ರಿಯಾ ರಕ್ಷಣೆಗೆ ನಿಂತರೇ ಮುಂಬೈ ಪೊಲೀಸ್?; ಡಿಸಿಪಿ ಜತೆಗಿನ ಕಾಲ್​ ರೆಕಾರ್ಡ್ಸ್ ಬಹಿರಂಗ!

ನಟ ಸುಶಾಂತ್​ ಸಿಂಗ್​ ಆತ್ಮಹತ್ಯೆಗೆ ಶರಣಾಗಿ ಎರಡು ತಿಂಗಳಾಗುತ್ತ ಬಂತು. ಈಗಲೂ ಅವರ ಸಾವಿನ ತನಿಖೆ ದಿನದಿಂದ ದಿನಕ್ಕೆ ಹೊಸ ಹೊಸ ತಿರುವುಗಳನ್ನು ಪಡೆದುಕೊಳ್ಳುತ್ತಿದೆ. ಪೊಲೀಸ್ ಇಲಾಖೆ ವಿಚಾರಣೆ ಮುಂದುವರಿಸಿದರೆ, ವೈದ್ಯರ ತಂಡ ಅವರ ಆರೋಗ್ಯದ ಬಗ್ಗೆ ನಿತ್ಯ ಒಂದಿಲ್ಲೊಂದು ಹೇಳಿಕೆಯನ್ನು ನೀಡುತ್ತಿದೆ.

ಇದನ್ನೂ ಓದಿ: ಟ್ರೋಲ್​ಗೆ ಹೆದರಿದ ಆಲಿಯಾ; ಟ್ವಿಟರ್ ಕಮೆಂಟ್​ ಬಾಕ್ಸ್ ಬ್ಲಾಕ್​ ಮಾಡಿ ‘ಸಡಕ್​ 2’ ಬಿಡುಗಡೆ ದಿನಾಂಕ ಘೋಷಣೆ 

ಇತ್ತ ಮಹತ್ವದ ಸಾಕ್ಷ್ಯಗಳನ್ನು ಬಿಡುಗಡೆ ಮಾಡದೆ, ಮೀನಮೇಷ ಎಣಿಸುತ್ತಿದೆ. ಬಿಹಾರ ಪೊಲೀಸರಿಗೂ ತನಿಖೆಯಲ್ಲಿ ಕೈ ಜೋಡಿಸುತ್ತಿಲ್ಲ. ಸುಪ್ರೀಂ ಕೋರ್ಟ್ ಸಹ ಮುಂಬೈ ಪೊಲೀಸ್​ ವರ್ತನೆ ಬಗ್ಗೆ ಕಿಡಿಕಾರಿತ್ತು. ಇದೀಗ ಮುಂಬೈ ಪೊಲೀಸ್​ ಕಾರ್ಯವೈಖರಿ ಬಗ್ಗೆ ಮತ್ತೊಂದು ದೊಡ್ಡ ಅನುಮಾನ ಶುರುವಾಗಿದೆ.

ಕಳೆದ ಒಂದು ವಾರದ ಹಿಂದೆ ರಿಯಾ ಕಣ್ಮರೆಯಾಗಿದ್ದ ಸುದ್ದಿ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡಿತ್ತು. ವಿಚಾರಣೆಗೆ ಬಾರದೆ ಸಾಕಷ್ಟು ಬಾರಿ ನೋಟಿಸ್​ ಸಹ ಪಡೆದುಕೊಂಡಿದ್ದರು. ಇದೀಗ ಲಭ್ಯವಾಗಿರುವ ಮಾಹಿತಿ ಪ್ರಕಾರ ಮುಂಬೈ ಪೊಲೀಸ್​ ಇಲಾಖೆಯೇ ರಿಯಾ ರಕ್ಷಣೆಗೆ ನಿಂತಿದೆಯೇ ಎಂಬ ಅನುಮಾನ ಸೃಷ್ಟಿಯಾಗಿದೆ. ಅದಕ್ಕೆ ಸಂಬಂಧಿಸಿಂದಂತೆ ಒಂದಷ್ಟು ದಾಖಲೆಗಳು ಈ ಕಣ್ಣಾಮುಚ್ಚಾಲೆ ಆಟಕ್ಕೆ ಪುಷ್ಟಿ ನೀಡುತ್ತಿವೆ.

ಇದನ್ನೂ ಓದಿ: ರಾಮ ಮಂದಿರ ನಿರ್ಮಾಣಕ್ಕೆ ಶಾರೂಖ್​ ಕೊಟ್ಟ ದೇಣಿಗೆ ಎಷ್ಟು?

ಹೌದು, ಮುಂಬೈ ಪೊಲೀಸ್​ ಇಲಾಖೆಯ ಡಿಸಿಪಿ ಆಗಿರುವ ಮತ್ತು ಪ್ರಕರಣದ ತನಿಖೆಯಲ್ಲಿ ತೊಡಗಿಸಿಕೊಂಡಿರುವ ಅಭಿಷೇಕ್​ ತ್ರಿಮುಖಿ, ರಿಯಾ ಜತೆ ಫೋನ್​ ಸಂಪರ್ಕದಲ್ಲಿರುವ ಬಗ್ಗೆ ಕಾಲ್​ ರೆಕಾರ್ಡ್ಸ್​ ಬಹಿರಂಗವಾಗಿವೆ. ಒಟ್ಟು ಎರಡು ಬಾರಿ ಕರೆ ಮಾಡಿರುವ, ಎರಡು ಬಾರಿ ಕರೆ ಸ್ವೀಕರಿಸುವ ಮತ್ತು ಒಮದು ಸಂದೇಶ ರವಾನೆಯಾಗಿರುವ ದಾಖಲೆ ಹೊರಬಿದ್ದಿದ್ದು, ಸ್ವತಃ ರಿಯಾ ಅವರನ್ನು ಮುಂಬೈ ಪೊಲೀಸ್​ ರಕ್ಷಣೆ ಮಾಡುತ್ತಿದೆಯೇ ಎಂಬ ಪ್ರಶ್ನೆ ಉದ್ಭವವಾಗಿದೆ. (ಏಜೆನ್ಸೀಸ್)

https://www.vijayavani.net/indian-2-accident-kamal-shankar-and-lyca-handover-rs-3-crore/