ಪ್ರಧಾನಿ ಮೋದಿಯವರಿಂದ ರಾಣಿ ಕಮ್ಲಾಪತಿ ರೈಲ್ವೆ ನಿಲ್ದಾಣ ಉದ್ಘಾಟನೆ

ಭೋಪಾಲ್: ಮಧ್ಯಪ್ರದೇಶದಲ್ಲಿ 450 ಕೋಟಿ ರೂಪಾಯಿ ವೆಚ್ಚದಲ್ಲಿ ಮರುಅಭಿವೃದ್ಧಿಗೊಳಿಸಿದ ರಾಣಿ ಕಮ್ಲಾಪತಿ (ಹಬೀಬ್​ಗಂಜ್) ರೈಲ್ವೆ ನಿಲ್ದಾಣವನ್ನು ಪ್ರಧಾನಿ ನರೇಂದ್ರ ಮೋದಿ ಸೋಮವಾರ ಉದ್ಘಾಟಿಸಿದರು. ರೈಲ್ವೆ ನಿಲ್ದಾಣಕ್ಕೆ 18ನೇ ಶತಮಾನದ ಗೊಂಡ ಸಾಮ್ರಾಜ್ಯದ ರಾಣಿ ಕಮ್ಲಾಪತಿ ಹೆಸರನ್ನು ಮರುನಾಮಕರಣ ಮಾಡಲಾಗಿದೆ.

ಈ ನಿಲ್ದಾಣವನ್ನು ರಾಣಿ ಕಮ್ಲಾಪತಿ ಅವರ ಹೆಸರಿನೊಂದಿಗೆ ಜೋಡಿಸಿದ ಕಾರಣ ಇದರ ಐತಿಹಾಸಿಕ ಮಹತ್ವವೂ ಹೆಚ್ಚಾಗಿದೆ. ಇದು ಗೊಂಡವಾನದ ಹೆಮ್ಮೆಯಾಗಿರಲಿದೆ ಎಂದು ಮೋದಿ ಹೇಳಿದರು. ಉತ್ತರ ಪ್ರದೇಶದ ಪೂರ್ವಾಂಚಲ ಎಕ್ಸ್​ಪ್ರೆಸ್ ವೇಯನ್ನು ಪ್ರಧಾನಿ ನರೇಂದ್ರ ಮೋದಿ ಇಂದು ಮಧ್ಯಾಹ್ನ 1.30ಕ್ಕೆ ಲೋಕಾರ್ಪಣೆ ಮಾಡಲಿದ್ದಾರೆ. ಉದ್ಘಾಟನೆ ಬಳಿಕ ವಾಯುಪಡೆ ವಿಮಾನಗಳ ಪ್ರದರ್ಶನ ಇರಲಿದೆ. ಭಾರತೀಯ ವಾಯುಪಡೆಯ ಸಿ-130ಜೆ ಸೂಪರ್ ಹರ್ಕ್ಯುಲಸ್ ವಿಮಾನದಲ್ಲಿ ಅವರು ಪಯಣಿಸಲಿದ್ದಾರೆ.

• ವಿಶ್ವ ದರ್ಜೆಯ ರೈಲು ನಿಲ್ದಾಣ
• ಸರ್ಕಾರಿ, ಖಾಸಗಿ ಸಹಭಾಗಿತ್ವದ ಯೋಜನೆ
• 450 ಕೋಟಿ ರೂ. ವೆಚ್ಚ
• ಎಸ್ಕಲೇಟರ್, ಲಿಫ್ಟ್ ಇರುವ ಸಬ್​ವೇ
• ಆಗಮನ ಮತ್ತು ನಿರ್ಗಮನಕ್ಕೆ ಪ್ರತ್ಯೇಕ ದ್ವಾರ
• ನಿಗಾ ಇರಿಸಲು 160 ಸಿಸಿಟಿವಿ ಕ್ಯಾಮೆರಾ ಅಳವಡಿಕೆ.

https://www.vijayavani.net/boy-born-at-21-weeks-and-1-day-is-worlds-most-premature-baby-to-survive/

https://www.vijayavani.net/actress-rachitha-ram-marriage-kannada-movie/