ನವದೆಹಲಿ: ಆಕೆ ಎರಡು ಬಾರಿ ಮದುವೆಯಾಗಿದ್ದವಳು. ಮೂರನೇ ಬಾರಿ ಮದುವೆಯಾಗಿ ಗಂಡನೊಂದಿಗೆ ಕ್ಯಾಲಿಫೋರ್ನಿಯಾಗೆ ಹಾರಬೇಕಿತ್ತು. ಆದರೆ, ಚಾಲಾಕಿ ಅತ್ತೆ ಅದಕ್ಕೆ ಅವಕಾಶ ಕೊಡಲಿಲ್ಲ.
ಜಾರ್ಖಂಡ್ ಮೂಲದ ಮಹಿಳೆ ಮೊದಲ ಬಾರಿಗೆ ಗಿರಿಧ್ ಜಿಲ್ಲೆಯ ರಾಜ್ಧನ್ವರ್ನ ನಿಲಯ್ಕುಮಾರ್ ಎಂಬುವರನ್ನು ಮದುವೆಯಾಗಿ ಎರಡು ವರ್ಷ ಸಂಸಾರ ನಡೆಸಿದ್ದಳು. ಬಳಿಕ ಆತ ಒಂದು ಕೋಟಿ ರೂ. ಕೊಡುವಂತೆ ಮಾಡಿ ಅಲ್ಲಿಮದ ಕಾಲ್ಕಿತ್ತಿದ್ದಳು.
ಇದನ್ನೂ ಓದಿ; 3 ವರ್ಷ ಪ್ರೀತಿಸಿ ಮದ್ವೆಯಾದ 2 ತಿಂಗಳಿಗೆ ಪತ್ನಿಗೆ ಬೆಂಕಿಯಿಟ್ಟ ಪತಿ: ಕಾರಣ ಕೇಳಿದ್ರೆ ಪ್ರೀತಿಗೆ ಕಳಂಕ ಅಂತಿರಾ
ಇದಾದ ಬಳಿಕ ಗುಜರಾತ್ನ ಅಮಿತ್ ಮೋದಿ ಎಂಬುವರನ್ನು ಬಲೆಗೆ ಬೀಳಿಸಿಕೊಂಡ ಮಹಿಳೆ ಆತನನ್ನು ಮದುವೆಯಾದಳು. ಕುಟುಂಬ ಕಷ್ಟದಲ್ಲಿದೆ ಎಂದು ನೆಪ ಹೇಳಿ 40- 45 ಲಕ್ಷ ರೂ. ವಂಚಿಸಿದ್ದಳು. ಡಿವೋರ್ಸ್ ಸಿಗದಾದಾಗ ತನ್ನ ತಂಗಿ ದೆಹಲಿಗೆ ತೆರಳುತ್ತಿದ್ದು, ಬಿಟ್ಟು ಬರುವುದಾಗಿ ಹೇಳಿ ಮನೆಯಿಂದ ಹೋದವಳು ಮತ್ತೆ ಮರಳಲೇ ಇಲ್ಲ.
ಇದಾದ ಬಳಿಕ ಪುಣೆಯ ಸುಮಿತ್ ದಶರತ್ ಪವಾರ್ ಎಂಬುವರನ್ನು ಮದುವೆಯಾದಳು. ಈತ ಕ್ಯಾಲಿಫೋರ್ನಿಯಾದಲ್ಲಿ ಉದ್ಯೋಗದಲ್ಲಿದ್ದ. ಪಾಸ್ಪೋರ್ಟ್ಗೆ ಅರ್ಜಿ ಸಲ್ಲಿಸಲು ತನ್ನ ಊರಾದ ಛತ್ರ ಜಿಲ್ಲೆಯ ಇಟ್ಕೋರಿ ಗ್ರಾಮದ ವಿಳಾಸ ಬಳಸಲೇಬೇಕಾಯಿತು. ಈ ನಡುವೆ, ಆಕೆಯ ಫೋನ್ ಅತ್ತೆಯ ಕೈಗೆ ಸಿಕ್ಕಿತ್ತು. ಅದರಲ್ಲಿ ಆಕೆ ತನ್ನ ಹಳೆಯ ಗಂಡಂದಿರ ಜತೆಗಿರುವ ಫೋಟೋ ಸಿಕ್ಕಿದೆ. ಇದರಿಂದ ಸಂಶಯಗೊಂಡ ಅತ್ತೆ ವಿಚಾರಣೆ ನಡೆಸಿದಾಗ ಈಕೆಯ ಬಣ್ಣವೆಲ್ಲ ಬಯಲಾಗಿದೆ.
ಇದನ್ನೂ ಓದಿ; ಮ್ಯಾಟ್ರಿಮೊನಿ ಸೈಟ್ಗಳೇ ಈತನಿಗೆ ಆದಾಯ ಮೂಲ; ಪೊಲೀಸ್ ಬಲೆಗೆ ಬಿದ್ದವನದ್ದು ಭಯಂಕರ ಇತಿಹಾಸ
ಪ್ರತಿಬಾರಿ ಮದುವೆಯಾಗುವಾಗಲೂ ಆಕೆ ಮ್ಯಾಟ್ರಿಮೋನಿ ವೆಬ್ಸೈಟ್ಗಳಲ್ಲಿ ಹೊಸ ಪ್ರೊಫೈಲ್ ಕ್ರಿಯೇಟ್ ಮಾಡುತ್ತಿದ್ದಳು. ತಾನು ಈ ಹಿಂದೆ ಮದುವೆಯಾಗಿದ್ದನ್ನು ಮುಚ್ಚಿಡುತ್ತಿದ್ದಳು. ಸದ್ಯ ಈಕೆ ವಿರುದ್ಧ ಪುಣೆ ಪೊಲೀಸರು ಪಾಸ್ಪೋರ್ಟ್ಗೆ ಸುಳ್ಳು ಮಾಹಿತಿ ನೀಡಿದ ಆರೋಪದಲ್ಲಿ ಕೇಸ್ ದಾಖಲಿಸಿದ್ದಾರೆ.
ಸೆ.1ರಿಂದ ಶಾಲಾ- ಕಾಲೇಜು ಆರಂಭ ಪ್ರಕ್ರಿಯೆ; ಅರ್ಧದಷ್ಟು ಮಕ್ಕಳು, ಶಿಕ್ಷಕರಿಗಷ್ಟೇ ಅವಕಾಶ; ಹೀಗಿರಲಿದೆ ಮಾರ್ಗಸೂಚಿ?