ಯುದ್ಧ ಪೀಡಿತ ಉಕ್ರೇನ್​ಗೆ ಪ್ರಧಾನಿ ಭೇಟಿ; ಸ್ವಾಗತ ಕೋರಿದ ಉಕ್ರೇನಿಯನ್ ಪ್ರತಿನಿಧಿಗಳು

ಕೀವ್​: 20 ಗಂಟೆ ರೈಲಿನಲ್ಲಿ ಪ್ರಯಾಣ ಮಾಡಿದ ಭಾರತದ ಪ್ರಧಾನಿ ನರೇಂದ್ರ ಮೋದಿ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಅವರ ಆಹ್ವಾನದ ಮೇರೆಗೆ ಇಂದು ಯುದ್ಧ ಪೀಡಿತ ಉಕ್ರೇನ್​ ನೆಲಕ್ಕೆ ಆಗಮಿಸಿದ್ದಾರೆ.

ಇದನ್ನೂ ಓದಿ: ಸ್ವತಃ ಸಿಎಂ ಬಂದು ಹೋದ್ರೂ ಬಗೆಹರಿಯಲಿಲ್ಲ ಈ ಊರಿನ ಸಮಸ್ಯೆ

ತಮ್ಮ ನೆಲಕ್ಕೆ ಬಂದಿಳಿದ ನರೇಂದ್ರ ಮೋದಿ ಅವರನ್ನು ಉಕ್ರೇನ್ ಪ್ರತಿನಿಧಿಗಳು ಸ್ವಾಗತ ಕೋರಿದ್ದಾರೆ. 1991ರಲ್ಲಿ ಸೋವಿಯಟ್​ ಒಕ್ಕೂಟದಿಂದ ಸ್ವಾತಂತ್ರ್ಯ ಪಡೆದ ನಂತರ ಉಕ್ರೇನ್‌ಗೆ ಭೇಟಿ ನೀಡಿದ ಮೊದಲ ಪ್ರಧಾನಿ ನರೇಂದ್ರ ಮೋದಿ. ಸದ್ಯ ಸಂಘರ್ಷದ ಕಿಚ್ಚಿಗೆ ಪರಿಹಾರ ಅಗತ್ಯವಿರುವ ಹಿನ್ನಲೆ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಜತೆ ಪ್ರಧಾನಿ ಮಾತುಕತೆ ನಡೆಸುವ ನಿರೀಕ್ಷಿಸಲಾಗಿದೆ.

ರಷ್ಯಾದೊಂದಿಗೆ ನಡೆಯುತ್ತಿರುವ ಸಂಘರ್ಷಕ್ಕೆ ಶಾಂತಿಯುತ ಪರಿಹಾರ ಕುರಿತು ಝೆಲೆನ್ಸ್ಕಿ ಅವರೊಂದಿಗೆ ಒಂದಷ್ಟು ವಿಷಯ ಚರ್ಚೆ ನಡೆಸಲಿರುವ ಮೋದಿ, ಇಂದು ಸಂಜೆ ಅಧ್ಯಕ್ಷರ ಜತೆ ಮಾತುಕತೆಗೆ ಮುಂದಾಗಲಿದ್ದಾರೆ ಎಂದು ವರದಿಯಾಗಿದೆ,(ಏಜೆನ್ಸೀಸ್). 

https://www.vijayavani.net/this-is-shocking-actress-trolled-for-look