ವಿದೇಶಾಂಗ ಸಚಿವ ಸೆರ್ಗೆಯ್ ಲಾವ್ರೊವ್ ಸೇರಿದಂತೆ ರಷ್ಯಾದ ಹಿರಿಯ ಅಧಿಕಾರಿಗಳು ಸಹ ಯುಎಸ್ ನೀತಿಯನ್ನು ದೂಷಿಸಿದ್ದಾರೆ. ಯುಎಸ್, ರಷ್ಯಾ, ಇಯು ಮತ್ತು ಯುಎನ್ ಅನ್ನು ಒಳಗೊಂಡಿರುವ ಎಲ್ಲ ದೇಶಗಳು ಮಧ್ಯಪ್ರಾಚ್ಯದಲ್ಲಿ ಶಾಂತಿ ಮಾತುಕತೆ ನಡೆಸಲು ಪ್ರಮುಖ ಪಾತ್ರ ವಹಿಸಬೇಕೆಂದು ಲಾವ್ರೊವ್ ಪ್ರಸ್ತಾಪಿಸಿದರು, ಯುಎಸ್ ತನ್ನ ಸ್ವಂತ ಹಿತಾಸಕ್ತಿಗಾಗಿ ಮತ್ತು ಏಕಸ್ವಾಮ್ಯಕ್ಕಾಗಿ ಪ್ರಯತ್ನಿಸುತ್ತಿದೆ. ಇಸ್ರೇಲ್ಗೆ ಮಿಲಿಟರಿ ಬೆಂಬಲ ಸಹ ಘೋಷಿಸಿದೆ. ಮತ್ತೊಂದೆಡೆ ಹಮಾಸ್ ಅನ್ನು ಖಂಡಿಸಲು ಇತರ ರಾಷ್ಟ್ರಗಳಿಗೆ ಕರೆ ನೀಡಿದೆ. ಆದರೆ ಇದೇ ಸಂದರ್ಭದಲ್ಲಿ ಮಾಸ್ಕೋ ಜವಾಬ್ದಾರಿಯುತವಾಗಿ ನಡೆದುಕೊಂಡಿದೆ. ನಾಗರಿಕರ ಮೇಲಿನ ಎಲ್ಲಾ ಹಿಂಸಾಚಾರವನ್ನು ಖಂಡಿಸಿದೆ. ಶಾಶ್ವತ ಸಾಮರಸ್ಯ, ಎರಡೂ ಕಡೆ ಪರಿಹಾರಕ್ಕಾಗಿ ಪ್ರತಿಪಾದಿಸಿದೆ ಎಂದು ರಷ್ಯಾ ಟಿವಿ ವರದಿ ಮಾಡಿದೆ.
