ಹಿರಿಯ ನಟ ಬ್ಯಾಂಕ್ ಜನಾರ್ದನ್​​ಗೆ ಹೃದಯಾಘಾತ; ಈಗ ಆರೋಗ್ಯವಾಗಿದ್ದಾರೆ ಎಂದ ನಟಿ ರೇಣು ಶಿಖಾರಿ

ಬೆಂಗಳೂರು: ಸ್ಯಾಂಡಲ್​ವುಡ್​ನ ಹಿರಿಯ ನಟ ಬ್ಯಾಂಕ್ ಜನಾರ್ದನ್ ಅವರಿಗೆ ದಿಢೀರ್​ ಹೃದಯಾಘಾತ ಉಂಟಾಗಿದ್ದು, ಅವರನ್ನು ಬೆಂಗಳೂರಿನ ಮಣಿಪಾಲ್ ಆಸ್ಪತ್ರೆಗೆ ದಾಖಲಿಸಿ, ಹೆಚ್ಚಿನ ಚಿಕಿತ್ಸೆ ಕೊಡಿಸಲಾಗಿದೆ. ಇದೀಗ ಅವರ ಆರೋಗ್ಯದ ಬಗ್ಗೆ ಮಾಹಿತಿ ಪಡೆದ ಪೋಷಕ ಕಲಾವಿದರ ಸಂಘದ ಸದಸ್ಯೆ, ನಟಿ ರೇಣು ಶಿಖಾರಿ ಮಾಧ್ಯಮಗಳ ಕೆಲವು ಪ್ರಶ್ನೆಗೆ ಉತ್ತರಿಸಿದ್ದಾರೆ.

ಇದನ್ನೂ ಓದಿ: DK Shivakumar Sarcastically Questions Reporters: ನೀವೆಲ್ಲ ಯಾಕೆ ನನ್ನ ಮನೆ ಮುಂದೆ ಬಂದಿದ್ದೀರಾ?

ವಿಕ್ರಂ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ನಟನನ್ನು ಭೇಟಿ ಮಾಡಿದ ರೇಣು ಶಿಕಾರಿ, "ಜನಾರ್ದನ್​ ಅವರು ಚೆನ್ನಾಗಿದ್ದಾರೆ. ನಮ್ಮೆಲ್ಲರನ್ನೂ ನೋಡಿ ತುಂಬಾ ಖುಷಿ ಪಟ್ಟು ಕಣ್ಣೀರಿಟ್ಟರು. ಅವರಿಗೆ ಸದ್ಯ ವೈದ್ಯರಿಂದ ಸೂಕ್ತ ಚಿಕಿತ್ಸೆ ನಡೆಯುತ್ತಿದೆ. ಡಿಸ್ಚಾರ್ಜ್ ಬಗ್ಗೆ ಯಾವುದೇ ಮಾಹಿತಿಯಿಲ್ಲ. ಇನ್ನು ಅವರಿಗೆ ಆ್ಯಂಜಿಯೋ ಗ್ರಾಮ್ ಮಾಡಿಲ್ಲ" ಎಂದು ಹೇಳಿದರು.

ಇದನ್ನೂ ಓದಿ:  ತಮಿಳುನಾಡು ನಡೆ ಮಾನವೀಯ ನ್ಯಾಯಕ್ಕೆ ವಿರುದ್ಧ : ಕುಮಾರಸ್ವಾಮಿ ಕಿಡಿ

"ಜನಾರ್ದನ್​​ ಅವರಿಗೆ ಇದು ಮೂರನೇ ಬಾರಿ ಹೃದಯಾಘಾತವಾಗಿದೆ. ಅವರ ಆರ್ಥಿಕ ಪರಿಸ್ಥಿತಿ ಸರಿಯಿಲ್ಲ. ಹಳೆಯ ಕಲಾವಿದರ ಪರಿಸ್ಥಿತಿ ಎಲ್ಲಾ ಹೀಗೆಯೇ ಇದೆ. ಸದ್ಯ ನಾವೆಲ್ಲರೂ ಅವರ ಜತೆಗಿದ್ದೇವೆ" ಎಂದು ಹೇಳಿದರು.

https://www.vijayavani.net/actress-ragini-supports-cauvery-protest-in-karnataka