ಕಾನ್ಸ್​ಟೇಬಲ್​ ಜತೆ ಅಕ್ರಮ ಸಂಬಂಧ: ಮಹಿಳೆಯ ಸೇಡಿಗೆ ಬೆಚ್ಚಿಬಿದ್ದ ಪೇದೆಯ ಕುಟುಂಬ!

ಹೈದರಾಬಾದ್​: ಸಂತ್ರಸ್ತನ ಪತ್ನಿ ಹಾಗೂ ಆತನ ಕುಟುಂಬ ಸದಸ್ಯರ ಬಗ್ಗೆ ಅಶ್ಲೀಲ ಸಂದೇಶಗಳನ್ನು ಸೃಷ್ಟಿ ಮಾಡಿ ನಕಲಿ ಇನ್​ಸ್ಟಾಗ್ರಾಂ ಮತ್ತು ಫೇಸ್​ಬುಕ್​ ಖಾತೆಯಲ್ಲಿ ಹರಿಬಿಡುತ್ತಿದ್ದ ಮಹಿಳೆಯೊಬ್ಬಳನ್ನು ಹೈದಾರಬಾದ್​ನ ರಾಚಕೊಂಡ ಸೈಬರ್​ ಕ್ರೈಂ ಪೊಲೀಸರು ಬಂಧಿಸಿದ್ದಾರೆ.

ನೇಹಾ (33) ಬಂಧಿತ ಆರೋಪಿ. ಜಿಮ್​ಗೆ ಹೋಗುವಾಗ ನಗೋಲ್​ ಠಾಣೆಯ ಕಾನ್ಸ್​ಟೇಬಲ್​ ಒಬ್ಬರು ನೇಹಾಗೇ ಪರಿಚಯವಾಗಿದ್ದರು. ಕಾನ್ಸ್​ಟೇಬಲ್​ಗೆ ಮೊದಲೇ ಮದುವೆ ಆಗಿದೆ. ಆದರೂ ಇಬ್ಬರ ನಡುವೆ ಲವ್ವಡವ್ವಿ ಶುರುವಾಗಿತ್ತು. ಹೀಗಿರುವಾಗ ಇಬ್ಬರ ನಡುವೆ ಏನೂ ಮನಸ್ತಾಪ ಉಂಟಾಗಿ ಕಾನ್ಸ್​ಟೇಬಲ್​ ವಿರುದ್ಧ ನೇಹಾ ಎಲ್​ಬಿ ನಗರದಲ್ಲಿ ದೂರು ದಾಖಲಿಸಿದ್ದಳು. ಮದುವೆ ಹೆಸರಲ್ಲಿ ನನ್ನ ಮೇಲೆ ನಿರಂತರವಾಗಿ ಅತ್ಯಾಚಾರ ಎಸಗಿದ್ದಾರೆಂದು ದೂರು ನೀಡಿದ್ದಳು.

ಇದಾದ ಬಳಿಕ ದೂರಿನ ಆಧಾರದ ಮೇಲೆ ಕಾನ್ಸ್​ಟೇಬಲ್​ನನ್ನು ಬಂಧಿಸಲಾಯಿತು. ಇದರಿಂದ ಕಾನ್ಸ್​ಟೇಬಲ್​ ಕೆಲಸವೂ ಹೋಯಿತು. ಆತನ ವಿರುದ್ಧ ಸೇಡು ತೀರಿಸಿಕೊಂಡ ನೇಹಾ, ಆತ ಜಾಮೀನಿನ ಮೇಲೆ ಬಿಡುಗಡೆ ಆಗುತ್ತಿದ್ದಂತೆ ತನ್ನ ವಕ್ರ ದೃಷ್ಟಿಯನ್ನು ಆತನ ಕುಟುಂಬದ ಮೇಲೆ ಬೀರಿದಳು.

ಫೇಸ್​ಬುಕ್​ ಮತ್ತು ಇನ್​ಸ್ಟಾಗ್ರಾಂನಲ್ಲಿ ನಕಲಿ ಖಾತೆಗಳನ್ನು ತೆರೆದು ಕಾನ್ಸ್​ಟೇಬಲ್​ ಪತ್ನಿ ಮತ್ತು ಕುಟುಂಬಸ್ಥರ ತೇಜೋವಧೆಗೆ ಇಳಿದಳು. ಹೊಸ ಮೊಬೈಲ್​ ನಂಬರ್​ ಮೂಲಕ ಅಶ್ಲೀಲ ಸಂದೇಶಗಳನ್ನು ಕಳುಹಿಸುವ ಮೂಲಕ ಕಿರುಕುಳ ನೀಡಿದಳು. ಬಳಿಕ ಸಂತ್ರಸ್ತ ರಾಚಕೊಂಡ ಸೈಬರ್​ ಕ್ರೈಂ ಠಾಣೆಗೆ ತೆರಳಿ ದೂರು ದಾಖಲಿಸಿದರು. ಇದೀಗ ನೇಹಾಳನ್ನು ಬಂಧಿಸಲಾಗಿದ್ದು, ಹೆಚ್ಚಿನ ವಿಚಾರಣೆ ನಡೆಸಲಾಗುತ್ತಿದೆ. (ಏಜೆನ್ಸೀಸ್​)

https://www.vijayavani.net/s-sunny-leon-dress-makeupmen-vedio/

https://www.vijayavani.net/video-of-mumbai-woman-wearing-1-kg-gold-mangalsutra-goes-viral-but-here-is-the-truth/

https://www.vijayavani.net/r-online-class-teacher-students-compliant-with-towel-for-online-classes/