ಇಂಜಿನಿಯರ್ಗಳಿಗೆ ಮಾತೃ ಇಲಾಖೆಯಾಗಿ ಲೋಕೋಪ ಯೋಗಿ ಇಲಾಖೆ ಇದ್ದು, ಇತ್ತೀಚೆಗಷ್ಟೇ ಇಲಾಖೆ ವಿಭಜನೆ ನಡೆದಿದೆ. ಈ ಮುನ್ನ ನಗರಾಭಿವೃದ್ಧಿ, ಜಲಸಂಪನ್ಮೂಲ, ಗ್ರಾಮೀಣಾಭಿವೃದ್ಧಿ ಇಲಾಖೆ ಸೇರಿ ವಿವಿಧ ನಿಗಮ ಮಂಡಳಿಗಳಿಗೂ ಇಂಜಿನಿಯರ್ಗಳನ್ನು ಲೋಕೋಪಯೋಗಿಯೇ ಕಳಿಸಿಕೊಡುತ್ತಿತ್ತು. ಇದೀಗ ಇಲಾಖೆ ಪ್ರತ್ಯೇಕಗೊಂಡ ನಂತರ ಲೋಕೋಪಯೋಗಿ ಇಲಾಖೆಯಲ್ಲಿ ವ್ಯತ್ಯಾಸ ಕಾಣಿಸಿದೆ. ಇನ್ನು ಮೂರು ಮುಖ್ಯ ಇಲಾಖೆಗಳಲ್ಲಿ ಮಂಜೂರಾದ ಮುಖ್ಯ ಇಂಜಿನಿಯರ್ಗಳ ಸಂಖ್ಯೆಯನ್ನು ಗಮನಿಸುವುದಾದರೆ, ಜಲ ಸಂಪನ್ಮೂಲ- 31, ಲೋಕೋಪಯೋಗಿ- 12, ಗ್ರಾಮೀಣಾಭಿವೃದ್ಧಿ ಮತ್ತು ಜಲಸಂಪನ್ಮೂಲ- 1. ಕೆಐಎಡಿಬಿ, ಸ್ಮಾರ್ಟ್ ಸಿಟಿ, ಬಿಡಿಎ, ಬಿಬಿಎಂಪಿ, ಹೌಸಿಂಗ್ ಬೋರ್ಡ್, ರಾಜೀವ್ ಗಾಂಧಿ ವಸತಿ ನಿಗಮ, ಕೆಯುಐಡಿಎಫ್ಸಿ, ಪೊಲೀಸ್ ವಸತಿ ನಿಗಮದಲ್ಲಿ ಮುಖ್ಯ ಇಂಜಿನಿಯರ್ ಹುದ್ದೆಗಳಿವೆ.
