ದುಡ್ಡು ಪಡೆಯಲು ರಾತ್ರಿಯಿಡೀ ಬ್ಯಾಂಕ್‌ ಎದುರು ಬೀಡುಬಿಟ್ಟ ರೈತರು! ಬರಿಗೈಯಲ್ಲಿ ಹೋದರು ಕೆಲವರು...

ವಿದಿಶಾ (ಮಧ್ಯಪ್ರದೇಶ): ತಮ್ಮದೇ ದುಡ್ಡನ್ನು ಪಡೆಯಲು ರೈತರು ರಾತ್ರಿಯಿಡೀ ನಿದ್ದೆಗೆಟ್ಟು ಬ್ಯಾಂಕ್‌ ಎದುರು ಕಾದಿರುವ ಘಟನೆಯೊಂದು ಮಧ್ಯಪ್ರದೇಶದ ವಿದಿಶಾದಲ್ಲಿ ನಡೆದಿದೆ.

ಇದಕ್ಕೆ ಕಾರಣ ಕರೊನಾ ವೈರಸ್‌. ಬ್ಯಾಂಕ್‌ನ ಅನೇಕ ಸಿಬ್ಬಂದಿಗೆ ವೈರಸ್​ ಬಂದಿದ್ದರಿಂದ ಎರಡು ವಾರ ಬ್ಯಾಂಕ್‌ ಮುಚ್ಚಲಾಗಿತ್ತು. ಈ ಸಮಯದಲ್ಲಿ ದುಡ್ಡಿಗಾಗಿ ರೈತರು ಪರದಾಡುವಂತಾಯಿತು. ಬ್ಯಾಂಕ್‌ ತೆರೆಯುತ್ತಿರುವ ಸುದ್ದಿ ತಿಳಿಯುತ್ತಲೇ ರಾತ್ರಿ ಬ್ಯಾಂಕ್‌ ಎದುರೇ ಬೀಡುಬಿಟ್ಟಿದ್ದಾರೆ.

ಕರೊನಾ ವೈರಸ್‌ ಇರುವ ಕಾರಣದಿಂದಾಗಿ ಜನದಟ್ಟಣೆ ತಪ್ಪಿಸಲು ಪ್ರತಿದಿನ 150 ಟೋಕನ್​ಗಳನ್ನು ಇಲ್ಲಿ ವಿತರಣೆ ಮಾಡಲಾಗುತ್ತದೆ. ಹೆಚ್ಚಿನ ಜನರಿಗೆ ಹಣ ನೀಡುವುದಿಲ್ಲ. ಇದರಿಂದಾಗಿ ತಮಗೆಲ್ಲಿ ಟೋಕನ್‌ ಸಿಗುವುದಿಲ್ಲವೋ ಎಂಬ ಭಯದಲ್ಲಿ ರೈತರು ತಂಡೋಪತಂಡವಾಗಿ ಆಗಮಿಸಿದ್ದಾರೆ. ಬ್ಯಾಂಕ್‌ ಎದುರೇ ಬಟ್ಟೆ ಹಾಸಿಕೊಂಡು ಮಲಗಿದ್ದಾರೆ.

ಆದರೆ ಅವರಲ್ಲಿ ಕೆಲವರ ಅದೃಷ್ಟ ಚೆನ್ನಾಗಿರಲಿಲ್ಲ. ಅದಾಗಲೇ 150 ಟೋಕನ್‌ ಮುಗಿದ ಕಾರಣ ಉಳಿದವರಿಗೆ ಮಾರನೆಯ ದಿನ ಬರುವಂತೆ ಹೇಳಲಾಯಿತು. ಇದರಿಂದ ಬರಿಗೈನಲ್ಲಿ ವಾಪಸಾದ ಘಟನೆ ನಡೆದಿದೆ. ನಮಗೆ ಡೀಸೆಲ್​ ಖರೀದಿಗೆ ಹಣ ಬೇಕಿತ್ತು ಎಂದು ಕೆಲವರು ಹೇಳಿದರೆ, ರಸಗೊಬ್ಬರ ಖರೀದಿಗೂ ದುಡ್ಡು ಇಲ್ಲದಂತಾಗಿದೆ. ಈಗ ನೋಡಿದ್ರೆ ಹಣ ಸಿಕ್ಕಿಲ್ಲ ಎಂದು ಕೆಲವರು ಅಳಲು ತೋಡಿಕೊಂಡರು. ಇನ್ನು ಕೆಲವರು ಮಕ್ಕಳ ಮದುವೆಗಾಗಿ ಹಣ ತೆಗೆದುಕೊಂಡು ಹೋಗಲು ಬಂದಿದ್ದರು.

https://www.vijayavani.net/s-property-right-of-husband-by-wife-nyaya/

https://www.vijayavani.net/s-property-to-daughtehr-nyayadevate/

https://www.vijayavani.net/s-baba-ramdev-reaction-over-alopathy-science/

https://www.vijayavani.net/s-operation-patient-cracking-joke/