ಸ್ವಾತಂತ್ರ್ಯೋತ್ಸವ ಪ್ರಯುಕ್ತ ಗ್ರಾಮಸ್ಥರಿಗೆ 115 ಅಡಿ ಉದ್ದದ ಸೇತುವೆ ಮಾಡಿಕೊಟ್ಟ ಯೋಧರು!

ನವದೆಹಲಿ: 77ನೇ ಸ್ವಾತಂತ್ರ್ಯೋತ್ಸವ ಪ್ರಯುಕ್ತ ಭಾರತೀಯ ಸೇನೆಯ ಯೋಧರು ಒಂದೊಳ್ಳೆಯ ಕಾರ್ಯವನ್ನು ಮಾಡಿ ಜನಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. ಅವರು ಕಟ್ಟಕಡೆಯ ಹಳ್ಳಿಯೊಂದರ ಜನರಿಗೆ ಸೇತುವೆಯೊಂದನ್ನು ಮಾಡಿಕೊಟ್ಟು ಅರ್ಪಿಸಿದ್ದಾರೆ.

ಜಮ್ಮು ಮತ್ತು ಕಾಶ್ಮೀರದ ಮಚ್ಛಲ್ ಸೆಕ್ಟರ್​ನ ಲೈನ್ ಆಫ್ ಕಂಟ್ರೋಲ್​ನ ಕಟ್ಟಕಡೆಯ ಹಳ್ಳಿಯಾಗಿರುವ ದನ್ನಾ ಗ್ರಾಮದ ಜನರಿಗೆ 115 ಅಡಿ ಉದ್ದದ ಸೇತುವೆಯೊಂದನ್ನು ಮಾಡಿಕೊಟ್ಟಿದ್ದಾರೆ. ಅದನ್ನು ಸ್ವಾತಂತ್ರ್ಯೋತ್ಸವ ದಿನವಾದ ಇಂದು ಕೊಡುಗೆಯಾಗಿ ಗ್ರಾಮಸ್ಥರಿಗೆ ಅರ್ಪಿಸಿದ್ದಾರೆ.

ಇದನ್ನೂ ಓದಿ: ಇಲ್ಲಿನ ಶಿಕ್ಷಕರು ಉದ್ಯೋಗಕ್ಕೆ ಸೇರುವ ಮುನ್ನ ಈ ಕೆಲಸ ಮಾಡಲೇಬೇಕು: ಏನಿದು ಲ್ಯಾಬ್​ ಸ್ಕೂಲ್?

ಭಾರತೀಯ ಸೇನೆಯ ಇಂಜಿನಿಯರ್​​ಗಳ ನೇತೃತ್ವದಲ್ಲಿ ಈ ಸೇತುವೆ ನಿರ್ಮಿಸಲಾಗಿದ್ದು, ಪ್ರತಿಕೂಲ ಹವಾಮಾನಗಳ ನಡುವೆ ಕಳೆದ ಎರಡು ತಿಂಗಳಿನಿಂದ ಇದಕ್ಕಾಗಿ ನಮ್ಮ ಯೋಧರು ಪರಿಶ್ರಮ ಪಟ್ಟಿದ್ದರು. ಈ ಸೇತುವೆಯು ಜಮ್ಮು ಮತ್ತು ಕಾಶ್ಮೀರದ ಜನರಿಗೆ ಸೇನೆಯ ಬದ್ಧತೆಗೆ ಸಾಕ್ಷಿಯಾಗಿದೆ ಎಂದು ಆರ್ಮಿ ಪಿಆರ್​ಒ ತಿಳಿಸಿದ್ದಾರೆ.

ಈ ಹೊಸ ಸೇತುವೆಯಿಂದಾಗಿ ಇಲ್ಲಿನ ಗ್ರಾಮಸ್ಥರಿಗೆ ಮಚ್ಛಲ್ ನಲ ಎಂಬ ಊರಿನ ಜತೆ ಸಂರ್ಪಕ ಸರಳವಾಗಿದೆ. ಮಕ್ಕಳನ್ನು ಶಾಲೆಗೆ ಕಳುಹಿಸಲು, ವಯೋವೃದ್ಧರನ್ನು ಚಿಕಿತ್ಸೆಗೆ ಆಸ್ಪತ್ರೆಗೆ ಕರೆದೊಯ್ಯಲು ಈ ಸೇತುವೆ ಮಹದುಪಕಾರಿ ಆಗಿದೆ. ಇಲ್ಲಿನ ಸುಂದರ ಪರಿಸರವನ್ನು ವೀಕ್ಷಿಸಲು ಬರುವ ಪ್ರವಾಸಿಗರಿಗೂ ಇದು ಅನುಕೂಲವಾಗಿದೆ.

https://www.vijayavani.net/same-thithi-nakshathra-as-of-august-15-1947

https://www.vijayavani.net/upendras-first-reaction-as-he-got-an-interim-stay-from-high-court