'ಪುಷ್ಪ-2' ಚಿತ್ರ ಭರ್ಜರಿ ಕಲೆಕ್ಷನ್​! ಅಲ್ಲು ಅರ್ಜುನ್​, ರಶ್ಮಿಕಾಗೆ ದುಬಾರಿ ಮೊತ್ತದ ಸಂಭಾವನೆ | Pushpa-2

ಹೈದರಾಬಾದ್​: ಇದೇ ಡಿ.05ರಂದು ವಿಶ್ವಾದ್ಯಂತ ಬಿಡುಗಡೆಯಾಗಿರುವ ಪುಷ್ಪ-2(Pushpa-2) ಸಿನಿಮಾ ಭಾರೀ ಹಿಟ್​ ಆಗಿದ್ದು, ಬಾಕ್ಸ್​ ಆಫೀಸ್​ನಲ್ಲಿ ಧೂಳ್​ ಎಬ್ಬಿಸುತ್ತಿದೆ.

ಸಿನಿಮಾ ಮಾರುಕಟ್ಟೆ ಪ್ರಕಾರ, ' ಕಳೆದ 5 ದಿನಗಳಲ್ಲಿ ಪುಷ್ಪ-2 ಸಿನಿಮಾ ಬರೊಬ್ಬರಿ 900 ಕೋಟಿ ರೂ. ಕೆಲಕ್ಷನ್​ ಮಾಡಿದೆ ಎಂದು ವರದಿಯಾಗಿದೆ. ಈ ಹಿನ್ನೆಲೆಯಲ್ಲಿ ಚಿತ್ರದ ನಾಯಕ ನಟ ಅಲ್ಲು ಅರ್ಜುನ್​, ನಾಯಕಿ ರಶ್ಮಿಕಾ ಮಂದಣ್ಣ ಮತ್ತು ನಿರ್ದೇಶಕ ಸುಕುಮಾರ್​ ಪುಷ್ಪ(ಭಾಗ-1) ಚಿತ್ರಕ್ಕಿಂತ ದೊಡ್ಡ ಮಟ್ಟದ ಸಂಭಾವನೆ ಪಡೆದಿದ್ದಾರೆ ಎಂದು ಹೇಳಲಾಗುತ್ತಿದೆ.

ಪುಷ್ಪ-2 ಚಿತ್ರ ಬಾಕ್ಸ್​ ಆಫೀಸ್​ನಲ್ಲಿ ಓಟ ಮುಂದುವರೆಸುತ್ತಿದೆ.‘ಅಲ್ಲು ಕಾಲ್​​ಶಿಟ್​ ಹಣವನ್ನೂ ಕೂಡ ಪಡೆದಿಕೊಂಡಿಲ್ಲ. ಈ ಹಿನ್ನೆಲೆ ಮುಂದಿನ(900 ಕೋಟಿ ರೂ. ಬಿಟ್ಟು) ಕಲೆಕ್ಷನ್​ನ ಭಾಗದಲ್ಲಿ ಶೇ.40 ಹಣವನ್ನು ಪಡೆಯಲಿದ್ದಾರೆ. ಲಾಭ ಹಂಚಿಕೆಯ ಆಧಾರದ ಮಾದರಿಯನ್ನು ಆನುಕರಿಸುತ್ತಿದ್ದಾರೆ. ಈ ಮಾದರಿಯನ್ನು ಬಾಲಿವುಡ್​ನಲ್ಲಿ ಆನೇಕ ನಟರು ಮಾಡುತ್ತಿದ್ದಾರೆ. ಇದೇ ಮಾದರಿಗೆ ಅಲ್ಲು ಸಹಿ ಮಾಡಿದ್ದರು ಎಂದು ವರದಿಗಳು ಉಲ್ಲೇಖಿಸಿವೆ.

ಇದನ್ನೂ ಓದಿ: Mallikarjun Kharge | ಎಸ್​​. ಎಂ ಕೃಷ್ಣ ಅವರ ನಿಧನಕ್ಕೆ ಸಂತಾಪ ಸೂಚಿಸಿ, ಭಾವುಕರಾದ ಖರ್ಗೆ

ಮೊದಲಾರ್ಥ(ಪುಷ್ಪ) ಚಿತ್ರಕ್ಕಾಗಿ ನಟಿ ರಶ್ಮಿಕಾ ಮಂದಣ್ಣ ಮೂರು ಕೋಟಿ ರೂ. ಪಡೆದಿದ್ದರು. ಆದರೆ, ಪುಷ್ಪ-2 ಚಿತ್ರಕ್ಕಾಗಿ 8 ಕೋಟಿ ರೂ ಸಂಭಾವನೆ ಪಡೆದಿದ್ದಾರೆ. ಆದರೆ, ಗಲ್ಲಾಪೆಟ್ಟಿಯಲ್ಲಿ ಸಿನಿಮಾದ ಭರ್ಜರಿ ಕಲೆಕ್ಷನ್​ ಹಿನ್ನೆಲೆ 11ರಿಂದ 12 ಕೋಟಿ ರೂ, ಪಡೆಯುತ್ತಿದ್ದಾರೆ ಎಂದು ಅಂದಾಜಿಸಲಾಗಿದೆ. ಪ್ಯಾನ್​ ಇಂಡಿಯಾ ಅಭಿಮಾನಿಗಳನ್ನು ಹೊಂದಿದ್ದಾರೆ ಎಂಬ ಆಧಾರದ ಮೇಲೆ ಸಂಭಾವನೆ ಹೆಚ್ಚಿಸಲಾಗಿದೆ. ಇನ್ನು ಉಳಿದ ಮೊತ್ತವನ್ನು ಮೈತ್ರಿ ಮೂವಿ ಮೇಕರ್ಸ್ ಮತ್ತು ನಿರ್ದೇಶಕ ಸುಕುಮಾರ್​ ಶೇ.60 ರಷ್ಟು ಭಾಗವನ್ನು ಹಂಚಿಕೊಳ್ಳಲಿದ್ದಾರೆ ಎಂದು ವರದಿಯಾಗಿದೆ.

ಪುಷ್ಪ-2 ಸಿನಿಮಾ ಬರೊಬ್ಬರಿ ಒಂದು ಸಾವಿರ ಸ್ಕ್ರೀನ್​ಗಳಲ್ಲಿ ಬಿಡುಗಡೆಯಾಗಿದ್ದು. ಮುಂದಿನ ಭಾಗ ಬರಿಲಿದೆ ಎಂದು ಚಿತ್ರದ ಕೊನೆಯಲ್ಲಿ ಅಭಿಮಾನಿಗಳಿಗೆ ತಿಳಿಸಲಾಗಿದೆ. ಆದರೆ, ಸಿನಿಮಾ ಯಾವಾಗ ತೆರೆಗೆ ಬರಲಿದೆ ಎಂದು ನಿರ್ಮಾಪರಾಗಲಿ ಅಥವಾ ನಿರ್ದೇಶಕರಾಗಲಿ ಹೇಳಿಲ್ಲ,(ಏಜೆನ್ಸೀಸ್​).

https://www.vijayavani.net/a-man-dressed-as-gangamma-talli-from-the-movie-pushpa-2-dances-this-viral-video-is-making-a-lot-of-noise