​ 14 ಹುದ್ದೆಗಳಿದ್ದು, ಸೆಕ್ಟರ್​-7, ಕ್ರೆಡಿಟ್​-1, ಕ್ಲೆಮೇಟ್​ ರಿಸ್ಕ್​-1, ಐಎನ್​ಡಿ ಎಎಸ್​-3 ಮತ್ತು ಮಾರ್ಕೆಟ್​ ರಿಸ್ಕ್​-2 ವಿಭಾಗಗಳಲ್ಲಿ ನೇಮಕ ಮಾಡಿಕೊಳ್ಳಲಾಗುತ್ತಿದೆ.

ಶೈಕ್ಷಣಿಕ ಅರ್ಹತೆ

ಹುದ್ದೆಗಳಿಗೆ ಅನುಗುಣವಾಗಿ ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಲ್ಲಿ ಫೈನಾನ್ಸ್​ ​ ​/ಡೇಟಾ ಅನಲಿಸಿಸ್​/ಬಿಸಿನೆಸ್​ ಅನಲಿಸಿಸ್​ ವಿಷಯಗಳಲ್ಲಿ ಎಂಬಿಎ, ಸ್ಟಾಟಿಸ್ಟಿಕ್ಸ್​ನಲ್ಲಿ ಎಂಎಸ್ಸಿ ಪದವಿ, ಸಿಎ ಪದವಿ ಕೇಳಲಾಗಿದೆ. ಇದಲ್ಲದೆ ಎಂಎಸ್​ ಆಫೀಸ್​, ಎಕ್ಸೆಲ್​ ಸೇರಿ ಇತರ ಕಂಪ್ಯೂಟರ್​ ಜ್ಞಾನ ಅವಶ್ಯ. ಸಂಬಂಧಪಟ್ಟ ಕ್ಷೇತ್ರಗಳಲ್ಲಿ ಕನಿಷ್ಠ 4 ವರ್ಷ ವೃತ್ತಿ ಅನುಭವ ಕೇಳಲಾಗಿದೆ. 31.3.2022ಕ್ಕೆ ಅನ್ವಯವಾಗುವಂತೆ 40 ವರ್ಷ ವಯೋಮಿತಿ ನಿಗದಿಪಡಿಸಲಾಗಿದೆ.

ವೇತನ

ಎಂಎಂಜಿಎಸ್​-ಐಐ ಹುದ್ದೆಗೆ 48,170ದಿಂದ 69,810 ರೂ. ಎಂಎಂಜಿಎಸ್​ -ಐಐಐ ಹುದ್ದೆಗೆ 63,840ರಿಂದ 78,230 ರೂ. ಮಾಸಿಕ ವೇತನ ನಿಗದಿಪಡಿಸಲಾಗಿದೆ. ಇದಲ್ಲದೆ ಮೆಡಿಕಲ್​, ಎಚ್​ಆರ್​ಎ, ಸಿಸಿಎ, ಡಿಎ ಸೇರಿ ಇತರ ಭತ್ಯೆ ಇರಲಿದೆ.

ಅರ್ಜಿ ಸಲ್ಲಿಕೆ ವಿಧಾನ

ಅಗತ್ಯ ದಾಖಲೆಗಳೊಂದಿಗೆ ಆನ್​ಲೈನ್​ ಮೂಲಕ ಮಾತ್ರ ಅರ್ಜಿ ಸಲ್ಲಿಸತಕ್ಕದ್ದು. ಅಪೂರ್ಣ ಮತ್ತು ದಾಖಲೆಗಳಿಲ್ಲದ ಅರ್ಜಿಗಳನ್ನು ಸ್ವೀಕರಿಸುವುದಿಲ್ಲ. ಮೀಸಲಾತಿ ಕೋರುವವರು ಅಗತ್ಯ ದಾಖಲೆ ಸಲ್ಲಿಸತಕ್ಕದ್ದು. ಸಾಮಾನ್ಯ ಅಭ್ಯರ್ಥಿಗಳಿಗೆ 750 ರೂ. ಅರ್ಜಿ ಶುಲ್ಕ ನಿಗದಿಪಡಿಸಿದ್ದು, ಮೀಸಲಾತಿ ಅಭ್ಯರ್ಥಿಗಳಿಗೆ ಯಾವುದೇ ಶುಲ್ಕ ಇರುವುದಿಲ್ಲ.

ಆಯ್ಕೆ ಪ್ರಕ್ರಿಯೆ

ಆನ್​ಲೈನ್​ ಮೂಲಕ ಅರ್ಜಿ ಸಲ್ಲಿಸಲು ಅವಕಾಶವಿದ್ದು, ಶಾರ್ಟ್​ಲಿಸ್ಟ್​ ಮಾಡಲಾದ ಅಭ್ಯರ್ಥಿಗಳೊಂದಿಗೆ ಸಂವಹನ ನಡೆಸಿ ಅರ್ಹರನ್ನು ಆಯ್ಕೆ ಮಾಡಲಾಗುವುದು.

ಅರ್ಜಿ ಸಲ್ಲಿಸಲು ಕೊನೇ ದಿನ: 16.6.2022

ಅಧಿಸೂಚನೆಗೆ: https://bit.ly/3NHXATg

ಮಾಹಿತಿಗೆ: http://sbi.co.in

ಜಯಪುರ ಕಚೇರಿಯಲ್ಲೂ ನೇಮಕ

ಸ್ಟೇಟ್​ ಬ್ಯಾಂಕ್​ ಆಫ್​ ಇಂಡಿಯಾದ ಜಯಪುರ ವಲಯದಲ್ಲಿ ಗುತ್ತಿಗೆ ಆಧಾರದಲ್ಲಿ ಕೇಸ್​ ಮ್ಯಾನೇಜರ್​ ಹುದ್ದೆಗಳನ್ನು (8) ಭರ್ತಿ ಮಾಡಲು ಅಧಿಸೂಚನೆ ಹೊರಡಿಸಲಾಗಿದೆ. ಎಎಂಎಲ್​/ಸಿಎಫ್​ಟಿ ಸೆಲ್​ನಲ್ಲಿ ನೇಮಕ ಮಾಡಿಕೊಳ್ಳಲಾಗುತ್ತಿದೆ. ಈಗಾಗಲೇ ಇದೇ ವೃತ್ತಿಯಲ್ಲಿ ಅನುಭವ ಪಡೆದಿರುವವರು ಮಾತ್ರ ಅರ್ಜಿ ಸಲ್ಲಿಸಲು ಅರ್ಹರು. ಯಾವುದೇ ಪದವಿ ಪಡೆದವರಿಬಹುದು. ವಯೋಮಿತಿ 60 ವರ್ಷ ಮೀರಿರಬಾರದು.

ಶಾರ್ಟ್​ಲಿಸ್ಟ್​ ಮಾಡಲಾದ ಅಭ್ಯರ್ಥಿಗಳನ್ನು ಸಂದರ್ಶನದ ಮೂಲಕ ಆಯ್ಕೆ ಮಾಡಲಾಗುವುದು. 37,000 ರೂ. ಮಾಸಿಕ ವೇತನ ಇರಲಿದೆ. ಆಸಕ್ತರು ಸಂಸ್ಥೆಯ ವೆಬ್​ಸೈಟ್​ನಲ್ಲಿ ನೀಡಲಾದ ವಿಳಾಸಕ್ಕೆ ಜೂನ್​ 15ರೊಳಗೆ ಅರ್ಜಿ ಸಲ್ಲಿಸಬಹುದು. ಅಧಿಸೂಚನೆಗೆ: https://bit.ly/3zrstHh ನೋಡಬಹುದು.

https://www.vijayavani.net/s-justice-bs-patil-as-karnataka-lokayuktha/

https://www.vijayavani.net/s-nyayadevate-about-will-of-propety/