ಮಾಜಿ ಪ್ರಧಾನಿ ಮನಮೋಹನ್ ಸಿಂಗ್ ಮನೆ ಬಾಗಿಲಿಗೆ ಕ್ವಾರಂಟೈನ್ ನೋಟಿಸ್​ !

ನವದೆಹಲಿ: ಮಾಜಿ ಪ್ರಧಾನಿ ಡಾ. ಮನಮೋಹನ್ ಸಿಂಗ್ ಅವರ ನಂ.3, ಮೋತಿಲಾಲ್ ನೆಹರು ಪ್ಲೇಸ್​ ಮನೆಯ ಬಾಗಿಲಿನಲ್ಲಿ ಕ್ವಾರಂಟೈನ್ ನೋಟಿಸ್ ಕಾಣಿಸಿಕೊಂಡಿದೆ. ಕೆಲ ಕಾಲದಿಂದ ಡಾ.ಸಿಂಗ್ ಅವರ ಆರೋಗ್ಯವೂ ಚೆನ್ನಾಗಿಲ್ಲದ ಕಾರಣ ಇದು ಅನೇಕ ಕಾಂಗ್ರೆಸ್ ನಾಯಕರ ಕುತೂಹಲವನ್ನು ಕೆರಳಿಸಿದೆ.

ಕ್ವಾರಂಟೈನ್ ನೋಟಿಸ್ ಹಾಕಿರುವುದಕ್ಕೆ ಕಾರಣವಿದೆ. ಡಾ.ಸಿಂಗ್ ಅವರ ಮನೆಯಲ್ಲಿ ಕೆಲಸ ಮಾಡುತ್ತಿದ್ದ ಸಿಬ್ಬಂದಿಯ ಮಗಳಿಗೆ ಕೋವಿಡ್ 19 ಪಾಸಿಟಿವ್ ಆಗಿದೆ. ಅವರು ಡಾ.ಸಿಂಗ್ ಅವರ ಮನೆಯ ಆವರಣದಲ್ಲೇ ಇರುವ ಸಿಬ್ಬಂದಿ ಕ್ವಾರ್ಟರ್ಸ್​ನಲ್ಲಿ ವಾಸವಿದ್ದಾರೆ. ಹೀಗಾಗಿ ಮನೆಯ ಬಾಗಿಲಿಗೆ ಕ್ವಾರಂಟೈನ್ ನೋಟಿಸ್ ಅಂಟಿಸಲಾಗಿದೆ.

ಇದನ್ನೂ ಓದಿ: ಕಥೆಯಲ್ಲ-ಜೀವನ: ಅನಾರೋಗ್ಯಪೀಡಿತ ಪೋಲಿಸಪ್ಪನ ನೋವಿನ ಕಥೆ-ವ್ಯಥೆ

ಡಾ.ಸಿಂಗ್ ಅವರ ಆರೋಗ್ಯದಲ್ಲಿ ಸುಧಾರಣೆ ಇದ್ದು, ಅವರು ಗುರುವಾರ ಕಾಂಗ್ರೆಸ್​ನ ಕನ್ಸಲ್ಟೇಟಿವ್ ಕಮಿಟಿಯ ವಿಡಿಯೋ ಕಾನ್ಫರೆನ್ಸ್​ನಲ್ಲಿ ಸಕ್ರಿಯವಾಗಿ ಪಾಲ್ಗೊಂಡಿದ್ದರು. ಹೀಗಾಗಿ ಗಾಬರಿಯಾಗುವಂಥದ್ದು ಏನೂ ಇಲ್ಲ ಎಂದು ಕಾಂಗ್ರೆಸ್ ನಾಯಕರು ತಿಳಿಸಿದ್ದಾರೆ. (ಏಜೆನ್ಸೀಸ್)

https://www.vijayavani.net/hal-si-issues-memo-for-saying-jai-hind/