ದೇಶದ ಒಗ್ಗಟ್ಟು ಕಾಪಾಡಿಕೊಳ್ಳೋಣ ಎಂದಿದ್ದ ಸಚಿನ್​​ ತೆಂಡೂಲ್ಕರ್​ ಕಟೌಟ್​ಗೆ ಕಪ್ಪು ಮಸಿ ಎರಚಿದ ಕಾಂಗ್ರೆಸ್​ ನಾಯಕರು

ತಿರುವನಂತಪುರಂ: ದೇಶದ ಸಾರ್ವಭೌಮತ್ವದ ವಿಚಾರದಲ್ಲಿ ರಾಜಿ ಮಾಡಿಕೊಳ್ಳಲು ಸಾಧ್ಯವೇ ಇಲ್ಲ ಎಂದಿರುವ ಮಾಜಿ ಕ್ರಿಕೆಟ್​ ಆಟಗಾರ ಸಚಿನ್​ ತೆಂಡೂಲ್ಕರ್​ ಅವರ ಕಟೌಟ್​ ಮೇಲೆ ಕಪ್ಪು ಆಯಿಲ್​ ಸುರಿಯುವ ಮೂಲಕ ಕೇರಳದ ಕಾಂಗ್ರೆಸ್​ ಘಟಕ ಹೋರಾಟ ನಡೆಸಿದೆ.

ಸಚನ್​ ಅವರ ಕಟೌಟ್​ಗೆ ಕೇರಳ ಕಾಂಗ್ರೆಸ್​ನ ಯುವ ಘಟಕ ಶನಿವಾರದಂದು ಕೊಚ್ಚಿಯಲ್ಲಿ ಕಪ್ಪು ಆಯಿಲ್​ ಎರಚಿದೆ. ಅವರು ಮಾಡಿರುವ ಟ್ವೀಟ್​ಗೆ ಪ್ರತಿಯಾಗಿ ಈ ಕೆಲಸ ಮಾಡಿರುವುದಾಗಿ ಅವರು ಹೇಳಿಕೊಂಡಿದ್ದಾರೆ. ಭಾರತದ ಕ್ರಿಕೆಟ್​ ದೇವರು ಎಂದು ಗೌರವಿಸುವ ವ್ಯಕ್ತಿಯ ಕಟೌಟ್​ಗೆ ಈ ರೀತಿ ಮಾಡಿರುವುದು ಅನೇಕರ ಆಕ್ರೋಶಕ್ಕೆ ಕಾರಣವಾಗಿದೆ.

ರೈತ ಹೋರಾಟದ ಬಗ್ಗೆ ವಿದೇಶಿ ಸೆಲೆಬ್ರಿಟಿಗಳು ಮತ್ತು ಹೋರಾಟಗಾರರು ಮೂಗು ತೂರಿಸಿರುವ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದ್ದ ಸಚಿನ್​, ಅದರ ವಿರುದ್ಧವಾಗಿ ಟ್ವೀಟ್​ ಮಾಡಿದ್ದರು. "ಭಾರತದ ಸಾರ್ವಭೌಮತ್ವವನ್ನು ರಾಜಿ ಮಾಡಲಾಗುವುದಿಲ್ಲ. ಬಾಹ್ಯ ಶಕ್ತಿಗಳು ಪ್ರೇಕ್ಷಕರಾಗಬಹುದು ಆದರೆ ಭಾಗವಹಿಸುವವರಲ್ಲ. ಭಾರತೀಯರಿಗೆ ಭಾರತ ತಿಳಿದಿದೆ ಮತ್ತು ಭಾರತಕ್ಕಾಗಿ ಏನು ಬೇಕೆನ್ನುವುದನ್ನು ನಿರ್ಧರಿಸಬೇಕಿದೆ. ನಾವೆಲ್ಲರು ಒಂದು ರಾಷ್ಟ್ರವಾಗಿ ಐಕ್ಯವಾಗಿ ಉಳಿಯೋಣ." ಎಂದು ಟ್ವೀಟ್​ ಮಾಡಿದ್ದರು. ಈ ಟ್ವೀಟ್​ಗೆ ಹಲವರು ಮೆಚ್ಚುಗೆ ವ್ಯಕ್ತಪಡಿಸಿದ್ದರೆ ಅನೇಕರು ಅವರ ಕಾಲೆಳೆಯುವುದರಲ್ಲಿ ನಿರತರಾಗಿದ್ದಾರೆ. (ಏಜೆನ್ಸೀಸ್​)

https://www.vijayavani.net/road-side-idli-vendor-was-allegedly-beaten-by-three-unidentified-customers/

https://www.vijayavani.net/us-technician-watches-private-videos-in-cctv/