ಇಲ್ಲಿನ ಶಿಕ್ಷಕರು ಉದ್ಯೋಗಕ್ಕೆ ಸೇರುವ ಮುನ್ನ ಈ ಕೆಲಸ ಮಾಡಲೇಬೇಕು: ಏನಿದು ಲ್ಯಾಬ್​ ಸ್ಕೂಲ್?

ಉತ್ತರಪ್ರದೇಶ: ಡ್ರೈವಿಂಗ್ ಲೈಸೆನ್ಸ್ ಕೊಡುವ ಮುನ್ನ ಲರ್ನಿಂಗ್ ಲೈಸೆನ್ಸ್​ ಕೊಟ್ಟು, ಅವರು 'ಎಲ್' ಬೋರ್ಡ್ ಹಾಕಿಕೊಂಡು ವಾಹನ ಚಲಾಯಿಸುವುದನ್ನು ಪರೀಕ್ಷೆ ಮಾಡುವುದಿದೆಯಲ್ಲ ಅದೇ ರೀತಿಯ ಪರೀಕ್ಷೆಯೊಂದನ್ನು ಇಲ್ಲಿನ ಶಿಕ್ಷಕರಿಗೆ ಮಾಡಲಾಗುತ್ತದೆ.

ಉತ್ತರಪ್ರದೇಶದಲ್ಲಿ ತರಬೇತಿಯಲ್ಲಿರುವ ಶಿಕ್ಷಕರಿಗೆ ಒಂಥರ ಎಲ್ ಬೋರ್ಡ್ ಇದ್ದಂತೆಯೇ ಇರುತ್ತದೆ. ಅರ್ಥಾತ್ ಅವರು ಉದ್ಯೋಗಕ್ಕೆ ಸೇರುವ ಮುನ್ನ ಲ್ಯಾಬ್​ ಸ್ಕೂಲ್​ನಲ್ಲಿ ಪಾಠ ಮಾಡಬೇಕಾಗುತ್ತದೆ. ಅವರು ಅಲ್ಲಿ ಬಹುತೇಕ ಪರಿಣತರು ಎಂದು ನಿರ್ಧಾರವಾದ ಬಳಿಕವಷ್ಟೇ ನಿಜವಾದ ತರಗತಿಗೆ ತೆರಳಿ ಪಾಠ ಮಾಡುತ್ತಾರೆ.

ಪ್ರಾಥಮಿಕ ಶಿಕ್ಷಣದಲ್ಲಿ ಡಿಪ್ಲೊಮಾ ಅಂದರೆ D.El.Ed ಕೋರ್ಸ್ ಮಾಡುವ ಅಭ್ಯರ್ಥಿಗಳಿಗೆ ಈ ನಿಯಮ ಅನ್ವಯಿಸಲಾಗಿದೆ. ಅವರನ್ನು ಈ ರೀತಿ ಲ್ಯಾಬ್​ ಸ್ಕೂಲ್​ನಲ್ಲಿ ಪಾಠ ಮಾಡುವಂತೆ ಮಾಡುವುದರಿಂದ ಅವರು ನೇಮಕವಾದ ಸ್ಥಳದಲ್ಲಿ ಪಾಠ ಮಾಡುವ ಮುನ್ನವೇ ಅಲ್ಲಿನ ಪರಿಸ್ಥಿತಿ ಹೇಗಿರಬಹುದು ಎಂದು ಅಂದಾಜಿಸಲು ಸಾಧ್ಯವಾಗುತ್ತದೆ. ಉತ್ತರಪ್ರದೇಶದಲ್ಲಿ ಇಂಥದ್ದೊಂದು ಪದ್ಧತಿಯನ್ನು ಇದೇ ಮೊದಲ ಸಲ ತರಲಾಗಿದೆ.

https://www.vijayavani.net/upendras-first-reaction-as-he-got-an-interim-stay-from-high-court

https://www.vijayavani.net/today-telegram-turns-10-years-old-gradual-roll-out-of-stories-for-all-users