ಕಾಂಗ್ರೆಸ್ ಸರ್ಕಾರದ ಕಮಿಷನ್ ದಾಹದಿಂದ ದಲಿತ ಗುತ್ತಿಗೆದಾರರಿಗೆ ಮೋಸ: ಆರ್​. ಅಶೋಕ

ಬೆಂಗಳೂರು: ರಾಜ್ಯ ಸರ್ಕಾರ ಕಮಿಷನ್​ ಪಡೆಯುವ ಆಸೆಗಾಗಿ ಗುತ್ತಿಗೆದಾರರಿಗೆ ದ್ರೋಹ ಮಾಡಿದೆ ಎಂದು ವಿಪಕ್ಷ ನಾಯಕ ಆರ್​. ಅಶೋಕ ನೇರ ಆರೋಪ ಎಸಗಿದ್ದಾರೆ.

ಇದನ್ನೂ ಓದಿ: ಪೆಟ್ರೋಲ್‌ 3 ರೂ., ಡೀಸೆಲ್‌ 3.5 ರೂ. ಹೆಚ್ಚಳ: ರಾಜ್ಯದ ಜನತೆಗೆ ಗ್ಯಾರಂಟಿಗಳ ಬರೆ, ತಕ್ಷಣದಿಂದಲೇ ಜಾರಿ

"ಕಾಂಗ್ರೆಸ್ ಸರ್ಕಾರದ ಕಮಿಷನ್ ದಾಹದಿಂದ ದಲಿತ ಗುತ್ತಿಗೆದಾರರಿಗೆ ಮೋಸ ಆಗಿದೆ. ಸಿಎಂ ಸಿದ್ದರಾಮಯ್ಯ ಸರ್ಕಾರದ ಭ್ರಷ್ಟಾಚಾರ ಭಾಗ್ಯ ದಿನಕ್ಕೊಂದು ಸ್ವರೂಪ ಪಡೆಯುತ್ತಿದ್ದು, ಲೋಕೋಪಯೋಗಿ ಇಲಾಖೆಗೆ ಸಂಬಂಧಪಟ್ಟ 4,000 ಕೋಟಿ ರೂ. ಟೆಂಡರ್ ಪ್ರಕ್ರಿಯೆಯಲ್ಲಿ ಭಾರಿ ಪ್ರಮಾಣದ ಫಿಕ್ಸಿಂಗ್, ಕಿಕ್ ಬ್ಯಾಕ್, ಸ್ವಜನಪಕ್ಷಪಾತ ನಡೆದಿರುವುದು ಬೆಳಕಿದೆ ಬಂದಿದೆ" ಎಂದಿದ್ದಾರೆ.

"ಬಿಜೆಪಿ ಸರ್ಕಾರದ ಮೇಲೆ ಇಲ್ಲಸಲ್ಲದ ಆರೋಪ ಮಾಡಿ ಈಗ ಮಾನನಷ್ಟ ಮೊಕದ್ದಮೆಯಲ್ಲಿ ಜಾಮೀನಿನ ಮೇಲಿರುವ ಸಿಎಂ ಸಿದ್ದರಾಮಯ್ಯ ಹಾಗೂ ಡಿಸಿಎಂ ಡಿ.ಕೆ. ಶಿವಕುಮಾರ್​, ಲೋಕೋಪಯೋಗಿ ಟೆಂಡರ್​ಗಳಲ್ಲಿ ಭಾರಿ ಕಮಿಷನ್ ಹೊಡೆಯುವ ಜತೆಗೆ ನಿಯಮಾವಳಿಗಳನ್ನು ಗಾಳಿಗೆ ತೂರಿ ಸಚಿವರು, ಶಾಸಕರ ಸಂಬಂಧಿಕರಿಗೆ ಟೆಂಡರ್ ನೀಡುವ ಮೂಲಕ ಎಸ್ಸಿ, ಎಸ್ಟಿ ಗುತ್ತಿಗೆದಾರರಿಗೆ ವಂಚನೆ ಮಾಡುತ್ತಿದ್ದಾರೆ" ಎಂದು ರಾಜ್ಯ ಸರ್ಕಾರದ ವಿರುದ್ಧ ಆರೋಪಿಸಿದ್ದಾರೆ.

https://www.vijayavani.net/real-heroes-who-checkmated-reel-hero-in-the-case