ಪುತಿನ್ ಆರೋಗ್ಯ ಸಮಸ್ಯೆಯಿಂದ ಬಳಲುತ್ತಿದ್ದಾರೆ. ಅವರಿಗೆ ಮಾನಸಿಕ ಸಮಸ್ಯೆ ಇದೆ. ಆದರೆ, ಅದನ್ನು ರಷ್ಯಾ ಸಾರ್ವಜನಿಕರಿಗೆ ತಿಳಿಯದಂತೆ ಮುಚ್ಚಿಟ್ಟಿದ್ದಾರೆಂದು ಇದೇ ಪ್ರಾಧ್ಯಾಪಕ ಹಿಂದೊಮ್ಮೆ ಹೇಳಿದ್ದರು. ಈಗಲೂ ಅದನ್ನೇ ಪುನರುಚ್ಛರಿಸಿದ್ದಾರೆ. ಅಲ್ಲದೆ, ಪುತಿನ್ ಅವರು ತಮ್ಮ ರಕ್ಷಣಾ ಸಚಿವ ಸೆರ್ಗೆಯ್ ಶೋಯಿಗು ಅವರೊಂದಿಗೆ ವಿಲಕ್ಷಣ ರಹಸ್ಯ ವಾಮಾಚಾರ ಆಚರಣೆಗಳಲ್ಲಿ ಇತ್ತೀಚೆಗಷ್ಟೇ ಭಾಗವಹಿಸಿದರು ಎಂದು ಹೇಳಿದ್ದರು. ಪುತಿನ್ ಆರೋಗ್ಯದ ಬಗ್ಗೆ ಮಾತನಾಡಿದ್ದಕ್ಕೆ ಈ ಹಿಂದೆ ವಾಲೆರಿ ಅವರ ಹೇಳಿಕೆಯನ್ನು ಪುತಿನ್ ಆಡಳಿತಾಧಿಕಾರಿಗಳು ತಿರಸ್ಕರಿಸಿದ್ದು, ವಾಲೆರಿ ಅವರನ್ನು ಬಂಧಿಸಿ ಸುಮಾರು 7 ಗಂಟೆ ವಿಚಾರಣೆ ನಡೆಸಿ ಬಿಡುಗಡೆ ಮಾಡಿದ್ದರು.
