ಅಕ್ರಮವೇನು?: ರಾಜ್ಯದಲ್ಲಿ 20 ಖಾಸಗಿ ಕಾಲೇಜುಗಳಿವೆ. ಈ ಕಾಲೇಜುಗಳ ಪೈಕಿ 9 ಇಂಜಿನಿಯರಿಂಗ್ ಕಾಲೇಜುಗಳು 2018ರಲ್ಲಿ ಸರ್ಕಾರ ನಿಗದಿ ಪಡಿಸಿರುವ ಇನ್ಟೇಕ್ಗಿಂತ ಹೆಚ್ಚಿನ ವಿದ್ಯಾರ್ಥಿಗಳಿಗೆ ಪ್ರವೇಶ ಕಲ್ಪಿಸಿತ್ತು. ಖಾಸಗಿ ಕಾಲೇಜುಗಳಲ್ಲಿ ಸರ್ಕಾರದ ಕೋಟವಾಗಿ ಶೇ.40 ಕರ್ನಾಟಕ ವಿದ್ಯಾರ್ಥಿಗಳಿಗೆ ಮೀಸಲಿಡಬೇಕೆಂಬ ನಿಯಮ ವಿಧಿಸಿದೆ. ಆದರೆ, ಪ್ರತಿ ಕಾಲೇಜಿನಲ್ಲಿ ಇದಕ್ಕಿಂತ ಅಂದರೆ, 600ರಿಂದ 800 ವಿದ್ಯಾರ್ಥಿಗಳಿಗೆ ಪ್ರವೇಶ ನೀಡಿದ್ದು, ಸರ್ಕಾರದ ಗಮನಕ್ಕೆ ಬಂದಿತ್ತು. ಈ ರೀತಿ ಪ್ರವೇಶ ಕಲ್ಪಿಸಿರುವುದು ಸರ್ಕಾರದ ನಿಯಮಕ್ಕೆ ವಿರೋಧವಾಗಿದ್ದು, ಇದರ ತನಿಖೆ ನಡೆಸಲು ಉನ್ನತ ಶಿಕ್ಷಣ ಇಲಾಖೆ 2018 ಮಾರ್ಚ್ನಲ್ಲಿ ಒಂದು ಉನ್ನತ ಅಧಿಕಾರದ ಸಮಿತಿ ರಚಿಸಿತ್ತು. ರಾಜ್ಯ ಉನ್ನತ ಶಿಕ್ಷಣ ಪರಿಷತ್ತಿನ ಕಾರ್ಯನಿರ್ವಾಹಕ ನಿರ್ದೇಶಕರು ಇದರ ಅಧ್ಯಕ್ಷರಾಗಿದ್ದರು. ಇದು ಆರು ಅಧಿಕಾರಿಗಳ ಸಮಿತಿಯಾಗಿತ್ತು. ಸಮಿತಿ ರಚನೆಯಾಗಿ ಮೂರುವರೆ ವರ್ಷ ಕಳೆದರೂ ಈವರೆಗೆ ಕನಿಷ್ಠ ಒಂದು ಸಭೆಯನ್ನೂ ಮಾಡಿಲ್ಲ. ಆ ಸಮಯದಲ್ಲಿ ಸಾರ್ವಜನಿಕರ ಕಣ್ಣೊರೆಸುವುದಕ್ಕಾಗಿ ಸಮಿತಿ ರಚನೆ ಮಾಡಿತ್ತೇ ಎಂಬ ಪ್ರಶ್ನೆ ಉದ್ಧವಿಸಿದೆ.
