ಬಿಗ್​ಬಾಸ್​ ಸ್ಪರ್ಧಿಯ ಉಗುರಿನಿಂದ ನಟಿಯ ಕಣ್ಣಾಯಿತು ಕೆಂಪು ಕೆಂಪು

ಮುಂಬೈ: ಹಿಂದಿನ ಬಿಗ್​ಬಾಸ್​ ಷೋನಲ್ಲಿ ಭಾಗವಹಿಸಿದ್ದ ನಟಿ, ಪಂಜಾಬಿ ಗಾಯಕಿ ಸಾರಾ ಗುರ್ಪಾಲ್ ಇದೀಗ ಕಣ್ಣಿಗೆ ಗಾಯ ಮಾಡಿಕೊಂಡು ನರಳಾಡುತ್ತಿದ್ದಾರೆ.

14 ವಾರಗಳವರೆಗೆ ಸ್ಪರ್ಧೆಯಲ್ಲಿ ಭಾಗವಹಿಸಿದ್ದ ಸಾರಾ ಇದೀಗ ಎಲಿಮಿನೇಟ್​ ಆಗಿದ್ದಾರೆ. ಆದರೆ ಕೊನೆಯ ಟಾಸ್ಕ್​ ಒಂದರಲ್ಲಿ ತಮ್ಮ ಪ್ರತಿಸ್ಪರ್ಧಿ ನಿಕ್ಕಿ ತಂಬೀಲಿಯಾ ಅಕ್ರಿಲಿಕ್​ ಅವರ ಉಗುರು ತಗುಲಿಸಿಕೊಂಡಿರುವ ಕಾರಣ, ಕಣ್ಣಿಗೆ ಗಾಯ ಮಾಡಿಕೊಂಡಿದ್ದಾರೆ.

ರೋಗನಿರೋಧಕ ಶಕ್ತಿ ಹೆಚ್ಚಿಸಿಕೊಳ್ಳುವ ಕುರಿತಾಗಿ ಇರುವ ಟಾಸ್ಕ್​ನಲ್ಲಿ ಉಗುರು ತಗುಲಿತ್ತು. ಈ ಟಾಸ್ಕ್​ನಲ್ಲಿ ಸೀಟು ಬದಲಾವಣೆ ವೇಳೆ ನಿಕ್ಕಿ ಅವರ ಉದ್ದನೆಯ ಉಗುರು ಇವರ ಕಣ್ಣುಹೊಕ್ಕಿತ್ತು. ಇದೀಗ ಕಣ್ಣು ಕೆಂಪಗೆ ಊದಿಕೊಂಡಿದ್ದು, ಅದರ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಇದನ್ನೂ ಓದಿ: ಸಚಿನ್​ ಮಗಳನ್ನು ಮದುವೆಯಾದ್ರಾ ಶುಭ್​ಮನ್​ ಗಿಲ್​?: ಹೌದು ಎನ್ನುತ್ತಿದೆ ಗೂಗಲ್​..!

ಇದೇ ಸಮಯದಲ್ಲಿ ಬಿಗ್​​ಬಾಸ್​ ಮನೆಯಿಂದ ಹೊರಕ್ಕೆ ಯಾರನ್ನು ಹಾಕಬೇಕು ಎಂದು ಇತರ ಹಿರಿಯ ಪ್ರತಿಸ್ಪರ್ಧಿಗಳಾದ ಸಿದ್ಧಾರ್ಥ್ ಶುಕ್ಲಾ, ಗೌಹರ್ ಖಾನ್ ಮತ್ತು ಹಿನಾ ಖಾನ್ ಅವರನ್ನು ಕೇಳಿದಾಗ ಅವರು ಸಾರಾ ಹೆಸರು ಹೇಳಿದ್ದರು. ಆದ್ದರಿಂದ ಈಕೆಯನ್ನು ಹೊರಕ್ಕೆ ಹಾಕಲಾಗಿತ್ತು.

ಈಕೆಯನ್ನು ಬಿಗ್​ಬಾಸ್​ ಮನೆಯಿಂದ ಹೊರಹಾಕಿರುವುದಕ್ಕೆ ಆಕೆಯ ಅಭಿಮಾನಿಗಳಿಂದ ಭಾರಿ ಆಕ್ರೋಶ ವ್ಯಕ್ತವಾಗಿದೆ.

ಬಿಗ್​ಬಾಸ್​ನ ಈ ಸೀಸನ್​ ಬಹು ವಿವಾದಕ್ಕೆ ಕಾರಣವಾಗಿದೆ. ಇದರ ಮಧ್ಯೆಯೇ, ವಿವಾದಿತ ನಟಿ ಎಂದೇ ಕರೆಸಿಕೊಂಡಿರುವ ಸಾರಾ ಬಿಗ್​ಬಾಸ್ ಮನೆಯಿಂದ ಹೊರಕ್ಕೆ ಬಂದಿರುವುದೂ ಅಲ್ಲದೇ, ಕಣ್ಣಿಗೆ ಗಾಯ ಮಾಡಿಕೊಂಡಿರುವುದಕ್ಕೆ ದುಃಖ ತೋಡಿಕೊಂಡಿದ್ದಾರೆ.

ಅಮೆರಿಕ ಮೂಲದ ಸಂಗೀತಗಾರ ತುಷಾರ್ ಕುಮಾರ್ ಅವರನ್ನು ಗುಟ್ಟಾಗಿ ಮದುವೆಯಾಗಿ ಅದನ್ನು ಮರೆಮಾಚಿ ವಿವಾಹಕ್ಕೆ ಕಾರಣವಾಗಿದ್ದಾರೆ ಸಾರಾ.

https://www.vijayavani.net/s-grilfriend-bank-theft/

https://www.vijayavani.net/s-15-years-pubishment/