ಹೇಗಿದೆ ನೋಡಿ ಪೂಜಾ ಗಾಂಧಿ ಕೈಬರಹ!; ಕನ್ನಡದಲ್ಲೇ ಬರೆದು ಶುಭಾಶಯ ಕೋರಿದ 'ಮುಂಗಾರು ಮಳೆ' ಬೆಡಗಿ

ಬೆಂಗಳೂರು: ಕನ್ನಡದ ಯಶಸ್ವಿ ಸಿನಿಮಾಗಳಲ್ಲಿ ಒಂದಾದ 'ಮುಂಗಾರು ಮಳೆ' ಚಿತ್ರದ ಮೂಲಕ ಸ್ಯಾಂಡಲ್​ವುಡ್​ಗೆ ನಾಯಕಿಯಾಗಿ ಪ್ರವೇಶ ಮಾಡಿದ ಉತ್ತರ ಭಾರತೀಯ ನಟಿ ಪೂಜಾ ಗಾಂಧಿ, ಈ ಚಿತ್ರದ ಯಶಸ್ಸಿನ ಬಳಿಕ ಮತ್ತಷ್ಟು ಕನ್ನಡ ಸಿನಿಮಾಗಳಲ್ಲಿ ನಾಯಕಿಯಾಗಿ ನಟಿಸಿ ಒಂಥರ ಕನ್ನಡಿಗರೇ ಆಗಿ ಹೋಗಿದ್ದಾರೆ.

ಆ ಬಳಿಕ ಬೆಂಗಳೂರಿನಲ್ಲೇ ನೆಲೆಸಲು ಆರಂಭಿಸಿ ಕನ್ನಡ ಮಾತನಾಡಲು ಕಲಿತಿರುವ ಪೂಜಾ ಗಾಂಧಿ, ನಂತರ ಕನ್ನಡ ಬರೆಯುವುದನ್ನೂ ಕಲಿಯುವುದಾಗಿ ಹೇಳಿದ್ದರು. ಬಳಿಕ ಕನ್ನಡದಲ್ಲಿ ಬರೆದಿದ್ದ ಇವರು ಇದೀಗ ಸ್ವಾತಂತ್ರ್ಯೋತ್ಸವದ ಶುಭಾಶಯವನ್ನು ಕೂಡ ಕನ್ನಡದಲ್ಲಿ ಅದೂ ಕೈಬರಹದಲ್ಲೇ ಬರೆಯುವ ಮೂಲಕ ಕೋರಿದ್ದಾರೆ.

ಇದನ್ನೂ ಓದಿ: ಸದ್ಯ ಈ ಬಿಯರ್ ಕುಡಿಯಬೇಡಿ!; ಸೆಡಿಮೆಂಟ್ ಶೇಖರಣೆ ಆಗಿರುವುದರಿಂದ ತಡೆ ಹಿಡಿದ ಅಬಕಾರಿ ಇಲಾಖೆ

'ಜೈಹಿಂದ್.. 77ನೇ ಸ್ವಾತಂತ್ರ್ಯ ದಿನಾಚರಣೆಯ ಈ ಶುಭ ಸಂದರ್ಭದಲ್ಲಿ..' ಎಂದು ಆರಂಭಿಸಿರುವ ಅವರು, '144 ಕೋಟಿ ಭಾರತೀಯರ ಪರವಾಗಿ ನನ್ನ ಮನಪೂರ್ವಕ ನಮನಗಳು' ಎಂದು ಸ್ವಾತಂತ್ರ್ಯೋತ್ಸವದ ಶುಭ ಕೋರಿದ್ದಾರೆ.

ಪೂಜಾ ಗಾಂಧಿ ಕೈಬರಹ ಇರುವ ಶುಭಾಶಯ ಪತ್ರ

https://www.vijayavani.net/same-thithi-nakshathra-as-of-august-15-1947

https://www.vijayavani.net/indian-army-dedicates-115-ft-long-bridge-to-locals-of-last-village-on-loc