ಮೇ 20 ರೊಳಗೆ ರುಸ್ತುಂ-2: ಸಾಮರ್ಥ್ಯ ಸಾಬೀತು?

ಚಿತ್ರದುರ್ಗ: ಮಾರ್ಚ್​ನಲ್ಲಿ ನಡೆಯಬೇಕಿದ್ದ ರುಸ್ತುಂ-2 ಮಾನವ ರಹಿತ ವಿಮಾನದ ಪರೀಕ್ಷಾರ್ಥ ಹಾರಾಟವನ್ನು ಈಗ ನಡೆಸಲು ಡಿಆರ್​ಡಿಒ ಉದ್ದೇಶಿಸಿದೆ. 2019 ಸೆ.19ರಂದು ನಡೆದಿದ್ದ ಪರೀಕ್ಷಾರ್ಥ ಹಾರಾಟದ ವೇಳೆ ಯುಎವಿ ಜೋಡಿಚಿಕ್ಕೇನಹಳ್ಳಿ ಬಳಿ ನೆಲಕ್ಕೆ ಅಪ್ಪಳಿಸಿತ್ತು.

ಬಳಿಕ ರುಸ್ತುಂ-2 ಹೊಸ ವೈಶಿಷ್ಟ್ಯಳೊಂದಿಗೆ ಸಜ್ಜುಗೊಂಡಿದೆ. ಮೇ 14ರಿಂದ 20ರೊಳಗೆ ಚಳ್ಳಕೆರೆ ವರವು ಕಾವಲು ವೈಮಾನಿಕ ಪರೀಕ್ಷಾ ತಾಣದಲ್ಲಿ ಇದರ ಸಾಮರ್ಥ್ಯ ಸಾಬೀತುಪಡಿಸಲು ಡಿಆರ್​ಡಿಒ ಮುಂದಾಗಿದೆ. ಏರೊನಾಟಿಕಲ್ ಡೆವಲಪ್​ವೆುಂಟ್ ಎಸ್ಟಾಬ್ಲಿಷ್​ವೆುಂಟ್​ನ ಈ ಯುಎವಿ ಭಾರತೀಯ ರಕ್ಷಣಾ ಪಡೆಗಳ ಕಣ್ಗಾವಲು ಮತ್ತು ವಿಚಕ್ಷಣಾ ಕಾರ್ಯಾಚರಣೆಗಳಿಗೆ ನೆರವಾಗಲಿದೆ.

ಈಗ ಬದಲಾದ ಸುಧಾರಿತ ಇಂಜಿನ್​ನೊಂದಿಗೆ ಕಡಿಮೆ ತೂಕದ ವಿದ್ಯುತ್ ವಿತರಣಾ ಘಟಕ, ಉಪಗ್ರಹ ಸಂವಹನ, ಎಲೆಕ್ಟ್ರಾನಿಕ್ ಇಂಟೆಲಿಜೆನ್ಸಿ, ಸಂವಹನ ಬುದ್ಧಿಮತ್ತೆ, ಸಿಂಥೆಟಿಕ್ ಅಪಾರ್ಚರ್ ರಾಡಾರ್, ಲಾಂಗ್, ಮೀಡಿಯಂ ರೇಂಜ್ ಎಲೆಕ್ಟ್ರೋ ಆಪ್ಟಿಕಲ್ ಮತ್ತಿತರ ಕಣ್ಗಾವಲು ವ್ಯವಸ್ಥೆಗಳು ಇದರಲ್ಲಿವೆ. ಈ ಹಿನ್ನೆಲೆಯಲ್ಲಿ ರುಸ್ತುಂ-2 ಮಾನವರಹಿತ ವಿಮಾನಗಳು ದೇಶದ ರಕ್ಷಣಾ ವ್ಯವಸ್ಥೆಗೆ ಹೊಸ ಆಶಾಕಿರಣವಾಗಿ ಗೋಚರಿಸಲಿವೆ ಎಂದು ಹೇಳಲಾಗುತ್ತಿದೆ. ಕಾಲದಿಂದ ಕಾಲಕ್ಕೆ ಡಿಆರ್​ಡಿಒ, ಅಗತ್ಯ ತಾಂತ್ರಿಕ ಸುಧಾರಣೆಗಳೊಂದಿಗೆ ಚಳ್ಳಕೆರೆ ವೈಮಾನಿಕ ತಾಣದಲ್ಲಿ ಈ ವಿಮಾನದ ಸಾಮರ್ಥ್ಯವನ್ನು ಹಲವು ಬಾರಿ ಪರೀಕ್ಷಿಸಿದೆ.

https://www.vijayavani.net/one-of-the-thieves-road-from-mumbai/