ಪೋಷಕರು ಬದುಕಿರಲಿ, ಇಲ್ಲದಿರಲಿ... ಸಾಕು ಮಗಳಿಗೆ ಆಸ್ತಿಯಲ್ಲಿ ಪಾಲು ಸಿಗುವುದಿಲ್ಲ- ಕಾನೂನು ಏನಿದೆ ನೋಡಿ...

ಉತ್ತರ: ಸಾಕು ಮಗಳಿಗೆ ಅಥವಾ ಸಾಕು ಮಗನಿಗೆ ತಂದೆ ತಾಯಿಯ ಆಸ್ತಿಯಲ್ಲಿ ತಂದೆ ತಾಯಿ ಬದುಕಿರುವಾಗ ಅಥವಾ ತಂದೆ ತಾಯಿ ತೀರಿಕೊಂಡಾಗ ಯಾವ ಹಕ್ಕೂ ಇರುವುದಿಲ್ಲ. ದತ್ತು ಪುತ್ರಿ ಅಥವಾ ದತ್ತು ಪುತ್ರನಾಗಿದ್ದರೆ ಕಾನೂನು ಬೇರೆ.

ನಿಮ್ಮ ಪತ್ನಿಗೆ ಯಾವುದೇ ರೀತಿಯಲ್ಲೂ ಆಕೆಯ ಸಾಕು ತಂದೆ ತಾಯಿಯ ಆಸ್ತಿಯಲ್ಲಿ ಯಾವುದೇ ಹಕ್ಕೂ ಬರುವುದಿಲ್ಲ. ನಿಮ್ಮ ಪತ್ನಿಯ ಸಾಕು ತಂದೆ ತಾಯಿ ತೀರಿಕೊಂಡ ಮೇಲೂ ನಿಮ್ಮ ಪತ್ನಿಗೆ ಆಸ್ತಿಯಲ್ಲಿ ಹಕ್ಕು ಬರುವುದಿಲ್ಲ. ಒಂದು ವೇಳೆ ವಿಲ್ ಅಥವಾ ದಾನ ಪತ್ರ ಸಕ್ರಮವಾಗಿಲ್ಲ ಎಂದು ನ್ಯಾಯಾಲಯದಲ್ಲಿ ತೀರ್ಮಾನ ಆದರೂ , ಆಗಲೂ ನಿಮ್ಮ ಪತ್ನಿ ಸಾಕು ಮಗಳಾಗಿರುವುದರಿಂದ ಆಕೆಗೆ ಹಕ್ಕು ಬರುವುದಿಲ್ಲ.

ನಿಮ್ಮ ಪತ್ನಿಯ ಸಾಕು ತಂದೆ ತಾಯಿಗಳ ಸಂಬಂಧಿಗಳಿಗೆ, ಹಿಂದೂ ವಾರಸಾ ಕಾಯ್ದೆಯಂತೆ ಆಸ್ತಿ ಹಂಚಿಕೆ ಆಗುತ್ತದೆ. ನೀವು ನಿಮ್ಮ ಪತ್ನಿಯ ಸಾಕು ತಂದೆ ತಾಯಿಯರನ್ನು ಪೋಷಣೆ ಮಾಡಿದರೂ ಮಾಡದೇ ಇದ್ದರೂ ನಿಮ್ಮ ಪತ್ನಿಗೆ ಅವರ ಆಸ್ತಿಯಲ್ಲಿ ಭಾಗ ಬರುವುದಿಲ್ಲ. ತಾವು ಆಸ್ತಿ ಕೇಳಿ ವಿಶ್ವಾಸ ಕಳೆದುಕೊಂಡಿದ್ದೀರಿ. ಈಗಲೂ ಅವರ ಪ್ರೀತಿ ವಿಶ್ವಾಸ ಗಳಿಸಿಕೊಳ್ಳಲು ಪ್ರಯತ್ನಿಸುವುದು ಒಳ್ಳೆಯದು. ಅವರೇ ಮನಸ್ಸು ಬದಲಾಯಿಸಿ ಏನಾದರೂ ಕೊಟ್ಟರೆ ಅದು ನಿಮ್ಮ ಅದೃಷ್ಟ. ಕೇಸು ಹಾಕಿ ಪ್ರಯೋಜನವಿಲ್ಲ.

https://www.vijayavani.net/s-whatsapp-message-nyayadevate/

https://www.vijayavani.net/s-women-property-rt-on-ther-mothers-house-nyaya/