ಕರಸೇವೆ ನೆನಪು: ಮೊದಲನೇ ಕರಸೇವೆ ನಡೆದಾಗ ಅಯೋಧ್ಯೆಗೆ ತೆರಳಿದ್ದೆ. ಆದರೆ ಎರಡನೇ ಬಾರಿ ಕರಸೇವೆ ಸಂದರ್ಭ ಉಡುಪಿಯ ಎಲ್ಲ ಮಠಗಳ ಯತಿಗಳು ಅಯೋಧ್ಯೆಗೆ ಹೊರಟು ನಿಂತಿದ್ದರು. ಆ ಕಾರಣ, ಉಡುಪಿಯಲ್ಲಿ ಶ್ರೀಕೃಷ್ಣನ ಪೂಜೆಗಾಗಿ ನಾನು ನಿಲ್ಲಬೇಕಾದ ಅನಿವಾರ್ಯತೆ ಬಂತು ಎಂದು ಶ್ರೀ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿ ನೆನಪಿಸಿದರು. ಇದೇ ವೇಳೆ ತಮ್ಮ ಗುರುಗಳು ಹೇಳಿದ ಪ್ರಸಂಗವನ್ನು ಸ್ವಾಮೀಜಿ ವಿವರಿಸಿದರು. ಕರಸೇವೆಯಲ್ಲಿ ಅಚಾನಕ್ ಆಗಿ ಹಳೆಯ ಗುಂಬಜ್ ನೆಲಸಮವಾಯಿತು. ಅಲ್ಲಿದ್ದ ರಾಮನ ಮೂರ್ತಿಯನ್ನು ಕರಸೇವಕರು ಹೊರಗೆ ತಂದು, ಗುರುಗಳ ಕೈಗೆ ನೀಡಿದರು. ಅಲ್ಲಿ ರಾಮನಿಗೆ ಮಂದಿರ ನಿರ್ವಿುಸಿಯೇ ಹೊರಡಬೇಕು ಎಂದು ಅವರು ಅದೇಶ ನೀಡಿದರು. ರಾತ್ರೋರಾತ್ರಿ ವೇದಿಕೆ, ಮಂಟಪ ನಿರ್ವಣವಾಯಿತು. ಗುರುಗಳು ಅಲ್ಲಿ ರಾಮನನ್ನು ಪ್ರತಿಷ್ಠಾಪನೆ ಮಾಡಿ ಹೊರಬಂದರು. ಅವರು ಕೇಂದ್ರ ಸರ್ಕಾರಕ್ಕೆ ‘ಇವತ್ತಿನಿಂದ ಶ್ರೀರಾಮನ ಆರಾಧನೆ ನಿರಂತರವಾಗಿ ನಡೆಯಬೇಕು, ಇಲ್ಲದಿದ್ದರೆ ನಾವು ಹೊರಡುವುದಿಲ್ಲ’ ಎಂದು ಎಚ್ಚರಿಸಿದ ಪರಿಣಾಮ, ಸರ್ಕಾರ ನಿತ್ಯಪೂಜೆಗೆ ಅವಕಾಶ ನೀಡಿತು.
