ವಾಟ್ಸ್ಆ್ಯಪ್​ ಸಂದೇಶಗಳ ಮೇಲೆ ಕಣ್ಣು; ಕಾನೂನು ಕುಣಿಕೆಗೆ ಸಿಲುಕುವಿರಿ ಜೋಕೆ..

| ಡಿಪಿಎನ್ ಶ್ರೇಷ್ಠಿ ಚಿತ್ರದುರ್ಗ 
ಸರಿ-ತಪ್ಪು ವಿವೇಚಿಸದೆ ನಿಮ್ಮ ಮೊಬೈಲ್​ಗೆ ಬರುವ ವಾಟ್ಸ್ ಆಪ್ ಸಂದೇಶಗಳು, ವಿಡಿಯೊಗಳನ್ನು ಫಾರ್ವರ್ಡ್ ಮಾಡುವ ಹವ್ಯಾಸ ನಿಮ್ಮದಾಗಿದ್ದಾರೆ ಎಚ್ಚರ! ಮನಸೋ ಇಚ್ಛೆ ಸಂದೇಶಗಳನ್ನು ಹಂಚಿಕೊಳ್ಳುವುದರಿಂದ ಗ್ರೂಪ್ ಅಡ್ಮಿನ್​ಗಳ ಜತೆ ನೀವು ಕೂಡ ಕಾನೂನಿನ ಕುಣಿಕೆಗೆ ಸಿಲುಕುವುದು ಅನಿವಾರ್ಯವಾದೀತು.

ಸರ್ಕಾರದ ಆದೇಶದ ಬಳಿಕ ಈ ನಿಟ್ಟಿನಲ್ಲಿ ಪೊಲೀಸರು ಚುರುಕಾಗಿದ್ದಾರೆ. ಗೃಹ ಇಲಾಖೆ ಸೂಚನೆಯಂತೆ ರಾಜ್ಯದ ಎಲ್ಲ ಜಿಲ್ಲಾ ಪೊಲೀಸ್ ಕಚೇರಿ (ಡಿಪಿಒ), ಠಾಣೆಗಳಲ್ಲಿ ಸೋಷಿಯಲ್ ಮೀಡಿಯಾ ಮಾನಿಟರಿಂಗ್ ಸೆಲ್​ಗಳು ಆರಂಭವಾಗಿವೆ. ದಿನದ 24 ತಾಸು ಜಾಲತಾಣಗಳ ಮೇಲೆ ಹದ್ದಿನ ಕಣ್ಣಿಡುತ್ತಿದ್ದಾರೆ. ಕೋಮು ಸಂಘರ್ಷಕ್ಕೆ ಕಾರಣವಾಗುವ ಸಂದೇಶಗಳು, ಅಶ್ಲೀಲ, ಅಸಭ್ಯ ವಿಡಿಯೋ, ಫೋಟೋ ಹರಿಬಿಡುವುದು ಹಾಗೂ ಸುಳ್ಳು ಸುದ್ದಿ ಹಬ್ಬಿಸುವುದು ಇತ್ಯಾದಿ ಬೇಜವಾಬ್ದಾರಿ ನಡೆಯಿಂದ ಕಾನೂನು ಸುವ್ಯಸ್ಥೆಗೆ ಆಗುವಂಥ ಧಕ್ಕೆಯನ್ನು ತಪ್ಪಿಸುವುದು ಇದರ ಉದ್ದೇಶ.

150ಕ್ಕೂ ಹೆಚ್ಚು ಗ್ರೂಪ್​ಗಳ ಮೇಲೆ ನಿಗಾ: ಚಿತ್ರದುರ್ಗ ಜಿಲ್ಲೆಯ ಡಿಪಿಒದಲ್ಲಿ ಕಳೆದ ವಾರ ಕಾರ್ಯಾರಂಭ ಮಾಡಿರುವ ಘಟಕ, ಈಗಾಗಲೆ 150 ಕ್ಕೂ ಹೆಚ್ಚು ವಾಟ್ಸ್ ಆಪ್ ಗ್ರೂಪ್​ಗಳ ಮೇಲೆ ನಿಗಾವಹಿಸಿದೆ. ಜಿಲ್ಲೆಯ ಎಲ್ಲ 23 ಠಾಣೆಗಳಲ್ಲೂ ಸೆಲ್ ಸ್ಥಾಪಿಸಲಾಗಿದೆ. ಈ ಹಿಂದೆ ಫೇಸ್​ಬುಕ್ ಇತ್ಯಾದಿಗಳ ಮೂಲಕ ಅವಹೇಳನಕಾರಿ ಸಂದೇಶಗಳು, ಚಿತ್ರಗಳ ರವಾನೆ ಆಗಿರುವ ಕುರಿತಂತೆ ಜಿಲ್ಲೆಯಲ್ಲಿ ದಾಖಲಾಗಿದ್ದ ದೂರುಗಳ ಪೈಕಿ ಕೆಲವಿನ್ನೂ ಬಗೆಹರಿದಿಲ್ಲ. ಇವುಗಳ ವಿಚಾರಣೆ ತ್ವರಿತಗೊಳಿಸಲು ಜಿಲ್ಲಾ ಪೊಲೀಸರು ಮೇಲಧಿಕಾರಿ ಹಾಗೂ ಸರ್ಕಾರದ ಸಂಪರ್ಕದಲ್ಲಿದ್ದಾರೆ ಎನ್ನಲಾಗಿದೆ.

https://www.vijayavani.net/man-transforms-into-human-dog-by-spending-20000-dollars

https://www.vijayavani.net/missing-kerala-man-found-after-1-5-years-says-was-scared-of-wife