ಚಂದ್ರನ ಮೇಲೆ 8 ಮೀಟರ್​ ದೂರ ಕ್ರಮಿಸಿದ ರೋವರ್; ಇಸ್ರೋದಿಂದ ಲೇಟೆಸ್ಟ್ ಅಪ್​ಡೇಟ್​

ಬೆಂಗಳೂರು: ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ಕೈಗೊಂಡಿರುವ ಮಹತ್ವದ ಯೋಜನೆ ಚಂದ್ರಯಾನ-3 ಕುರಿತಂತೆ ಇಂದು ಮತ್ತೊಂದು ಪ್ರಮುಖ ಅಪ್​ಡೇಟ್ ಹೊರಬಿದ್ದಿದೆ. ಈ ಬಗ್ಗೆ ಇಸ್ರೋ ತನ್ನ ಸೋಷಿಯಲ್ ಮೀಡಿಯಾದಲ್ಲಿ ಮಾಹಿತಿ ಪ್ರಕಟಿಸಿದೆ.

ವಿಕ್ರಮ್ ಲ್ಯಾಂಡರ್ ಸಾಫ್ಟ್ ಲ್ಯಾಂಡಿಂಗ್ ಆದ ಬಳಿಕ ಅದರಿಂದ ಪ್ರಜ್ಞಾನ್ ರೋವರ್ ಚಂದ್ರನ ಮೇಲ್ಮೈಗೆ ಇಳಿದ ವಿಡಿಯೋ ತುಣುಕೊಂದನ್ನು ಇಂದು ಬೆಳಗ್ಗೆ ಇಸ್ರೋ ಹಂಚಿಕೊಂಡಿತ್ತು. 30 ಸೆಕೆಂಡುಗಳ ಈ ವಿಡಿಯೋಗೆ ಭರ್ಜರಿ ಪ್ರತಿಕ್ರಿಯೆ ಬಂದಿದ್ದು, ವ್ಯಾಪಕ ಮೆಚ್ಚುಗೆ ವ್ಯಕ್ತವಾಗಿದೆ.

ಇದನ್ನೂ ಓದಿ: ಕುಂದಾಪುರದ ಬಸ್ರೂರಲ್ಲಿ ‘ಬಾಹುಬಲಿ’ ಪ್ರಭಾಸ್!; ‘ಸಲಾರ್’​ಗಾಗಿ ಆಗಮನ?

ಇದಾದ ಬಳಿಕ ಸಂಜೆ ಇಸ್ರೋ ಇನ್ನೊಂದು ಮಾಹಿತಿಯನ್ನು ಹಂಚಿಕೊಳ್ಳುವ ಮೂಲಕ ಚಂದ್ರಯಾನ-3 ಮಿಷನ್ ಕುರಿತು ಮತ್ತೊಂದು ಮಹತ್ವದ ವಿಷಯ ತಿಳಿಸಿದೆ. ಯೋಜಿಸಿದಂತೆಯೇ ರೋವರ್​ನ ಎಲ್ಲ ಚಲನೆಗಳು ಪರಿಶೀಲಿಸಲ್ಪಟ್ಟಿವೆ. ರೋವರ್ ಚಂದ್ರನ ಮೇಲೆ ಸುಮಾರು 8 ಮೀಟರ್​ ದೂರವನ್ನು ಕ್ರಮಿಸಿದೆ ಎಂದು ಇಸ್ರೋ ತಿಳಿಸಿದೆ.

ಇದನ್ನೂ ಓದಿ: ಫ್ಯಾಕ್ಟ್​ ಚೆಕ್ ಮೂಲಕ ಮತ್ತೆ ಮೋದಿ ಬೆಂಬಲಿಗರ ಕಾಲೆಳೆದ ನಟ ಪ್ರಕಾಶ್ ರಾಜ್

ರೋವರ್ ಪೇಲೋಡ್ಸ್​ಗಳಾಗಿರುವ ಎಲ್​ಐಬಿಎಸ್​ ಮತ್ತು ಎಪಿಎಕ್ಸ್ಎಸ್​ ಆನ್​ ಆಗಿವೆ. ಪ್ರೊಪಲ್ಷನ್ ಮೋಡ್, ಲ್ಯಾಂಡರ್​ ಮಾಡ್ಯೂಲ್ ಮತ್ತು ರೋವರ್​ನಲ್ಲಿ ಪೇಲೋಡ್​​ಗಳು ಸರಿಯಾಗಿ ಕಾರ್ಯನಿರ್ವಹಿಸುತ್ತಿವೆ ಎಂದೂ ಇಸ್ರೋ ತಿಳಿಸಿದೆ.

https://www.vijayavani.net/mother-jumped-into-well-with-children-all-three-children-died-mother-survived

https://www.vijayavani.net/man-gave-100-crore-donation-cheque-to-temple-but