VIDEO| ಟ್ರ್ಯಾಕ್ಟರ್​ ಚಲಾಯಿಸಿ ಕೃಷಿಕನ ಲುಕ್​ನಲ್ಲಿ ಕಾಣಿಸಿಕೊಂಡ ರಾಹುಲ್ ಗಾಂಧಿ!

ಹರಿಯಾಣ: ಕಾಂಗ್ರೆಸ್​ ನಾಯಕ ರಾಹುಲ್​ ಗಾಂಧಿ ಹರಿಯಾಣದ ಸೋನಿಪತ್​ಗೆ ದಿಢೀರ್​ ಭೇಟಿ ನೀಡಿದ್ದು, ರೈತರ ಜೊತೆ ಕೆಲ ಸಮಯ ಕಳೆದಿದ್ದಾರೆ. ದೆಹಲಿಯಿಂದ ಹಿಮಾಚಲಪ್ರದೇಶದಕ್ಕೆ ತೆರಳುವ ವೇಳೆ ಮಾರ್ಗ ಮಧ್ಯೆ ಹರಿಯಾಣದ ಸೋನಿಪತ್​ನಲ್ಲಿ ರಾಹುಲ್​ ರೈತರನ್ನು ಭೇಟಿ ಮಾಡಿದ್ಧಾರೆ.

ರೈತರನ್ನು ಭೇಟಿ ಮಾಡಿದ ವೇಳೆ ರಾಹುಲ್​ ಗದ್ದೆಯಲ್ಲಿ ಟ್ರ್ಯಾಕ್ಟರ್​ ಚಲಾಯಿಸಿ, ಬಿತ್ತನೆ ಮಾಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ. ಈ ವೇಳೆ ನೆರದಿದ್ದ ರೈತರೊಂದಿಗೆ ರಾಹುಲ್​ ಗಾಂಧಿ ಕೆಲಕಾಲ ಸಂವಾದ ನಡೆಸಿದ್ದಾರೆ.

ಇದನ್ನೂ ಓದಿ: ಪಂಚಾಯತ್​ ಚುನಾವಣೆ; ಪಕ್ಷೇತರ ಅಭ್ಯರ್ಥಿಯ ಪುತ್ರಿ ಹಣೆಗೆ ಗುಂಡು

ಈ ಕುರಿತು ಪ್ರತಿಕ್ರಿಯಿಸಿರುವ ಕಾಂಗ್ರೆಸ್​ ಶಾಸಕ ಜಗ್​ಬೀರ್​ ಸಿಂಗ್​ ಸಮಾಜದ ಎಲ್ಲಾ ವರ್ಗದವರ ಕಷ್ಟಗಳನ್ನು ಅರಿಯಲು ಪ್ರಯತ್ನಿಸುತ್ತಿರುವ ನಾಯಕ ಎಂದರೆ ಅದು ರಾಹುಲ್​ ಗಾಂಧಿ. ಕಾರ್ಯಕ್ರಮದ ನಿಮಿತ್ತ ಹಿಮಾಚಲಪ್ರದೇಶಕ್ಕೆ ತೆರಳುವ ವೇಳೆ ಮಾರ್ಗ ಮಧ್ಯ ಅವರು ದಿಢೀರ್​ ಎಂದು ಸೋನಿಪತ್​ಗೆ ಭೇಟಿ ನೀಡಿ ಸಂತಸ ವ್ಯಕ್ತಪಡಿಸಿದ್ದಾರೆ.

ರಾಹುಲ್​ ಗಾಂಧಿ ಭೇಟಿ ಕುರಿತು ಪ್ರತಿಕ್ರಿಯಿಸಿರುವ ಹರಿಯಾಣ ಕೃಷಿ ಸಚಿವ ಜೆ.ಪಿ. ದಲಾಲ್​ ಕಾಂಗ್ರೆಸ್​ನ ಯುವರಾಜ ಬಿಸಿಲಿನಲ್ಲಿ ರೈತರೊಂದಿಗೆ ಕೆಲಸ ಮಾಡುವ ಮೂಲಕ ಅವರ ಶ್ರಮವನ್ನು ಅರ್ಥ ಮಾಡಿಕೊಳ್ಳಬಹುದು. ಅದು ಬಿಟ್ಟು ಈ ರೀತಿ ಫೋಟೋಶೂಟ್​ಗಾಗಿ ಈ ರೀತಿ ಮಾಡುವುದು ಸರಿಯಲ್ಲ ಎಂದು ಟೀಕಿಸಿದ್ದಾರೆ.

https://www.vijayavani.net/man-forced-to-lick-another-mans-feet-inside-moving-vehicle

https://www.vijayavani.net/kn-rajanna-slams-hdk-over-pendrive-issue