VIDEO: 3 ಲಕ್ಷ ಮದ್ಯದ ಬಾಟಲ್​ ಮೇಲೆ ಹರಿದ ರೋಡ್ ರೋಲರ್: ಕುಡುಕರ ಕರುಳು ಹಿಂಡುವ ವಿಡಿಯೋ ವೈರಲ್​

ಅಮರಾವತಿ: 5.47 ಕೋಟಿ ರೂಪಾಯಿ ಮೌಲ್ಯದ ಅಕ್ರಮ ಮದ್ಯವನ್ನು ಆಂಧ್ರಪ್ರದೇಶದ ಪೊಲೀಸರು ನಾಶಪಡಿಸಿದ್ದಾರೆ. ಎನ್‍ಟಿಆರ್ ಜಿಲ್ಲೆಯ ನಂದಿಗಾಮದಲ್ಲಿ ಸಂಗ್ರಹಿಸಿಟ್ಟ ಮದ್ಯದ ಬಾಟಲ್​ಗಳನ್ನು ರೋಡ್ ರೋಲರ್ ಸಹಾಯದಿಂದ ನಾಶಪಡಿಸಲಾಗಿದೆ.

ಸುಮಾರು 3 ಲಕ್ಷ ಮದ್ಯದ ಬಾಟ್ಲಿಗಳು ರೋಡ್​ರೋಲರ್​ನಿಂದಾಗಿ ಪುಡಿಪುಡಿಯಾಗಿದ್ದು, ಅದರಲ್ಲಿರೋ ಮದ್ಯ ರಸ್ತೆಯ ಮೇಲೆಲ್ಲಾ ಹರಿದಿದೆ. ಹಿರಿಯ ಪೊಲೀಸ್ ಅಧಿಕಾರಿಗಳ ಸಮ್ಮುಖದಲ್ಲಿ ಈ ಕಾರ್ಯ ನಡೆಸಲಾಗಿದ್ದು, ವಿಡಿಯೋ ವೈರಲ್​ ಆಗಿದೆ.

ತೆಲಂಗಾಣದಿಂದ ಆಂಧ್ರಪ್ರದೇಶಕ್ಕೆ ಅಕ್ರಮವಾಗಿ ಈ ಮದ್ಯದ ಬಾಟಲ್​ಗಳನ್ನು ಸಾಗಿಸಲಾಗುತ್ತಿತ್ತು. ನಗರದ ಹೊರವಲಯದಲ್ಲಿರುವ ಎಲ್ಲಾ ಚೆಕ್ ಪೋಸ್ಟ್​ಗಳ ಮೇಲೆ ಏಕಾಏಕಿ ದಾಳಿ ಮಾಡುವಂತೆ ರಾಜ್ಯ ಸರ್ಕಾರ ಆದೇಶ ಹೊರಡಿಸಿತ್ತು. ಇತರ ರಾಜ್ಯಗಳಿಂದ ಆಂಧ್ರಪ್ರದೇಶಕ್ಕೆ ಅಕ್ರಮ ಮದ್ಯ ಸಾಗಣೆಯಾಗಿರುವ ಕುರಿತು ವರದಿಯಾದ ಹಿನ್ನೆಲೆಯಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ ಎಂದು ಪೊಲೀಸರು ಹೇಳಿದ್ದಾರೆ. ವಿಷಯ ಪೊಲೀಸರಿಗೆ ತಿಳಿಯುತ್ತಲೇ ದಾಳಿ ಮಾಡಿದ ತಂಡ 2 ಸಾವಿರ ಲೀಟರ್ ಅಕ್ರಮ ಮದ್ಯವನ್ನು ನಾಶಪಡಿಸಿದ್ದಾರೆ.

ಅಕ್ರಮ ಮದ್ಯ ಸಾಗಾಟಕ್ಕೆ ಸಂಬಂಧಿಸಿದಂತೆ 226 ಮಂದಿ ವಿರುದ್ಧ ಕೇಸ್ ದಾಖಲಿಸಲಾಗಿದೆ ಎಂದು ವಿಜಯವಾಡದ ಪೊಲೀಸ್ ಆಯುಕ್ತ ಕಾಂತಿ ರಾಣಾ ಟಾಟಾ ವಿವರಿಸಿದ್ದಾರೆ.

ಇಲ್ಲಿದೆ ನೋಡಿ ವಿಡಿಯೋ: ಕೃಪೆ ಎಎನ್​ಐ

https://multimedia.aniin.net/mnt/ANI2/upload/videos/2022/09/PuPtviODCs9LortbNQAH_15_c912fbc561bb2371e3e3aac2f80c75e7_video.mp4

https://www.vijayavani.net/s-blackmagic-in-bangalore-goldshop/

https://www.vijayavani.net/s-4-female-actors-met-conman-sukesh-in-tihar-jail/

https://www.vijayavani.net/s-punjab-nation-bank-ex-mp-punishment/