ಸಾರ್ವಜನಿಕರ ಸಾರಿಗೆಯಲ್ಲಿ ರಾಹುಲ್​ ಗಾಂಧಿ ದಿಢೀರ್ ಪ್ರತ್ಯಕ್ಷ! ಶಾಕ್ ಆದ ಪ್ರಯಾಣಿಕರೊಂದಿಗೆ ಸಂವಾದ

ಹೈದರಾಬಾದ್​: ಜನಸಾಮಾನ್ಯರೊಂದಿಗೆ ಮುಖಾಮುಖಿಯಾಗಿ ಮಾತನಾಡಸಲು ಬಯಸುತ್ತಿರುವ ಕಾಂಗ್ರೆಸ್​ ನಾಯಕ ರಾಹುಲ್ ಗಾಂಧಿ, ಇದೀಗ ನಿನ್ನೆ (ಮೇ.09) ಹೈದರಾಬಾದ್​ನ ಸಾರ್ವಜನಿಕರ ಸಾರಿಗೆ ಬಸ್​ನಲ್ಲಿ ದಿಢೀರ್​ ಪ್ರತ್ಯಕ್ಷಗೊಂಡಿದ್ದು, ಪ್ರಯಾಣಿಕರು ಒಂದು ನಿಮಿಷ ಭಾರೀ ಅಚ್ಚರಿಗೆ ಒಳಗಾಗಿದ್ದಾರೆ. ಚಲಿಸುತ್ತಿದ್ದ ಬಸ್​ನಲ್ಲಿ ಜನರೊಡನೆ ಪ್ರಯಾಣಿಸಿದ ರಾಹುಲ್ ಜನ​ರೊಂದಿಗೆ ಕೆಲವು ನಿಮಿಷ ಸಂವಾದ ನಡೆಸಿದ್ದಾರೆ.

ಇದನ್ನೂ ಓದಿ: ಮುಂದಿನ ಸೀಸನ್​ ಮುಂಬೈ ಇಂಡಿಯನ್ಸ್​ ತಂಡದಲ್ಲಿ ರೋಹಿತ್ ​ಇರಲ್ಲ! ಶಾಕಿಂಗ್ ಹೇಳಿಕೆ ಹರಿಬಿಟ್ಟ ಮಾಜಿ ಕ್ರಿಕೆಟಿಗ

ತೆಲಂಗಾಣ ರಾಜ್ಯ ಸಾರಿಗೆಯ ಬಸ್​ ಹತ್ತಿದ್ದ ರಾಹುಲ್ ಗಾಂಧಿ, ರಾಜ್ಯದ ಸಿಎಂ ಎ. ರೇವಂತ್​ ರೆಡ್ಡಿ ಅವರೊಡನೆ ಸೇರಿ ಪ್ರಯಾಣಿಕರ ಜತೆ ಕೆಲ ಸಮಯ ಮಾತುಕತೆ ನಡೆಸಿ, ಅವರ ಕಷ್ಟಗಳನ್ನು ಆಲಿಸಿದ್ದಾರೆ. ಸರೂರ್​ನಗರದ ಮಲ್ಕಜ್​ಗಿರಿ ಲೋಕಸಭಾ ಕ್ಷೇತ್ರದಲ್ಲಿ ನಡೆದ ಸಾರ್ವಜನಿಕರ ಸಭೆ ಮುಗಿಸಿ, ಸಿಎಂ ಜತೆಗೆ ಬಸ್​ ಹತ್ತಿದ್ದಾರೆ ಎಂದು ವರದಿಯಾಗಿದೆ.

"ದೇಶದಲ್ಲಿ ಕಾಂಗ್ರೆಸ್​ನ ಮತ್ತೊಮ್ಮೆ ಅಧಿಕಾರಕ್ಕೆ ತನ್ನಿ, ಖಂಡಿತ ನಾವು ನಿಮಗೆ ನೀಡಿರುವ ಪ್ರಮಾಣವನ್ನು ಉಳಿಸಿಕೊಳ್ಳುತ್ತೇವೆ" ಎಂದ ರಾಹುಲ್​, ಲೋಕಸಭಾ ಚುನಾವಣೆಯ ಹೊಸ್ತಿಲಲ್ಲಿ ಬಿಡುಗಡೆಗೊಳಿಸಿದ ಪ್ರಣಾಳಿಕೆಯಲ್ಲಿ ಕಾಗದವನ್ನು ಪ್ರಯಾಣಿಕರಿಗೆ ಹಂಚಿ, ಅದರಲ್ಲಿರುವ ಯೋಜನೆಗಳ ಬಗ್ಗೆ ಮಾಹಿತಿ ನೀಡಿದ್ದಾರೆ.

ಇದನ್ನೂ ಓದಿ: ‘ವಿಜಯವಾಣಿ’ ಕೇವಲ ನನ್ನ ಮನೆಯ ಪತ್ರಿಕೆ ಅಲ್ಲ, ಮನಸ್ಸಿನ ಪತ್ರಿಕೆ: ನಟಿ ತಾರಾ ಅನುರಾಧ

'ಪಂಚ ನ್ಯಾಯ್'​ ಕಾಗದವನ್ನು ಮುಂದಿಟ್ಟ ರಾಹುಲ್ ಗಾಂಧಿ, ರಾಜ್ಯದಲ್ಲಿ ಕಾಂಗ್ರೆಸ್​ ಅಧಿಕಾರಕ್ಕೆ ಬಂದರೆ ಖಂಡಿತ ಉಚಿತ ಸಾರಿಗೆ ವ್ಯವಸ್ಥೆ ಕಲ್ಪಿಸುತ್ತೇವೆ ಎಂದು ಹೇಳಿದರು. ಸದ್ಯ ರಾಹುಲ್ ಬಸ್​ ಹತ್ತಿ, ಪ್ರಯಾಣಿಕರ ಜತೆಗೆ ನಡೆಸಿದ ಸಂವಾದದ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕವಾಗಿ ಹರಿದಾಡಿದೆ,(ಏಜೆನ್ಸೀಸ್).

https://www.vijayavani.net/10th-pass-student-murdered-brutally

https://www.vijayavani.net/pak-former-cricketer-speaks-about-rohit-sharma