ಶತಮಾನಗಳ ವಸಾಹತುಶಾಹಿ ಉಳಿಗಕ್ಕೆ ತಿಲಾಂಜಲಿ ನೀಡಿದ ರೈಲ್ವೆ ಇಲಾಖೆ

ನವದೆಹಲಿ: ರೈಲ್ವೆ ಇಲಾಖೆಯಲ್ಲೀಗ ಅಧುನೀಕರಣದ ಗಾಳಿ ಬೀಸುತ್ತಿದೆ. ಹೊಸ ಹೊಸ ತಾಂತ್ರಿಕತೆಯನ್ನು ಅಳವಡಿಸಿಕೊಳ್ಳುತ್ತಿದೆ. ಅಂತೆಯೇ, ಶತಮಾನಗಳ ಹಳೆಯ ಸಂಪ್ರದಾಯವೊಂದಕ್ಕೆ ತಿಲಾಂಜಲಿ ನೀಡಿದೆ.

ಈವರೆಗೂ ಹಿರಿಯ ಅಧಿಕಾರಿಗಳ ಮನೆಯಲ್ಲಿ ಕೆಲಸ ಮಾಡಲೆಂದೇ ಟೆಲಿಫೋನ್​ ಅಟೆಂಡೆಂಟ್​ ಕಮ್ ಡಾಖ್​ ಕಲಾಸಿ ಅಥವಾ ಬಂಗ್ಲೆ ಪ್ಯೂನ್​ ಹೆಸರಿನಲ್ಲಿ ನೇಮಕಾತಿ ಮಾಡಿಕೊಳ್ಳುತ್ತಿತ್ತು. ಮೇಲಧಿಕಾರಿಗಳ ಮನೆಯ ಚಾಕರಿಗೆಂದೇ ಇರುತ್ತಿದ್ದವರನ್ನು ಈ ಹೆಸರಿನಿಂದ ಕರೆಯತ್ತಿದ್ದರು ಎನ್ನಬಹುದೇನೋ.

ಇದನ್ನೂ ಓದಿ; ಎರಡು ಮದುವೆಗಳಿಂದ 1.5 ಕೋಟಿ ರೂ. ಕಮಾಯಿ; ಮೂರನೇ ಮದುವೆಯಾಗಿ ವಿದೇಶಕ್ಕೆ ಹಾರಬೇಕಿದ್ದ ವಧುವಿಗೆ ಕೈಕೊಟ್ಟಿದ್ದೇನು ?

ಬ್ರಿಟಿಷರ ಕಾಲದಲ್ಲಿ ಇಂಥದ್ದೊಂದು ಪದ್ಧತಿ ಪ್ರಾರಂಭವಾಗಿತ್ತು. ಇಂದಿನವರೆಗೂ ಈ ವಸಾಹತುಶಾಹಿ ಉಳಿಗ ಮುಂದುವರಿದಿತ್ತು. ಇದೀಗ ಈ ಹುದ್ದೆಗಳಿಗೆ ನೇಮಕಾತಿಯನ್ನು ಮಾಡಿಕೊಳ್ಳದಂತೆ ರೈಲ್ವೆ ಮಂಡಳಿ ಆದೇಶ ಹೊರಡಿಸಿದೆ.

ಈ ನೇಮಕಾತಿ ಮಂಡಳಿಯ ಪರಿಶೀಲನೆಯಲ್ಲಿತ್ತು. 2020ರ ಜುಲೈ 1ರಿಂದ ಅನ್ವಯವಾಗುವಂತೆ ಅಂಥ ಹುದ್ದೆಗಳಿಗೆ ಭರ್ತಿ ಮಾಡಿಕೊಳ್ಳದಿರಲು ನಿರ್ಧರಿಸಲಾಗಿದೆ ಎಂದು ಮಂಡಳಿ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಈ ಹುದ್ದೆಗಳಿಗೆ ನೇಮಕವಾಗುತ್ತಿದ್ದವರು ಮೂರು ವರ್ಷಗಳ ಬಳಿಕ ಮತ್ತೊಮ್ಮೆ ಪರೀಕ್ಷೆಗೆ ಒಳಪಟ್ಟು ಡಿ ಗ್ರೂಪ್​ ಹುದ್ದೆಗಳ ಸಮಾನ ಸ್ಥಾನಮಾನ ಪಡೆಯುತ್ತಿದ್ದರು.

https://www.vijayavani.net/school-college-may-resume-from-sep-1-others-to-follow/