ಸ್ಟಾರ್​ ನಟನ ಚಿತ್ರಕ್ಕೆ ಪೂಜಾ ಹೆಗ್ಡೆ ಆಯ್ಕೆ! ಕನ್ನಡತಿ ಶ್ರೀಲೀಲಾ ಕೈತಪ್ಪಿತು ಬಿಗ್​ ಪ್ರಾಜೆಕ್ಟ್​? | Pooja Hegde

ಮುಂಬೈ: ಬಾಲಿವುಡ್​ನ ಸ್ಟಾರ್​ ನಟ ವರುಣ್ ಧವನ್​ ಮತ್ತು ತೆಲುಗು ನಟಿ ಮೃಣಾಲ್ ಥಾಕೂರ್​ ಮುಖ್ಯಭೂಮಿಕೆಯಲ್ಲಿ ನಟಿಸುತ್ತಿರುವ 'ಹೇ ಜವಾನಿ ತೋ ಇಷ್ಕ್ ಹೋನಾ ಹೈ' ಸಿನಿಮಾದಲ್ಲಿ ಎರಡನೇ ನಾಯಕಿಯಾಗಿ ನಟಿ ಪೂಜಾ ಹೆಗ್ಡೆ (Pooja Hegde) ಅವರನ್ನು ಆಯ್ಕೆ ಮಾಡಿಕೊಂಡಿದೆ ಎಂಬ ಸುದ್ದಿ ಇದೀಗ ಹೊರಬಿದ್ದಿದೆ.

ಇದನ್ನೂ ಓದಿ: ತಡೆ ಹಿಡಿದಿದ್ದ ಕಾಮಗಾರಿಗಳಿಗೆ ಸದ್ಯದಲ್ಲೇ ಭೂಮಿಪೂಜೆ

ಯುವ ನಟಿಯ ಅಭಿಮಾನಿಗಳಲ್ಲಿ ಬೇಸರ

ಅಸಲಿಗೆ ಈ ಹಿಂದೆಯೇ ಚಿತ್ರದಲ್ಲಿ ಇಬ್ಬರು ನಾಯಕಿಯರು ಇರಲಿದ್ದಾರೆ ಎಂದು ಚಿತ್ರತಂಡ ತಿಳಿಸಿತ್ತು. ಹೀಗಾಗಿ ಮೊದಲ ನಟಿಯ ಪಾತ್ರಕ್ಕೆ ಮೃಣಾಲ್ ಫಿಕ್ಸ್​ ಆಗಿದ್ದರು. ಇನ್ನು ಪ್ರಮುಖ ಪಾತ್ರದಲ್ಲಿ ಎರಡನೇ ನಾಯಕಿಯಾಗಿ ಶ್ರೀಲೀಲಾ ನಟಿಸಲಿದ್ದಾರೆ ಎಂದು ಹೇಳಿದ್ದ ಚಿತ್ರ ತಯಾರಕರು, ಇದೀಗ ಶ್ರೀಲೀಲಾರನ್ನು ಕೈಬಿಟ್ಟು ಟಾಲಿವುಡ್​ ಬೆಡಗಿ ಪೂಜಾ ಹೆಗ್ಡೆ ಜತೆ ಮಾತುಕತೆ ನಡೆಸಿದ್ದಾರೆ ಎನ್ನಲಾಗಿದೆ. ಸದ್ಯ ಈ ಸುದ್ದಿ ಯುವ ನಟಿಯ ಅಭಿಮಾನಿಗಳಲ್ಲಿ ತೀರ ಬೇಸರ ಮೂಡಿಸಿದೆ.

ಇಬ್ಬರೂ ಕನ್ನಡತಿಯರೇ

ವರದಿಗಳ ಪ್ರಕಾರ, ಈಗಾಗಲೇ ಶ್ರೀಲೀಲಾ ಕೆಲವು ಚಿತ್ರಗಳಿಗೆ ಸಹಿ ಮಾಡಿದ್ದು, ಆ ಸಿನಿಮಾಗಳ ಚಿತ್ರೀಕರಣದಲ್ಲಿ ಬಿಜಿಯಾಗಿರುವ ಕಾರಣ ಶೂಟಿಂಗ್‌ ಕಾಲ್‌ಶೀಟ್‌ಗಳನ್ನು ಮೀಸಲಿಡಲು ಸಮಯವಾಗಿಲ್ಲ. ಡೇಟ್ಸ್​ ಕೊಡಲು ಸಾಧ್ಯವಾಗದ ಕಾರಣ ಇದೀಗ ಈ ಚಿತ್ರದಿಂದ ಶ್ರೀಲೀಲಾ ಹೊರಗುಳಿಯಬೇಕಾಗಿದೆ. ಈ ಚಿತ್ರದ ಶೂಟಿಂಗ್ ನಿಗದಿತ ಸಮಯಕ್ಕಿಂತ ಸ್ವಲ್ಪ ತಡವಾಗಿ ಆರಂಭವಾಗಿದ್ದರಿಂದ ನಟಿ, ಬಾಲಿವುಡ್​ ಪ್ರಾಜೆಕ್ಟ್​ನಿಂದ ನಿರ್ಗಮಿಸಿದ್ದಾರೆ ಎಂದು ವರದಿ ಉಲ್ಲೇಖಿಸಿದೆ,(ಏಜೆನ್ಸೀಸ್).

https://www.vijayavani.net/last-ipl-2025-for-2-star-players