ಗೆಲುವಿನ ಓಟದಲ್ಲಿ ಪ್ರಭಾಸ್ 'ಕಲ್ಕಿ'; ಶೀಘ್ರವೇ ಪಾರ್ಟ್​ 2 ತೆರೆಗೆ? ನಿರ್ದೇಶಕರು ಕೊಟ್ಟ ಸ್ಪಷ್ಟನೆ ಹೀಗಿದೆ

ಆಂಧ್ರಪ್ರದೇಶ: ಟಾಲಿವುಡ್​ ರೆಬೆಲ್ ಸ್ಟಾರ್​ ಪ್ರಭಾಸ್ ಅಭಿನಯದ ಹಾಗೂ ನಾಗ್ ಅಶ್ವಿನ್ ನಿರ್ದೇಶನದ 'ಕಲ್ಕಿ 2898 ಎಡಿ' ಚಿತ್ರ ಜೂನ್​. 27, 2024ರಂದು ಬಹುತೇಕ ಚಿತ್ರಮಂದಿಗಳಲ್ಲಿ ಜಾಗತಿಕವಾಗಿ ಬಿಡುಗಡೆಗೊಂಡಿತು. ಮೊದಲ ದಿನವೇ ಸಿನಿಪ್ರೇಕ್ಷಕರಿಂದ ಉತ್ತಮ ರೆಸ್ಪಾನ್ಸ್ ಪಡೆದುಕೊಂಡ ಕಲ್ಕಿ, ನಂತರದ ದಿನಗಳಲ್ಲಿಯೂ ಚಿತ್ರಮಂದಿರಗಳತ್ತ ಪ್ರೇಕ್ಷಕರನ್ನು ಸೆಳೆಯುತ್ತಿದ್ದು, ಬಾಕ್ಸ್​ ಆಫೀಸ್​ ಗಳಿಕೆಯಲ್ಲಿ ಮುಂಚೂಣಿಯಲ್ಲಿದೆ.

ಇದನ್ನೂ ಓದಿ: ಯಾವ ಸಮಯದಲ್ಲಿ ಮೊಳಕೆ ಕಟ್ಟಿದ ಕಾಳು ತಿನ್ನೋದು ಬೆಸ್ಟ್​? ಇಲ್ಲಿದೆ ಮಾಹಿತಿ

ಮೊದಲ ವಾರದ ಅಂತ್ಯಕ್ಕೆ ಜಾಗತಿಕ ಬಾಕ್ಸ್​ ಆಫೀಸ್​ನಲ್ಲಿ 725 ಕೋಟಿ ರೂ. ಕಲೆಕ್ಷನ್ ಮಾಡಿರುವ ಸೈನ್ಸ್​-ಫಿಕ್ಷನ್ ಆಧರಿತ ಸಿನಿಮಾ, ಇದೀಗ ಶೀಘ್ರವೇ 1000 ಕೋಟಿ ರೂ. ಕ್ಲಬ್​ ಸೇರಲಿದೆ. ನಾಗ್ ಅಶ್ವಿನ್ ನಿರ್ದೇಶನಕ್ಕೆ ಫಿದಾ ಆಗಿರುವ ಸಿನಿಪ್ರಿಯರು ಚಿತ್ರದಲ್ಲಿ ಪ್ರಭಾಸ್​, ಅಮಿತಾಬ್ ಬಚ್ಚನ್​ ಮತ್ತು ದೀಪಿಕಾ ಪಡುಕೋಣೆ ಪಾತ್ರ ಹಾಗೂ ಅಭಿನಯವನ್ನು ಮೆಚ್ಚಿಕೊಂಡಿದ್ದಾರೆ. ಇದೇ ಖುಷಿಯಲ್ಲಿ ಸಂದರ್ಶನ ನೀಡಿದ ನಿರ್ದೇಶಕರು ಹೊಸ ಮಾಹಿತಿಯೊಂದನ್ನು ಬಹಿರಂಗಪಡಿಸಿದ್ದಾರೆ.

ಸಿನಿಮಾ ಬಗ್ಗೆ ಸಂತಸ ವ್ಯಕ್ತಪಡಿಸಿರುವ ನಿರ್ದೇಶಕರು, 'ಕಲ್ಕಿ' ಯೂನಿವರ್ಸ್​ ಸೃಷ್ಟಿಸಲು ಮುಂದಾಗಿದ್ದಾರೆ. ಈ ಹಿಂದೆ ಹರಿದಾಡುತ್ತಿದ್ದ ವದಂತಿಗಳಿಗೆ ಸ್ಪಷ್ಟನೆ ಕೊಟ್ಟಿರುವ ನಾಗ್ ಅಶ್ವಿನ್, ಚಿತ್ರದ ಎರಡನೇ ಭಾಗ ಬಹುತೇಕ ಮುಗಿದಿಲ್ಲ. ಕೇವಲ 25-30 ದಿನಗಳ ಶೂಟಿಂಗ್ ನಡೆದಿದೆ ಅಷ್ಟೇ. ಇದನ್ನು ಮತ್ತಷ್ಟು ಮುಂದಕ್ಕೆ ತೆಗೆದುಕೊಂಡು ಹೋಗುವ ಭರವಸೆಯಿದೆ. ಮೊದಲ ಭಾಗಕ್ಕೆ ಜನರಿಂದ ಉತ್ತಮ ಪ್ರತಿಕ್ರಿಯೆಗಳು ಲಭಿಸಿವೆ. ಹಾಗಾಗಿ ಪಾರ್ಟ್​-2 ಬಗ್ಗೆ ಸದ್ಯ ನಿರಾಳರಾಗಿದ್ದೇವೆ ಎಂದಿದ್ದಾರೆ.

ಇದನ್ನೂ ಓದಿ: ಆ ಒಂದು ಕ್ಷಣ ನಮ್ಮಿಬ್ಬರಿಗೂ ತುಂಬಾ ವಿಶೇಷವಾದದ್ದು: ವಿರಾಟ್​ ಕೊಹ್ಲಿ ಮಾತು ಕೇಳಿ ರೋಹಿತ್​ ಭಾವುಕ

ಇನ್ನು ಚಿತ್ರದ ನಿರ್ಮಾಪಕರಾದ ಅಶ್ವಿನಿ ದತ್​ ಕೂಡ ಮಾತನಾಡಿ, "ಕಲ್ಕಿ ಮುಂದುವರಿದ ಭಾಗ ಬರಲಿದೆ. ಸಿನಿಮಾಗೆ ಸಂಬಂಧಿಸಿದ ಕೆಲಸಗಳು ಇದೇ ವರ್ಷದ ಕೊನೆಯಲ್ಲಿ ಪ್ರಾರಂಭವಾಗಲಿದೆ. 2025ರ ಮೇ ಮತ್ತು ಜುಲೈ ನಡುವೆ ಸೀಕ್ವೆಲ್​ ರಿಲೀಸ್​ ಮಾಡುವ ಗುರಿಯನ್ನು ಹೊಂದಿದ್ದೇವೆ" ಎಂದು ಹೇಳಿದ್ದಾರೆ. ಯಾವುದಕ್ಕೂ ಚಿತ್ರತಂಡದಿಂದ ಹೊರಬೀಳುವ ಅಧಿಕೃತ ಘೋಷಣೆಗಾಗಿ ನಿರೀಕ್ಷಿಸಬೇಕಿದೆ. ಚಿತ್ರದಲ್ಲಿ

ಪ್ರಭಾಸ್​, ದೀಪಿಕಾ ಪಡುಕೋಣೆ, ಕಮಲ್ ಹಾಸನ್, ರಾಜೇಂದ್ರ ಪ್ರಸಾದ್, ಅಮಿತಾಬ್ ಬಚ್ಚನ್, ದಿಶಾ ಪಟಾನಿ ಸೇರಿದಂತೆ ಮುಂತಾದವರ ತಾರಾಗಣವಿದೆ,(ಏಜೆನ್ಸೀಸ್).

https://www.vijayavani.net/virat-mobile-wallpaper-has-this-photo-do-you-know-this